Concentración pol asturianu en Maxisteriu

Lo mesmo que pasó nel conceyu anterior de la Xunta d'Escuela de Maxisteriu onde se decidía sobre la presencia o non de la nues Llingua nos estudios de maxisteriu, una concentración va esixir esi martes de tarde'l tratu igualitariu pa la llingua d'Asturies.

La Xunta pol Defensa de la Llingua tien convocada una concentración esti martes a partir de les 16 hores col oxetivu d’esixir un tratu igualitariu pal asturianu na Escuela de Maxisteriu. L'actu vindicativu coincide cola importante votación que va decidir l'estatus que va tener la llingua asturiana nos estudios de la Escuela.

Txomin Goñi condergáu por faltes y non por delitos, como quería el PSOE de Llanes.

“Una victoria importante pa siguir denunciando la especulación y la corrupción n’Asturies”.

El Xulgáu de lo Penal d’Uviéu dictó sentencia pol xuiciu contra Txomin Goñi, por presuntos delitos nun Plenu del Ayuntamientu de Llanes nel que s’aprobó’l Plan Parcial de La Talá. El fallu conderga’l dirixente vecinal por una falta de perturbación del orde públicu y una falta de “lesiones” con multes de 1000 € y 180 € pa indemnizar a un policía municipal. Llibra asina la pitición de dos años y mediu del Ayuntaientu de Llanes.

L’acusación particular, l’Ayuntamientu de Llanes (PSOE), pidía 2 años y 5 meses de cárcele al imputái dellos delitos y delles faltes. Pesie a que la Fiscalía yá retirare los sos cargos de delitu dexándolos en simples faltes, al considerar non axustada a derechu la decisión de l’Alcaldesa de desagospiar a un ciudadanu pol simple fechu de llevar una camiseta denunciando la illegalidá del plan parcial.

L’Agrupación de Colectivos Asturianos (ACA), l’Agrupación de Vecinos y Amigos de Llanes y la Plataforma escontra la Represión y les llibertaes asoleyaron un comunicáu conxuntu tres la sentencia. Pa los colectivos “ye más qu’evidente qu’esti resultáu xudicial tien muncho que ver cola gran movilización ciudadana y allarma social creada pola petición de 2 años y medio de cárcele por denunciar la especulación urbanística y la destruición de la costa que ye patrimoniu de toos”.

Pa los colectivos “la recoyida de miles de firmes de apoyu a Txomin Goñi, el repartu masivu de fueyes informatives, la gran repercusión n’Internet, la presencia constante de ciudadanos acompangandolu nos sos 15 díes de fuelga fame, la importante concentración na entrada de los Xulgados el día del xuiciu, son fechos qu’amuesaron la repulsa de los ciudadanos” y entrúguen “¿Cómo se pue pedir cárcel pa los que denuncian la especulación y non pa los especuladores?”.

Los colectivos tienen claro que “sin esti rechazu ciudadanu a la penalización de Txomin, güei tendríemos un grave precedente marcáu na piel d’un ciudadanu pa torgar que la rempuesta social a los abusos de poder s’abra pasu”.

Los colectivos ciudadanos y sociales qu’acoimpangaron a Txomin Goñi agradecen a tolos que sofitaron el casu “que consideramos una victoria importante pa siguir denunciando la especulación y la corrupción n’Asturies”.

La sentecia a "Fer" yá ye firme

El Fiscal nun recurre los 10 meses de conderga al independetista.

Pasau’l plazu de 5 dies dende que la sala 4ª de l’audiencia nacional española notificara a Fernando González la so conderga a 10 meses de cárcele, inhabilitación especial pal drechu de sufraxu pasivu mentantu que dure la conderga y a los pagos de les costes del xuiciu, el fiscal, Miguel Angel Carballo Cuervo, nun vién de presentar recursu dalu, colo que la sentencia pasa a ser firme, según informó'l muerganismu antirrepresivu popular "Sofitu".

