Asturies, dizlo tol mundu.

Rosa Diez ta esmolecía.

«La gente tiene que pensar que Asturias no tiene futuro contra España, sino que su futuro está dentro de España. Por eso me preocupa que se esté proyectando ese discurso» Rosa Diez, n'El Comercio del 28 de xineru.

Claro, el futuru ye políticos sucursalistes, gobiernos corruptos, represión a la nuesa identidá como país y ataques a los y les trabayadores. Ta perbien que la señora Rosa Diez s'esmolezca, por que'l día que los asturianos y asturianes garren concenxa de lo que ta pasando nesti país y faigan aición d'ello nun va queda-yos nin una poltrona, y por supuestu, nin un requexu públicu. Porqu'a vegaes les coses t'españen na cara, y esti Réximen perpetuo, de raigañu tecnócrata-revionista-folclorista (PP, PSOE, IU; UPyD, FORO ASTURIAS, IDEAS...), nun va ser eternu, como nada na hestoria lo ye, inda menos na hestoria del nuesu pueblu.

Darréu colos trabayadores d’Alas Aluminium

El Conceyu de Darréu en Llangréu quier treslladar la so fonda preocupación pola situación que t’atravesando la plantiya de la empresa Alas Aluminium en Ciañu. La empresa propón un ERE pa los 270 trabayadores de la factoría nun periodu máximu de 4 meses. Por otra parte, los trabayadores refuguen esti parche temporal, y camienten que lo importante ye garantizar el futuru de la factoría.

Dende Darréu Llangréu amosen la so solidaridá y el so sofitu colos trabayadores d’Alas, "la plantiya ta viviendo una situación perdificil y son un exemplu más del desmantelamientu al que mos conderguen en Llangréu". Desixen por ello una solución del llau de los trabayadores, y tamién , una desplicación al pueblu llangreanu de los dirixentes de la empresa sobre la participación de fondos públicos d’Hunosa na empresa.

La organización de mocedá independentista camienta que’l comité d’empresa ha d’enfocar el conflictu non solo pa salvar los puestos de trabayu, sinón tamién como una forma de resistencia escontra los que ñeguen el futuru a les cuenques mineres. Un futuru que "nun ye negociable" dende’l so puntu d’agüeye.

Dende l’agrupación de Llangréu, y tamién a nivel nacional, Darreu cree que "tamos asistiendo a una agresión perfuerte por parte de los grandes propietarios de capital. Quieren solventar la so crisis, como siempres, faciendo que l’arrecostinen los que nun la xeneraron."

Asina faen un llamáu a la solidaridá cola clas trabayadora, al conxuntu de la mocedá nes Cuenques a defender a estos trabayadores y el trabayu en tolos conceyos d’Asturies, porque "naide nun va facelo por ellos".

www.aruelu.com

¿ Tini, tas cagáu ?

Pallabres d'Areces, que ta perplexu pol casu Riopedre:


El presidente del Principado de Asturias, el socialista Vicente Álvarez Areces, se ha mostrado este jueves "perplejo" ante el encarcelamiento el martes del ex consejero de Educación del Principado de Asturias, José Luis Iglesias Riopedre. Además, Areces ha defendido el principio de presunción de inocencia y se ha mostrado preocupado por el estado de salud de Riopedre.

Areces ha reivindicado la trayectoria de "respeto y entrega a valores e ideas" de Riopedre, además de su "colaboración con el servicio público" y de su "pasión" por la educación. "Nos ha llenado a todos de perplejidad lo ocurrido", ha señalado.

Se trata de las primeras declaraciones de Areces después de que Riopedre fuese detenido el lunes y de que el juez ordenase el martes una orden de prisión provisional, comunicada y sin fianza para el ex consejero por los delitos de prevaricación, cohecho, tráfico de influencias, fraudes y exacciones ilegales y negociaciones prohibidas para funcionarios. También están en prisión por el mismo caso una ex alto cargo de la Administración regional y una ex funcionaria.

SACRIFICIO Y HONESTIDAD

En sus palabras de este jueves , Areces ha defendido la trayectoria de Riopedre, explicando que su vida se ha caracterizado por su "esfuerzo, sacrificio, austeridad y honestidad al servicio de unas ideas".

Así, sobre las razones por la que está en la cárcel, Areces ha señalado que "desgraciadamente" se ha declarado el secreto de sumario y el Gobierno no puede emitir ninguna opinión política. "Lo que sí sabemos es que Riopedre ha declarado su inocencia y ha negado cualquier intervención en cualquier hecho doloso, aportando su testimonio y su patrimonio", ha explicado.

Areces ha explicado que a partir de ahí, sólo queda esperar que la Justicia actúe. Y ha puesto especial énfasis en la importancia de respetar la presunción de inocencia. "Escuchando algunos comentarios que se hacen da la impresión de que una persona tiene que demostrar su inocencia; pero no es así, la presunción de inocencia es el primer precepto de un Estado de Derecho", ha subrayado. Así, ha dicho que es importante que Riopedre pueda defenderse de las acusaciones que se le hacen. "Y lógicamente desear que se demuestre su inocencia", ha comentado.