La defensa de Fer solicitará agora la suspensión de la conderga al nun ser esta mayor de dos años y nun tener antecedentes penales el condergáu. Esti tramite xudicial vién tardando en resolvese unos dos meses y evitaria, de concedese, que Fer volviese a prisión a cumplir los 198 dies que-y quedaríen de pena. Tamién tán a l’aspera que nesi plazu devuelvan los 10.000€ de fianza depositaos p’algamar la llibertá provisional de Fer.

Anque dende SOFITU nun se tá d’alcuerdu con esta conderga, "al nun poder aceutar que dengún tribunal d’esceición español xulgue nin muncho menos condergue a un ciudadanu asturianu", esta sentencia, afiten, "vién a desfacer el montaxe politicu-mediaticu-policial que Fer careció dende la so detencion fasta’l mesmu xuiciu".

Nesti sen, dende SOFITU va entamar una rueda de prensa pública nel momentu en que la suspensión de la conderga seya firme, "na que Fer, con una sentencia firme na mano volvera denunciar públicamente a los responsables d’esta criminalización y d’esta persecución, y volvera demostrar con prebes y la sentencia lo que los terroristes de la política , la prensa y los pistoleros con placa inventaron p’acusalu de ser lo qu’ellos son."

Encierru na Universidá d'Uviéu en solidaridá colos militantes contra boloña represaliaos

Un garrapiellu d'estudiantes de l'Asamblea asturiana contra'l Plan Boloña enzarráronse nel Edificio Históricu de la Universidá d'Uviéu en solidaridá colos estudiantes catalanes "víctimes de la represión". Según recueye Europa Press un voceru de los encerraos declaró que se trata d'un "encierru simbólicu" que podría alargarse "ún o dos díes".
El voceru de los enzarraos desplicó que nun ye pripiamete un "actu contra Boloña, sinon d'un acto contra la represión que sufren los que s'oponen a Boloña" y amuesó la so soldariedá colos estudiantes catalanes que s'enzarraran nel claustru y los cerca de 40 estudfiantes feríos tres la carga policial nuna movilización. La Asamblea asoleyó un comunicáu desplicativu que reproducimos íntegru darréu:

---

Lxs estudiantes de la Universidá d'Uviéu, organizaxs n'asamblea, manifestamos la nuestra refuga énte los fechos intolerables ocurríos en Barcelona'l miércoles pasáu 18 de marzu.

Tres de cuatro meses d'encierru na Universitat de Barcelona, en protesta pola aplicación del Espaciu Européu d'Educación Superior, lxs estudiantes ellí trancaxs fueron desagospiaxs violentamente, a manos de los mossos d'esquadra, col preste del rector Didac Ramírez y el mandáu de Joan Saura y Josep Huguet, conseyeros d'Interior y d'Universidaes respectivamente. Nes manifestaciones postreres siguió la fola represiva; la policía autonómica agredió tamién a transeuntes y periodistes, acabando la xornada con decenes de deteníxs.

Queremos denunciar esta política represiva desendolcada contra cualesquier movimientu contestatariu. Énte la crisis sistémica d'esti capitalismu xabaz agudícense les contradicciones que valen de xida pal usu desproporcionáu de la fuercia en ficies de la “paz social”. Somos conscientes de qu'esto nun ye un fechu aisláu y de qu'esta política tien l'oxetivu d'acabar con toa disidencia contra la mercantilización progresiva de los servicios públicos (sanidá, enseñanza...).

D'esta miente, condenamos les actitues represives al tiempu que desiximos:

La dimisión de los conseyeros Joan Saura y Josep Huguet, del nefastu director de los mossos Rafael Olmos y del rector Didac Ramírez.

La puesta en llibertá ensin cargos de lxs imputaxs.

El cese de la criminalización por parte de la Conferencia de Rectores d'Universidaes Españoles (CRUE).

Que la CRUE en xeneral y el rector de la Universidá d'Uviéu Vicente Gotor en particular denuncien la violencia policial.

Pesie a estos intentos d'acallar la llucha contra la imposición del EEES, esti ye un movimientu que ta atropando cada vuelta más fuercia. Lxs estudiantes de la Universidá d'Uviéu, solidarixs colxs compañerxs de Barcelona, al empar que lxs estudiantes del restu del Estáu, vamos siguir movilizándomos. Esti encierru nel rectoráu ye un pasu más na llucha contra la implantación del Plan Bolonia.

Asamblea d'Estudiantes contra l'EEES d'Asturies.

Manifestamientu escontra la cris del paru en Xixón. 2 d'abril.

Equí dexamos el cartel de la convocatoria. Como nota crítica dicir que nun sabese mui bien en qu'idioma ta escritu'l cartel...taba bien qu'iguense estes coses pa prósimes vegaes.

MANIFESTACIÓN XUEVES 26 MARZU 19 HORES MIERES

STI XUEVES 26 DE MARZU A LES 19 HORES DENDE LA ILESIA SAN XUÁN DE MIERES ENTAMA UNA MANIFESTACIÓN EN APOYU DE LOS/ES TRABAYAORES DE ENFERBUS, ÁLVAREZ GONZÁLEZ Y DIASA PHARMA, ENTE OTRES EMPRESES EN CONFLICTU.

¡EN SOLIDARIDÁ COLOS/ES TRABAYAORES EN LLUCHA TOOS/ES EL XUEVES A LES 19 HORES DELANTRE LA ILESIA SAN XUÁN DE MIERES!

¡POLOS PUESTOS DE TRABAYU NES CUENQUES!

Nueva encuesta en Frayando[* + ]Cadenes: MLLNA. ¿ Esiste?

Nes caberes selmanes en varios espacios de la rede ta falandose alredor de lo que muncha xente noma " Movimientu de Lliberación Nacional Asturianu". Esti supuestu movimientu ta siendo oxetu de crítica y alderique ente munchos independentistes asturianos qu'asoleyen dellos comentarios que van dende que l'independentismu asturianu nun tien entá una categoría de Movimientu de Lliberación Nacional a munchos otros que falen claramente de la esistencia d'esti movimientu de lliberación nel nuesu pais, o bien d'un proyeutu hembrionariu. Asina, nel nuesu blog queremos entrugar a la xente qu'opinión tien alredor d'esti tema tan d'actualidá.

¿Qu'opinión ties sobro'l supuestu " Movimientu de Lliberación Nacional Asturianu"?

- Paezme qu'hai un hembrión d'esti movimientu, pocu importante pero esistente.

- Nun creyo que se pueda falar de MLLNA entá. Falta muncha base popular.

- Hai ún MLLNA claramente, anque pequeñu, organizáu yá de forma madura.

Yera bono que la xente moyarase y votara. Siempres ye prestosu ver que la xente echa un gabitu col blog y pasase y da la so opinión per equí.

Salú ya dixebra.

La mocedá independentista-Darréu- colos trabayadores de Diasa Pharma.

La muerganización independentista asoleya un comunicáu na so páxina web en solidariedá colos trabayadores de los laboratorios mierenses:

"

Dende Darréu queremos amosar tol nuesu sofitu y solidariedá colos trabayadores de Diasa Pharma.

La empresa, asitiada nel Valle de Turón, lleva dos meses yá ñegando’l so salariu a los sos trabayadores y poniendo en pelligru los puestos de trabayu d’estos. Manuel Adenso Iglesias, que ye’l xerente y másimu responsable de Diasa Pharma ye’l principal culpable de la situación de la empresa y de los sos trabayadores. Amás, les negociaciones con estos tuvieron enllenes de mentires y amenaces, por parte’l xerente, según l’asamblea de trabayadores de la empresa mierense.