"GRAVEMENTE ENFERMO"

Pero además, Areces ha añadido que Riopedre es una persona "gravemente enferma" desde hace tiempo, y que tiene un diagnóstico que incluye las sentencias "baja laboral" y "peligro de que una situación de stress ponga en peligro su vida". Este aspecto supone una "preocupación" para Areces. "Las miles de personas que lo conocemos estamos preocupando, queremos que esto se aclare cuanto antes y que pueda defender su honorabilidad", ha apostillado.

Tras un acto público que ha protagonizado con la ministra Rosa Aguilar en Oviedo, Areces, a preguntas de los periodistas, ha dicho que la Administración asturiana es "honesta" y trabaja al servicio de los ciudadanos. "Ha actuado en todo momento con respeto a la legalidad", ha señalado. En este sentido, ha comentado que está "deseando" que levante el secreto de sumario para poder explicar la actuación del Gobierno en este asunto.

"Yo digo lo que pienso y lo que siento", ha explicado Areces, que ha recordado que a lo largo de su trayectoria política ha tenido la oportunidad de conocer bien a Riopedre.

Areces no ha querido responder a otras preguntas, como las relativas a que el PSOE asturiano haya decidido dar de baja a Riopedre o sobre si ha tenido este tiempo la oportunidad de hablar con el ex consejero. "No voy a decir más", se ha limitado a señalar.

La fonte ye La Nueva Engaña, si señores, Areces defende a Riopedre estrictamente. Esti ye'l país nel que vivimos y esta la responsabilidá política del " dirixente" asturianu. Demientres enzarren a ciudadanos soberanistes, sindicales o llanten denuncies solo por vindicar un país onde decidir el nuesu futuru y tenelo, ellos falen de presunción d'inocencia. La mesma presunción que se salten cuando-yos bien en gana.

Hai qu'echar a esta xente d'Asturies, y pa ello, lo primer de too, hai que salir a la cai y trabayar, trabayar y trabayar más. Los axentes centraliegos( PP, PSOE, IU, Foro Asturias) tienen los díes cuntaos si los asturianos entamamos a sentinos un pocu arguyosos de la nuesa hestoria y tornamos al camín entamáu fai más de 200 años. Solo la soberanía d'esti país lloñe de la corrupción capitalista mos fadrá una coleutividá llibre, una nación llibre dafechu.

¡¡¡ASTURIES ESCONSONA!!!

Andecha Astur cellebra la detención de Riopedre

La organización nacionalista confía en que "s’investigue’l restu la trama clientelar del PSOE n’Asturies"

Andecha astur considera’l fechu de que l’esConseyeru d’Educación del “Principado” seya deteníu ya investigáu por corrupción ye motivu "de satisfaición y esperanza pal conxuntu la sociedá asturiano, que dende va decenios vien careciendo cómu’l PSOE texe una rede clientelar col mayor de los descaros ensin que fasta anguañu se tomare denguna midía xudicial al respeutu". Dende’l "comencimientu dafechu" de qu’esti casu nun ye más que "la punta l’iceber de la corrución sustentada pol PSOE n’Asturies", Andecha Astur espera que se lleve alantre una "investigación a fondu d’esti casu concretu", que tien comu protagonista a José Luis Iglesias Riopedre, "amigu presonal d’Álvarez Areces", recuerden, y que la investigación "se xeneralice al restu d’alministraciones asturianes (“Principado” y Ayuntamientos) xestionaos pol PSOE".



Pa la organización asturiana d'izquierda qu’un esConseyeru d’Educación y la so man drecha seyan deteníos ya investigaos por corrución "ye tan escandaloso comu novedoso n’Asturies, pero la verdá ye que ye vox populi ente tola comunidá educativa de los cientros públicos la especial “predileición” que la Conseyería d’Educación tien con determinaes empreses, siempres les mesmes, a la hora d’alxudicar equipamientos, y el vezu de rialicar diches alxudicaciones “a deu”. Otru tantu podríemos dicir del restu les alministraciones xestionaes pol PSOE, nes qu’estes dinámiques costitúin norma".

"Esperamos qu'esta iniciativa nun seya solo un llaváu de cara ante la opinión pública, frutu d'una venganza ente facciones agora enfrentaes dientro del propiu PSOE o too ello xunto" afirmen dende la formación política. "N'Andecha Astur naguamos por Xusticia qu'en casos como esti nun mire pa otru llau y eche la galga a esti sistema corruptu, cuya podredumbre ye de dominiu públicu y xenera un un creciente clamor social pol so desmantelamientu", rematen la nota de prensa.

Fonte: Infoasturies

Protestes n'Exiptu ensin precedentes nos 30 años últimos

Exiptu vive les mayores prtestes en 30 años y ayeri miles de persones, al glayíu de "¡Túnez, Túnez!" manifestáronse n'El Cairo y nes ciudaes más importantes contra l'autocracia del presidente Hosni Mubarak, de 82 años.

La xornada, convocada col llema de «Día de la ira», acabó con al menos dos manifestantes muertos en Suez y un policia na capital.

Les causes de la movilización son asemeyaes a les qu'orixinaon les protestes de Túnez, ello ye, la carestía de los alimentos, la probeza, el desempléu y un réxime autoritariu que vive n'estáu d'emerxencia dende 1981. El Ministeriu del Interior exipciu afirma nun comunicáu que nun va permitir nueves protestes.

Fonte: Infoasturies

Deteníu Riopedre, ex conseyeru d'Educación

Cinco persones deteníes nun supuestu casu de corrupción

La Policía Xudicial española detuvo ayeri al ex conseyeru d'Educación, José Luis Iglesias Riopedre, a la so númberu dos, María Jesús Otero, ex direutora xeneral de Planificación, Centros ya Infraestructures de la conseyería, y a la ex xefa del Serviciu de Procesos Administrativos de la Conseyería de Administraciones Públiques, M. R. A., nuna operación por presuntes axudicaciones irregulares na Alministración. Tamién se detuvo a los responsables de les empreses Igrafo Comercial Asturiana de Papelería, n'Uviéu, y Almacenes Pumarín, de Xixón.

Les dos empreses ufren suministros de materiales y mobiliariu pa oficines y negocios de tou tipu y cuenten coles alministraciones públiques, como el gobiernu asturianu y los Conceyos de'Uviéu y Xixón. La operación incluyo un rexistru d'estes dos empreses.

Les detenciones tan rellacionaes con presuntes axudicaciones irregulares de contratos públicos, sobre las que güei prestará declaración Riopedre nel Xulgáu 4 de Xixón. La investigación sigue abierta y la policia xudicial nun descarta que se produzan más detenciones.

Fonte: infoasturies

¡Trabayu refuga l'ERE de Barros y acaba l'enzarru!

La dirección xeneral de Trabayu refugó l’ERE pal taller de Barros (Llangréu) de Duro Felguera. Los trabayadores, que taben zarraos en midida de protesta nes instalaciones, conocieron ellí la noticia y punxeron fin al enzarru.

Según los trabayadores consultaos, la resolución da-yos la razón y establez dos meses de plazu pa la empresa si quier interponer un recursu contencioso-alministrativu, asina como un mes pa que'l conseyeru d'Industria y Empléu del Principáu d'Asturies, Graciano Torre, actúe como intermediariu.

La noticia conocíase precisamente'l día nel que se rexistraron duros enfrentamientos ente trabayadores y antidisturbios, qu'acabaron col incendiu del techu de la nave onde taben zarraos. Los bomberos estinguieron l'incendiu a les 14.30 hores.

Según informó'l 112-Asturies, el fueu, que sólo afectó al teyáu, quemó unos 20 metros cuadraos de la cubierta de chapa d'uralita de les instalaciones. Nel incidente nun se rexistraron daños personales.

El Centru de Coordinación d'Emerxencies del 112-Asturies recibió l'avisu a les 11.33 hores. Na llamada indicaben que taba quemando'l techu de les naves centrales de la citada empresa. Indicaben que nun había persones afectaes yá que la nave taba vacía anque dientro del recintu de la empresa había unes 100 persones.

Darréu movilizóse a efectivos de Bomberos d'Asturies con base nos parques de de Samartín del Rei Aurelio, La Morgal y Mieres xunto al Xefe de la Zona Central de Bomberos d'Asturies, que tamién se personó nel llugar del incidente.

Los primeros en llegar al llugar fueron los efectivos desplazaos dende'l parque de Mieres y el Xefe de la zona Central. Los manifestantes que s'alcontraben nel llugar facilitáron-yos el pasu al traviés d'una de les barricaes. Cuando estos efectivos llegaron a la nave afectada, los trabayadores yá teníen prácticamente controláu'l fueu con estintores.

Los bomberos dieron por controláu l'incendiu a les 12.40 hores, polo que los efectivos desplazaos dende'l parque de Samartín del Rei Aurelio tornaron a la so base.

Fonte: Asturies.com

Darréu nel Nalón se solidariza colos cinco mozos de JCA

Comunicau solidariu de Darréu con 5 mozos de JCA:

Los conceyos de Darréu nos conceyos del Nalón quieren amosar la so solidaridá con 5 mozos que puen dir a la carcele por participar na fuelga xeneral.