Énte la grave situación d’estos ciudadanos, que siguen trabayando anque se-yos ñegue’l so salariu, Darréu quier amosar la so postura al respeutu. La nuesa muerganización revolucionario quier desixir el pagu de tolos salarios a estos trabayadores, ensín esceiciones y con continuidá, ya que camentamos que son estos mesmos los que caltienen la empresa en pie y la so actividá, mentantu los responsables d’esta, que ñeguense a pagar a los trabayadores siguen viendo medrar los sos beneficios. Asina, amosamos tamién la nuesa postura sofitando la continuidá de los llaboratorios, los que, según l’asamblea de trabayadores de los mesmos, tienen total viabilidá. A la fin, queremos desixir que nun se toque nengún puestu de trabayu, pues la plantiya, cumplíes les sos vindicaciones, tien la intención d’echar la empresa alantre y siguir cola continuidá d’esta, como fizo hasta agora.

Creyemos qu’estes demandes son necesaries de cumplir, yá qu’esta situación agravaría más entá la mala situación llaboral n’Asturies y especialmente, como ye’l casu, nes Cuenques Mineres.

Nun queremos escaecer tampocu d’otros casos de represión llaboral o de ñegación de drechos a los trabayadores como los d’Enferbus, Rioglass, Asturiana de Zinc… Nun podemos permitir el desaniciu del nuesu texíu industrial, yá que nun ye namai que sinónimu de paru y emigración.

Como ye vezu, dende’l “Principado” nun tomen postura alredor del tema y la clas política del país tien como mayor preocupación qu’Areces nun quede con fame nes sos visites oficiales.

Los culpables de la cris capitalista, siguen saliendo a la lluz con fechos llamentables como estos y con estes graves situaciones, y nun faen un res pa igualo.

Dende Darréu llamamos al Pueblu Trabayador Asturianu a movilizase escontra esti sistema en cris y da-y tol sofitu a los trabayadores de Diasa Pharma. Güei son estos pero mañana pue ser la plantiya de trabayadores de cualesquier empresa d’Asturies, la cris sigue y va siguir asina, faciendo pagar al Pueblu Trabayador los erros de la burguesía y l’Estáu facista español.

SOLUCION DIASA PHARMA ¡YÁ!

¡PUXA’L PUEBLU TRABAYADOR!

¡PUXA ASTURIES LLIBRE Y SOCIALISTA! "


Tamién el PCPE amosó el so sofitu y la so solidariedá publicamente colos afeutaos d'esti conflictu llaboral. Ún más nel nuesu pais...

Sábadu solidariu colos 14 de Cangues

Esti sábadu la solidaridá colos 14 de Cangues foi protagonista en Xixón, unes 250 persones participaron nun pasucais que percorrió'l centru la ciudá pidiendo l'absolución de los antifacistes y denunciando la represión.

La cordinadora antifacista d'Asturies entamó esti sábadu de tarde una xornada solidaria y vindicativa por mor del macroxuiciu a 14 antifacistes. Tres una charra sobre'l casu y sobre la historia de facismu n'Asturies alredor de 250 anifacistes participaron nun pasucais solidariu peles cais de Xixón.Tres l'actu de cai, na casa sindical hebo un conciertu solidariu.

(35) SOLIDARIEDÁ

Uviéu refugó'l racismu y pidió la despenalización del Top Manta.

Semeyes de la ruta contra'l racismu y la represión qu'ayeri pela mañana percorrio les cais uvieines.

Gracies a l'Estáu ex-pañol por danos siempres la razón.

Solidariedá colos más de 12 yá detenios y colos ferios pola policía. El delitu de los universitarios: Protestar escontra Boloña.








ESTAU ESPAÑOL...ESTAU NEOFACISTA

Primer diccinariu asturianu-xaponés

Sabel Tuñón y Takechi Moritaku son los autores del primer diccionariu asturianu-xaponés. El trabayu tién 2.800 entraes, primero n'asturianu y llueu en xaponés, y amesta una trescripción fonética aprosimada.

Por mor, del I Congresu de Cultura Xaponesa que se cellebra n'Uviéu pudimos saber de la sistencia del diccionariu asturianu-xaponés de Tuñón y Moriktu que por desgracia inda nun se pué mercar porque nun tá editáu. Los autores tán buscando editor pal trabayu inspirau nel precedente n'esi tipu d'espublizaciones del diccionariu asturianu-inglés de Ignacio Galán.