Esti pasáu 29 de setiembre de 2010, demientres la fuelga xeneral que se cellebró a nivel estatal cinco mozos militantes de les Juventudes Comunistes de Asturies( JCA) fueron indentificaos ya interrogaos demientres participaben nun piquete informativu. Na intervención de la policia española, los axentes amosaron una actitú de prepotencia y abusaron de la so autoridá según informen dende les JCA. Anguaño, paez ser qu'estos mozos s'esponen incluso a penes de carcele, gracies a les mentires de los policies, anque los mozos solo exercíen el so llibre drechu a la fuelga.

Dende Darréu fuimos críticos nel so día cola convocatoria de fuelga xeneral de les grandes centrales sindicales, anque sofitamos la fuelga como preséu d'espresión del Pueblu Trabayador Asturianu. Amás, si bien ente Darréu y JCA nun se dan grandes puntos d'alcuentru, yá seya a nivel informativu, prácticu o políticu, dende los conceyos de Darréu na Cuenca del Nalón queremos amosar delles coses:

•Amosamos la nuesa solidaridá colos cinco militantes de JCA que van dir a xuiciu y pedimos la retirada de los cargos de los que se-yos acusa. El llibre drechu a participar nuna fuelga xeneral nun tien de ser dengún delitu.

•Qu'esta intervención policial contra la mocedá, nun fai más qu'espeyar, una vegada más la situación pre-democrática que vivimos n'Asturies, nun "status quo" onde los drechos individuales y coleutivos del Pueblu Asturianu nun se respeten.

•Sorrayamos el papel que cumple la policia española n'Asturies, que nun ye otru que reprimir y perseguir cualesquier espresión crítica col Estáu español y el so modelu políticu y económicu.

•Que dende va un tiempu na Cuenca del Nalón se vienen asocediendo murnios capítulos de represión, dende siguimientos, multes millonaries, detenciones, identificaciones, xuicios farsa... contra cualesquier persona crítica. Esti panorama amás afeuta sobremanera a la mocedá que s'encuadra dientru d'un pensamientu críticu y combativu.

•L'enfotu d'esta represión sistemática nes cuenques ye amedrentar a la mocedá y emplegar el mieu p'asina refugar que los mozos y moces puedan tener dalguna iniciativa crítica y garrar dalgún compromisu social o políticu.

•Qu'inda más, nel contestu llaceriosu qu'atopamos nes cuenques, onde tan ñegandonos el futuru y desmantelando tolos medios de trabayu ye inamisible esta persecución de les idees por parte del Reinu d'España, executando la mesma represión les fuercies policiales españoles.

Asina, dende les agrupaciones de Darréu nos conceyos de Samartín del Rei Aurelio, Llaviana y Llangréu queremos tresmitir la nuesa solidaridá colos 5 mozos que van dir a xuiciu y desixir que s'apare con esta llocura persecutoria a la mocedá que protesta contra'l sistema vixente.

¡Non a la represión a la mocedá!

Dura xornada de llucha en Barros

Ayeri xueves 20 de xineru trabayadores de Duro Felguera curtiaron demientres 4 hores el tráficu nel corredor del Nalón al so pasu pol Tallerón de Barros, onde los trabayadores tarán enzarráos dende güei hasta'l llunes de fuelga como midía de protesta. Esta forma de protesta, ocupando'l taller yá ta recibiendo amenaces por parte de Delegación de Gobiernu.

Asina les coses, la policia española pasolo mal daveres pa enfrentase pa colos trabayadores de la factoría de Llangréu, que nun escaezcamos que s'enfrenten a un ERE que dexaría a 90 trabayadores na cai. Les movilizaciones siguirán por parte la plantiya nos prósimos díes, asina como la asamblea qu'hai dientru la fábrica. Tamién paez ser que'l Pueblu Trabayador Asturianu prepara movilizaciones, como una concentración de sofitu el sábadu a les 18:00 h. énte'l taller.



Vidio de les movilizaciones y los enfrentamientos coles fuercies españoles:

http://www.rtpa.es/asturias:Enfrentamientos-entre-la-policia-y-trabajadores-de-Felguera-Construcciones-Mecanicas_111295521658.html

Los trabayadores de Tenneco corten la entrada a Xixón

Movilizaciones por una solución al convéniu.

La Plantiya de Tenneco Automotive (amortiguaores Monroe) de la planta de Xixón lleven más de dos años ensin algamar un alcuerdu cola Direicion de la empresa pa la firma del conveniu. El pasáu añu tuvieren regulaos por un ERE y esti mesmu mes de xineru la empresa plantega presentar un segundu ERE pa la plantiya dafechu, ensin afitar la robla del conveniu pendiente.

El comité de empresa formáu polos sindicatos UXT, CCOO, USO y CSI tan a la escontra d'esti nueu ERE y asina-y lo comunicó a la Dirección de Tenneco. Los trabayadores aniciaron movilizaciones y protestes dientro de les cuales ta la de cortar la entrada a Xixón, un videu sobre'l corte de tráficu a la entrada de Xixón pue vese na páxina web de la nueva engaña.

La Xunta entama’l cursu d’asturianu 2011

Como ye vezu, la Xunta pola Defensa de la Llingua Asturiana pon clase d’asturianu un añu más. El cursu entama’l xueves 27 de xineru, nel local uvieín de la organización, el Llar Solidariu, na cai La Gascona 12, baxu A. El cursu tien 60 hores de duración ónde los y les alumnos y alumnes van poder deprender el bon usu del idioma tanto a nivel escritu como oral.

L’horariu va ser de 19:00 a 21:00 hores, los martes y xueves (horariu provisional hasta concretar cola xente matriculao). El preciu de la matrícula completa ye de 30 €.

Les persones interesaes n’apuntase o garrar más información puen facelo nel local de la Xunta, n’horariu de tarde, o nel chigre de la Xunta La Casa Posafuelles (La Cuesta la Vega 10, Uviéu). Tamién pel corréu: uvieu@exunta.org o llamando al 985 20 31 22 / 679 65 09 98(Tardes).

Fonte: www.exunta.org

A 2.500 families asturianes embargó-yos el bancu la casa dende 2007

Asturies vive dende 2007 un incrementu constante de les execuciones hipotecaries, ello ye, cuando'l bancu o entidá crediticia se queda col inmueble porque'l dueñu nun pue siguir pagándolu.

Si en 2007 foron 546 los embargos, en 2009 la cifra llegó a los 1.003 y nos nueve primeros meses de 2010 foron 608, cuntabilizándose en total, en 2007, 2008, 2009 y los nueve primeros meses de 2010, más de 2.500 embargos y la consiguiente perdida de la casa. Too ello según datos que ta acabante espublizar el Consejo General del Poder Judicial (CGPJ).

Las entidades bancarias aseguran que negocian con estas familias para que el embargo sea la última opción, pues carecen de interés en hacerse con más inmuebles debido a la ingente cantidad de propiedades que tienen en cartera.
Nos casos en que'l bancu estime que l'embargu del inmueble ye insuficiente pa pagar la delda contrayída por mor de la devalución del inmueble, la familia tien que siguir pagando por dalgo que yá pedió definitivamente.
Munchos de los embargos por impagos de hipoteques acaben en subasta inmobiliaria. Les subastes son abiertes a tol público anque pa poder puyar hai que facer un depósitu previu del 30% del importe de tasación.

Infoasturies

Si cola crisis tienes la pota vacía...

La Corriente Sindical d’Izquierda convoca’l prósimu vienres 21 de xineru, a les 19:00h, n’El Parche (pza. l’Ayuntamientu) d’Avilés, una cacerolada popular escontra los culpables de la cris, que percorrerá les cais céntriques de la villa, pa desixir la retirada de la Reforma Llaboral y de les Pensiones.

Cacerolada a los banqueros:

Porque son los vampiros de la clas obrera. Porque arrastráronmos a toes y toos a esta cris, pola so ambición y polos sos puñeteros beneficios. Porque, por munchu que s’antroxen de modernidá, siguen siendo unos simples usureros. Porque viven na opulencia a costa del nuesu trabayu y el nuesu sudor. Porque enxamás ficieren nin una sóla cosa bona y honrada en tola so vida. Porque mos dexen na cai embargándonos les nueses cases. Porque siempres tan metíos en chanchullos. Porque mos roben con préstamos abusivos. Porque la única ética que conocen ye la de les perres fáciles y ayenes. Porque especulen col dineru que reciben del Estáu, que ye’l dineru de tolos ciudadanos y ciudadanes. Porque tan desangrándonos. Porque financien les guerres y enllenen el mundiu de fame y miseria. Porque donde éllos apaecen lo únicu que mos dexen ye la ruina. Y porque representen tolo que les ciudadanes y ciudadanos honraos nun mos peta ser.

Cacerolada al PSOE:

Por dexar de ser un partíu pa tornase nuna mafia. Por dexar de ser socialistes y axuntase cola banca y los grandes empresarios. Por dexar de ser obreros y tornase capitalistes. Por regalar el nuesu dineru a los bancos. Por abaratanos el despidu y dexanos nel paru. Por baxanos los sueldos. Por corruptos y mentirosos. Por metenos na cárcele cuandu defendemos los nuesos drechos. Por facenos trabayar fasta cayer de vieyos. Por prexubilase a los 52 años con retiros millonarios. Por caciques y prepotentes. Por gaseanos nes piscines. Por facer EREs nos ayuntamientos. Por privatizanos l’agua y facela más cara. Por subinos los precios de todo y saqueanos la nómina pa enllenar los bolsillos de los banqueros y los grandes empresarios. Por nun dexanos llegar a fin de mes. Por xodenos el presente y arruinar el futuru de los nuesos fíos y fíes. Por facer que, por primer vegada, les nueves xeneraciones vaigan a vivir pior que les anteriores. Por dexar que los ricos paguen lo mesmo que los probes. Por cobrar sueldos millonarios que nin se ganen nin se merecen. Y por traicionar a los braeros y braeres socialistes que dieren la so vida por causes xustes.