El xuiciu a Domingo Goñi vistu pa sentencia

El xuiciu escontra Domingo Goñi quedó vistu pa sentencia y La Fiscalía retiró la so petición de cárcele d'ocho meses. L'acusación particular, l'Ayuntamientu de Llanes, sigue queriendo enzarrar a Domingo Goñi. La defensa catlién la so inocencia.

Na vista'l fiscal modificó la so petición y pasado de pedir 8 meses de prisión, por un delitu de resistencia a la autoridá, a una falta, por alteración leve del orde públicu, pola que solicita una multa de 400 euros. El fiscal caltuvo na vista que "esistió un rigor escesivu" por parte de la alcaldesa al esixir a Goñi qu'abandonare'l plenu namás por portar una camiseta vindicativa.

Pesie a ello, l'Ayuntamientu de Llanes caltuvo la petición de pena de 2 años y 5 meses por un delitu d'atentáu y subsidiariamente un años por un delitu de resistencia activa grave, d'un delitu de desorden públicu, d'una falta de lesiones y de una falta de maltratu.

La defensa caltuvo la inocencia de Domingo Goñi yá que nun omentió delitu degún. Domingo Goñi consideró que la petición del Ayuntamiento amuesaba una rocea'l colectivu de vecinos que quieren salvar la zona natural de La Tala. Demienres el xuiciu Domingo Goñi relató que los axentes de la Policía tiráronlu al suelu y arrastráronlu fasta les dependencies policiales y que tuvo dos hores esposáu y dexó claro que tenía derechu a tar na sala.

Los policíes llocales que sacaron a Goñi del plenu por mandatu de l'alcaldesa dixeron que tovieron que facer mucha fuerza pa poder reducir a Goñi, y destacaron que nuna sala averada'l salón de plenos Goñi tropezó con unes caxas de folios y cayó al suelu, momentu qu'aprovecharon pa esposalu.

Domingo Goñi "Txomin" caltuvo una fuelga fame dende entamos de mes énte los Xulgaos como protesta al procesu xdicial escontra la so persona y nel xuiciu tuvo sofitáu por munchos vecinos de Llanes y solidarioes y solidaries de distintes partes de país.

fonte: Infoasturies

Darréu entamó les xornaes " Trabayadora güei, trabayadora siempres".

Dende Darréu manifiesten lo siguiente:

"A lo llargo del fin de selmana del 6 y 7 de marzu Darréu entamó unes xornaes coincidiendo col día de la muyer trabayadora. El llema escoyíu pola nuesa muerganización de mocedá foi “ Trabayadora güei, trabayadora siempres”.

Los actos entamaron nel salón d’actos de la biblioteca pública de Llangréu el vienres 6 con una charra alderique, con conocios activistes escontra’l machismu, como un ex militante de la desaniciada Xorrecer ente otres presones. Amás Darréu tamién intervino na charra con una vocera que presentó la postura de Darréu n’algamar una sociedá non patriarcal y ensín prexuicios sexistes, nin discriminación que faga más facil algamar la nación que queremos, una Asturies llibre y socialista, poro, llibre d’estos prexuicios y desigualdaes que día a día podemos ver sobre la muyer especialmente. La charra-alderique foi presentada y moderada por un voceru de Darréu . El resultáu de la actividá del vienres foi perbono y la nuesa muerganización revolucionario valora sobretoo la bona asistencia de mocedá a l’actu.

Los actos siguieron el sabadu n’Uviéu dempués del manifestamientu pol asturianu na universidá nel cual tuvimos. Siguío d’esto, a les 19:00 Darréu entamó una proyeición de curtiométraxes sobre les desigualdaes dica la muyer y pa concienciar más sobre esti problema a la muncha xente qu’averose na llibreria paraxuga d’Uvieu, la cual enllenose. La proyeición allargose unos 50 minutos y comentaronse ente los asistentes los curtios. Les xornaes finaron dempúes de la proyeición con una espicha na mesma llibrería con xinta y sidra, onde les moces y mozos aldericaron sobro’l tema.

Dende Darréu tampocu vamos a escaecenos del mural que teniemos programáu pa facer na mañana del sábadu col llema de les xornaes y de temática feminista y revolucionaria. Al paezer al Ayuntamientu de Llangréu, encabezáu pol PSOE y Esther Díaz García, molesto-y que la mocedá tuviera la intención de facer un mural escontra’l patriarcáu y el machismu. Asina, prohibió tal actividá nuna muria pública pa estes xornaes pola muyer lluchadora y trabayadora. A esta persecución tamos yá avezaos en Darréu como yá pasó cola cellebración del DMR del pasáu ochobre y paeznos pergrave que l’Ayuntamientu llangreanu ñegue a la mocedá facer un mural o cualesquier actividá con estes vindicaciones. Dende Darréu asina, valoramos perbien el fin de selmana en conxuntu y caltenemos que siguiremos na llucha pola muyer trabayadora y escontra’l sexismu patriarcal.

Ensín la muyer, Asturies nun sedrá llibre.

Puxa Asturies llibre y socialista."

La precariedá llaboral cébase cola mocedá trabayadora

La precariedá llaboral cébase cola mocedá trabayadora, inda más agora pola coyuntura del denomáu “mercáu llaboral” anguañu. Prauticamente 1 de cada 2 tien un contratu temporal y fain más de 6 hores estrés ensin remunerar a la selmana.

El 48,3% de les y los trabayadores asturianos d’entre 16 y 30 años nun tien un contratu temporal, según los datos del Observatoriu Xoven d’Emplegu del Conseyu de la Mocedá del Estáu. con datos del tercer trimestre de 2008.

Mientres nel seutor públicu los contratos a los xóvenes asturianos son mayoritariamente temporales (86,5%) qu’indefiníos (13,5%), nel sector priváu son mayoritarios los contratos indefiníos (54,3%) que los temporales (45,7%).
Los asturianos son los trabajadores xóvenes del estáu que más hores fain. Al menos un 12,2% de los y les trabayadores de menos de 30 años (10.322) ficiéronles ente xunu y setiembre de 2008, un porcentaxe que supera en cuasi 4 puntos la media estatal. Los trabayadores asturianos d’ente 16 y 30 años fain una media de 8 hores estrés remuneraes a la selmana y 6,3 hores ensin remunerar.

D’otra miente, los datos de paru énte la mocedá son mui preocupantes. N’Asturies, la tasa de desemplegu mozu ye del 13,7% y afeuta especialmente a los mozos ensin formación


Fonte: Infoasturies.

Movilizaciones escontra'l Plan Boloña.

Les cais d'Uviéu amuesaron güei la refuga por parte de los estudiantes universitarios al Plan Boloña. Amás desixieron un referendum dientru la universidá pa posicionase sobro'l casu Boloña. Cientos de mozos y moces aconceyaronse na Plaza d'esgpañag y ficieron un manifestamientu peles cais uvieines en refuga d'esti plan d'enseñanza. Esto, amestose a la fuelga a nivel estatal qu'entamose güei dientru les universidáes y los IES.

Nel manifiestu, los estudiaron refugaron el plan, al cual calificaron d'imposición d'unos " gurus neolliberales" que "traten de mercantilizar la enseñanza".

Primer RUIUNORA FEST nel CSOA La ReFLEXón

Dellos grupos de l'activa escena polesa fain el so particular desembarcu en Xixón esti sábadu nel C.S.O La Reflexón, nel primer RUIUNORA FEST, entamáu pola asociación Ruiu Nora.

Dende l'escenariu sonará'l rock acústicu de MAMEYES BLUES BAND, el punk directu d'ESTROPAJO, el variáu repertoriu billingüe de N'OCHEBRE, qu'abarca dende de la tonada al metal más tralleru, el numetal pertrabayáu de BONESTORM o'l rock-metal de OVERLAND.