Cacerolada al PP:

Porque sofiten la Reforma Llaboral y la Reforma les Pensiones. Porque cuandu gobernaren quisieron facer lo mesmo qu’anguañu ta faciendo’l PSOE. Porque onde gobiernen privaticen la sanidá, la educación y tolo que se-yos pon per delantre. Porque van algamar que namás tea mélicu y vaiga a la escuela el que tea perres pa pagalo. Porque onde gobiernen intenten meter na cárcele a los y les trabayadores qu’exercen el so drechu a la fuelga. Porque a poques que nos descuidamos métennos nuna guerra. Y porque tienen a mediu partíu implicáu en xuicios por corruición.

Cacerolada a la FADE y la CEOE:

Porque nos esploten. Porque enxamás nos paguen tolo que nos deben. Porque nos roben. Porque nos puteen. Porque entá-yos abulta poco. Porque nos menacien, nos xantaxeen, y nos despiden cuandu protestamos na empresa. Porque son la vergoña l’empresariáu européu. Porque siguen na Edá Media. Porque cobren sovenciones del Estáu y dempués y lleven los beneficios a paradisos fiscales. Porque tienen les lleis llaborales de la so parte. Porque tienen impunidá pa incumplir les lleis. Porque defrauden a Facienda. Porque nun aseguren a los y les trabayadores. Porque nes bones dómines nun repartieren los sos beneficios y agora quieren que los y les trabayadores paguemos les sos pérdides. Porque a lo qu’éllos faen llámenlo “trabayar”. Porque, comu diz el canciu: “paez que tragaren un tenedor, porque nun doblen nin pa dios”. Porque amás de trabayar pa ellos tenemos d’aguantar les bronques que nos echen. Porque pa ellos siempres trabayamos poco. Porque marchen de vacaciones de luxu coles perres que dexen de paganos. Y porque faenmos trabayar ca vegada más por menos perres.

Fonte: www.csi-asturies.org

SUATEA entama una campaña pol asturianu n’Educación Infantil

SUATEA denuncia otra vuelta la negación “sistemática” de la conseyería d’Educación a que l’alumnáu d’Educación Infantil puea recibir clases n’asturianu o gallego-asturiano. Por eso entamen una campaña d’unvíu d’instancies.

El sindicatu asturianu d’enseñanza denuncia que la conseyería d’Educación, al traviés del Serviu d’Inspección ta vulnerando l’artículu 10 de la llei d’usu y promoción. Sorrayen qu’estes instituciones tienen amás “conocimientu de causa” tres de la entrevista que representantes sindicales caltuvieron con ellos a finales del cursu pasáu.

“Nengún centru onde nunca s’impartió Llingua n’Educación Infantil y solicitó esti cursu ufiertales o onde padres solicitaron que los sos fíos recibieren clases con estos conteníos, foi atendíu per parte de la Conseyería Educación”, denunció SUATEA.

D’esti mou, el sindicatu asturianu, xunto a delles madres y padres, van presentar instancies empobinaes a la conseyería d’Educación pa denunciar la situación, desixir “l’atención del alumnáu” y pidir explicaciones pa la “desatención” a los derechos de los asturfalantes.

SUATEA llama tamién a la participación de la sociedá, d’esti mou ufren en descarga na so páxina web les instacies “col envís de potenciar esta campaña”. Les persones que les cubren han d’unviales al sindicatu personalmente o per corréu ordinariu.

Vía contenciosa
“Esta reacción ye pa entamar la reclamación vía administrativa, qu’empatará na vía contenciosa de nun ser atendíes les nuestres reclamaciones”, alvierte’l sindicatu asturianu, presentando la posibilidá de llevar a la conseyería a xuiciu por mor del incumplimientu de la llei.

Fonte: Asturies.com

Si desmantelen Asturies qu'Asturies arda.

El PSOE ye 'un proyectu nacionalista español escluyente y derechista n'Asturies' retruca Andecha a Lastra

Andecha Astur considera un insultu les declaraciones del PSOE vinculando l'arguyu de sentise asturianos con ser d'estrema derecha.
La organización política asturiana, d'izquierda y que diz tar arguyosa de ser asturiana, critica que'l PSOE y Lastra escaecen "que la mayoría del Pueblu Asturianu ta arguyosu de ser y sentise asturianos y quieren seguir siéndolo y sintiéndolo" y entruga si dende'l PSOE "se ta llamando a los y les asturianes facistes".

"Sabíamos que nel PSOE da alerxa tolo que suena a asturiano, d'ehí les sos polítiques antiasturianes y d'esfarrapamientu del país social, cultural y económicamente pero les declaraciones de Lastra déxenlo mui claro", apunten na nota prensa.