Toa una amuesa bien completa de la música que se ta faciendo pel valle del Nora nos últimos tiempos. El conciertu entamará con puntualidá asturiana a les 7:30 y la entrada ye llibre dafechu.

L’IRA Auténticu reaparez con un ataque a una base militar británica nel Ulster.

L'IRA auténticu, grupu escindíu del Exércitu Republicanu Irlandés en 1997, vindicó l’ataque a una base británica n'Irlanda del Norte, baxo soberanía ritanica, que dexó dos militares muertos. El Sinn Fein condergó l’aición armada y asegura que pue poner en pelligru’l procesu de paz. El Sinn Fein, nuna nota prensa, afirmó qu’esti ataque escontra los britanicos ye un erru y ye contraproducente. Gerry Adams dexó claro que dende’l SF nun apreben esti tipu d’ataques na situacion d’anguañu, y que nun contribuyen al desáu de reunificación d’Irlanda, según el cabezaleru republicanu con esta aición armada, l’IRA auténticu busca destruyir los progresos fechos dende que se firmaren los alcuerdos de Stormont y tornar a la situación bélica anterior.

L’IRA Auténticu, Real Irish Republican Army (RIRA), ye una escisión del IRA, que nun apreba’l devenir de los acontecimientos a partir del procesu de paz y que decidió siguir cola llucha armada, hasta conseguir espulsar a los británicos de la islla. L’IRA auténticu oponense a cualisquier salida política que nun suponga la reunificación y la independencia d’Irlanda.

Tanto Gordon Brown, primer ministru británicu como la totalidá de partíos irlandeses zarraron files en defensa del procesu de paz trés la aición armada que supunxo la muerte de dos soldaos britanicos n’Irlanda del Norte.

Noticia espublizada n'Infoasturies.

La encuesta alredor del tema la llingua ye unánime...

La entruga yera pernidia...

¿ Camientes qu'hai otra salida pa la llingua que nun seya la oficialidá dempués de los caberos datos?

- Si, mayor proteición pero ensín oficialidá 1 votu 4%.

- Non, solo la oficialidá valdría pa salvala. 22 votos, 96%.

- Dame igual, paso de tou. 0 votos, 0%.


Nun hai muncho que dicir sobre los resultaos, lo de siempres. Más de 30 años vindicando un drechu fundamental y ehí siguiremos, na cai vindicandolo hasta que los fartones que tenemos por "políticos" nun dexen de llau la so prepotencia, de nun oyir a la xente, y de pasu dexen de llau el so españolismu esquizofrénicu.

Dicir tamién que gracies a tola xente que vota y da-y asina dinamica al Blog. Gracies.


¡Salú ya dixebra!

Semeyes del manifestamientu d'ayeri en sofitu l'asturianu en maxisteriu.

Semeyes del manifestamientu pola defensa de los puestos de trabayu.

medra la represión...

sacáu de Glayiu.

Actualizau: Continuen les irregularidaes n'Asturies. La Policia irrumpe na Flex pa identificar a les persones que s'alcontraren nel interior de la ReFLEXón. Ésta ye la segunda vegada que les fuercies represives entren a identificar a les usuaries del espaciu lliberáu nel curtiu plazu de dos meses.

La policia rexistra e identifica a los asistentes a la rueda de prensa na que presentose la nueva "Ruta contra la represión y poles llibertaes". Cinco vehículos de la Policía Nacional personaronse nel llugar (cai 9 de Mayu) y, baxu amenaza de llevar a comisaría a los presentes, ordenaron mostrar la documentación de toos los participantes, asina como´l nome de colectivos y organizaciones a los que perteneciesen. Amás, rexistraron les bolses onde taba la propaganda y documentación. En tou momento dicien recibir “órdenes de la superioridad”.