P'Andecha Astur Fernando Lastra "nun contentu con insultar" a los y les asturianes arguyosos de selo catalagándolos de ser d'estrema derecha, critica que dixera que l'arguyu de ser asturianu, catalán o alemán llevaba a “situaciones dificiles” ensin esplicar, diz la formación asturiana, "a que lleva el so arguyu de sentise español y el so españolismu munches veces asoleyáu pol PSOE y los sos dirixentes n'Asturies" que consideren "ensin dubia" más averaos a la estrema derecha "que los que nos sentimos arguyosos de ser asturianos y tenemos un proyeutu de futuru pal nuesu país".

Con too ello, Andecha Astur considera que'l PSOE "destapó tovia más la so cara antiasturiana" dexando claro que "namás representa un proyectu nacionalista español escluyente y derechista n'Asturies, siendo'l másimu esponente d'un réxime caciquil, dominante n'Asturies dende va décades, y que tien como resultáu la crisis endémica que carez Asturies y que sufre'l Pueblu Asturianu con altos índices de pobreza, esclusión social, precariedá llaboral, emigración, represión...sofitáu na destrucción d'Asturies en toles estayes dende'l desmantelamientu industrial, pesqueru o agrícola-ganaderu hasta l'esfarrapamientu ecolóxicu pasando pola aculturización y la represión llingüística" acaben.

Comunicáu d'ETA declarando una tregua xeneral y verificable

Declaración d'ETA

ETA, organización socialista revolucionaria vasca de lliberación nacional, deseya por aciu esta Declaración dar a conocer la so decisión:
Nos últimos meses, dende Bruxeles hasta Gernika, personalidaes de gran relevancia internacional y un ensame d'axentes políticos y sociales vascos, sorrayaron la necesidá de dar una solución xusta y democrátical secular conflictu políticu.
ETA coincide nello. La solución va llegar al traviés d'un procesu democráticu que tenga la voluntá del Pueblu Vascu como máxima referencia y el diálogu y la negociación como preseos.
• El procesu democráticu tien de superar tou tipu de negación y vulneración de derechos y tien de resolver les claves de la territorialidá y el derechu d'autodetermín, que son el núcleu del conflictu políticu.
• Correspuende a los axentes políticos y sociales vascos algamar alcuerdos pa consensuar la formulación de la reconocencia de'Euskal Herria y el so derechu a decidir, asegurando la posibilidá de desenvolvimientu de tolos proyectos políticos, incluyida la Independencia.
• Como resultancia del procesu, la ciudadanía vasca tien de tener la palabra y la decisión sobre'l so futuru, ensin nengún tipu d'inxerencia nin llimitación.
• Toles partes tienen de comprometese a respetar los alcuerdos alcanzaos y les decisiones adoptaes pola ciudadanía vasca, estableciendo les garantíes y mecanismos necesarios pa la so implementación.
por ello:
ETA decidió declarar un altu'l fueu permanente y de calter xeneral, que puede ser verificáu pola comunidá internacional. Esti ye'l compromisu firme d'ETA con un procesu de solución definitivu y col final de la confrontación armada.
Ye tiempu d'actuar con responsabilidá histórica. ETA fai un llamamientu a les autoridaes d'España y Francia pa qu'abandonen pa siempres les midíes represives y la negación d'Euskal Herria.
ETA nun va descansar nel so esfuerzu y llucha por impulsar y llevar a términu'l procesu democráticu, hasta algamar una verdadera situación democrática n'Euskal Herria.
GORA EUSKAL HERRIA ASKATUTA! GORA EUSKAL HERRIA SOZIALISTA!
JO TA KE INDEPENDENTZIA ETA SOZIALISMOA LORTU ARTE!
N'Euskal Herria, a 8 de xineru de 2011

Apelar al arguyu de ser asturianu ye d'estrema derecha pal PSOE

"L'arguyu de sentise asturianu lleva a situaciones mui complicaes" , diz Lastra.
El voceru del PSOE na Xunta General, Fernando Lastra, intervino en Xixón nun Foru del Psoe sobre 'Modernización y eficación na Alministración Pública: Tresparencia y participación' onde dexó claro que nel PSOE n'Asturies nun se sienten asturianos nin tan arguyosos d'ello. Asina p'atacar a Francisco Álvarez-Cascos, nun se-y ocurrió otra cosa que dicir que ye un discursu d' "estrema derecha" falar del "arguyu de sentise asturianu".

Na so intervención alvirtió, sin ponese colloráu, que "l'arguyu de sentise asturianu o de sentise catalán o de sentise alemán lleva a situaciones mui complicaes"...habría qu'entrugá-y a que lleva el so "non arguyu" de sentise asturianos - o a onde lleva'l so arguyu de sentise españoles- pa completar esta teoría del arguyu asturianu de Lastra y el PSOE n'Asturies.

Fonte: Infoasturies.