Comenten los organizadores "a la Delegación de Gobierno en Asturias no le vendrá bien que digamos públicamente que los calabozos de las comisarías están llenos de personas que han cometido solamente una falta administrativa, no tener papeles; menos oportuno aún les parecerá cuando, recientemente, el ministro del Interior, Alfredo Pérez Rubalcaba, afirmó que solamente se detenía a inmigrantes vinculados a la delincuencia. Pero por muchas identificaciones, registros u otras actuaciones represivas que suframos, la Ruta contra el racismo y la represión seguirá haciendo pública la verdad. Aprovechamos para convocar a todas las personas indignadas por estas agresiones a la manifestación que, el sábado 21 de marzo, partirá de la estación de la Renfe a las 13h."

Darréu entama dellos actos pol Día de la Muyer Trabayadora

La organización política xuvenil Darréu emtama esta fin de selmana dellos actos con motivu del Día de la muyer trabayadora, viénres y sábadu, en Llangréu y n'Uviéu.

El llema escoyíu pola organización independentista ye "Trabayadora güei, trabayadora siempres".

El VIENRES 6 de marzu la organización de mocedá revolucionario entama una charra-alderique en La Felguera, na Casa de la Cultura a les 17:30 hores con delles intervenciones: Ex-militante de "Xorrecer", Militante de CSI (Corriente sindical d'izquierdes), Intervención de muyeres de Darréu y Andecha Astur.


El SABADU les actividaes alredor d'estos actos de Darréu baxo'l " Trabayadora güei, trabayadora siempres" siguen con un mural pola igualdá en Llangréu. Pela tardi a les 19:00 nel Café-Llibrería Paraxuga d'Uviéu, Darréu entama una proyeición de curtiometraxes y dempués fina la xornada con una espicha.

Estrayíu d'Infoasturies.

Manifestamientu " la llingua como les demás" Esti sabadu.

Comunicáu de Sofitu ente la sentencia a Fer.

A les 18:00 hores de güei comunicaben la sentencia a Fer, el mozu asturianu acusau de terrorismu. L'Audiencia Nacional decidió que nun hai finalidá terrorista nos sos actos y que la tentativa d'estragos terroristes que pidió la fiscalía tamién yera abultada. La sentencia condena a 10 meses de prisión a Fernando G.R. por un delitu de tentativa de daños, polo que nun tendrá qu'ingresar na cárcel al nun tener antecedentes (Fernando G.R. permaneció presu por insumisión, delitu que nun dexa antecedentes penáles según la lexislación vixente).

Nun podemos escaecer el clima social y mediáticu que dende Delgación de Gobiernu, Brigada de la Información de Xixón y prensa (Nueva España, Comercio...) crearon nos momentos de la detención y durante'l procesu xudicial. La prensa y autoridaes policiales intentaron culpar al xoven d'una veintena d'atentaos que nun fueron capaces de resolver nos caberos años. Fai pocu qu'espublizabase'l malestar de la Brigada de la Información pola petición fiscal de solo 8 años y por nun tener en cuenta los sos informes non fundamentaos en lo que deciase que podía tratase de la mesma persona.

Actualizau: Sofitu n'un breve comunicau lamenta'l malestar qu'esta noticia pueda causar a la Brigada de la Información y convoca una xuntanza pa mañana, martes 3 de marzu, a les 19:30 hores na Casa Sindical de Xixón con Fernando G.R. pa cellebrar que Fer nun va entrar na prisión.

Eleiciones n'Euskadi...¿ Y la izquierda abertzale ?

Una vegada más la " democracia " española torga el drechu de votar al pueblu vascu. Solo se pue votar a los partios correutos y collacios de la "democracia" española, ¿que democrates son estos que ñeguen el drechu de votar a gran parte d'un pueblu? Una vegada más, repetimos...DEMOCRACIA=0.


Solidaridá pa cola izquierda patriota vasca.

Vidiu Cangues: Absolución pa lxs 14 imputaxs 35

(35)

http://www.youtube.com/watch?v=T-_vqeYFJiU