¿Qué diría Einstein?

Nuna Reflexón publicada’l 25 d’agostu de 2010, baxo’l títulu "La opinión d’un espertu", menté una actividá realmente insólita d’Estaos Xuníos d’América y los sos aliaos que, al mio xuiciu, sorrayaba’l riesgu d’un conflictu de calter nuclear con Irán. Facía referencia a un llargu artículu del conocíu periodista Jeffrey Goldberg, publicáu na revista norteamericana The Atlantic, correspondiente a setiembre d’esi añu, tituláu “El puntu tres el que nun hai vuelta tras”.

Goldberg nun yera anti israelino, sinón, pela cueta, almirador d’Israel, ciudadanía que comparte cola d’Estaos Xuníos, y naquel país cumplió’l so serviciu militar.

Na parte inicial del so artículu escribió testualmente: “Ye posible coles mesmes que les operaciones de frustración llevaes a cabu polos organismos d’intelixencia d’Israel, Estaos Xuníos, Gran Bretaña y otres potencies occidentales (programes destinaos a subvertir l’esfuerzu nuclear iranín al traviés del sabotaxe y, dacuando, a la desapaición coordinada de científicos nucleares) lleguen a desacelerar en dalguna midida considerable la meyora d’Irán.”

Los paréntesis del párrafu son tamién d’él.

En mentando la enigmática frase, prosiguí col analís d’aquel nuedu gordianu de la política internacional que podía conducir a la guerra tan tarrecida por Einstein. ¿Qué diría él si llegara a conocer les operaciones de frustración destinaes a la desapaición física de los científicos nucleares más capaces?

Quiciabes por absurda ya increíble nun-y empresté demasiada atención, pero al lleer meses dempués les denuncies recién del gobiernu d’Irán, según noticies y opiniones de persones bien informaes, volvió con fuerza a la mio mente l’alcordanza d’aquel párrafu.

Cuatro selmanes primero de rematar el 2010, un despachu de l’axencia AFP informó:

"Un científicu nuclear iranín muerre asesináu".

"Teḥrán acusa a EE.XX. ya Israel de tar detrás d’un doble atentáu".

AFP. 30 de payares de 2010

“‘La mano de gobiernos occidentales y del réxime sionista ta detrás de los atentaos’. Mahmud Ahmadineyad nun tuvo duldes a la de buscar culpables del doble ataque contra espertos nucleares lleváu a cabu a primer hora de la mañana d’ayeri en Teḥrán. Majid Shariari, profesor na Universidá Shahid Beheshti de Teḥrán y miembru de la Sociedá Nuclear d’Irán, perdió la vida y la so muyer resultó mancada nuna esplosión rexistrada a pocos metros de la so casa. El so collaciu Fereydoon Abbasi, físicu especialista en láser na mesma universidá, y la esposa d’esti resultaron mancaos tres un ataque de similares característiques. Anque en dellos medios llegó a anunciase la muerte d’Abbasi, finalmente l’axencia Mehr confirmó que llograra salvar la vida. Según l’axencia Fars, ‘terroristes desconocíos’ en motocicletes averararon a los vehículos p’asitiar bombes lapa.”

“Miembros del Executivu de Ahmadineyad como’l ministru d’Interior, Mostafa Mohamad Najjar, acusaron directamente a la CIA y el Mosad —servicios d’intelixencia de EE.XX ya Israel respectivamente— de tar detrás d’estes acciones que suponen un nuevu golpe a la carrera nuclear del país a les puertes d’una posible nueva ronda de conversaciones colos miembros del 5+1…”

“Col atentáu d’ayeri son yá trés los científicos iraninos asesinaos dende 2007. El doctor Masoud Alí Mohamadi perdió la vida en Teḥrán el pasáu xineru tres la esplosión d’una bomba cuando salía de la so casa, una muerte qu’entá nun foi esclariada poles autoridaes que tamién acusaron a les axencies d’intelixencia occidentales d’intentar albortar lo qu’ellos consideren un derechu, la carrera nuclear con fines civiles. La primer víctima nel senu de la comunidá científica foi Ardeshir Hosseinpour, muertu n’estrañes circunstancies en 2007 na central nuclear de Isfahán.”

Nun recuerdo otru momentu de la hestoria en que l’asesinatu de científicos convirtiérase en política oficial d’un grupu de potencies forníes con armes nucleares. Lo peor ye que, nel casu d’Irán, tán aplicar a una nación musulmana, cola cual, magar pueden competir y superala en tecnoloxía, nun podríen enxamás faelo nun terrén onde, por cuestiones culturales y relixoses, podría superalos munches vegaes na disposición de los sos ciudadanos pa morrer en cualquier intre si Irán decidiera aplica-yos a los profesionales de los sos adversarios la mesma fórmula absurda y criminal.

Esisten otros graves acontecimientos rellacionaos cola carnicería de científicos, entamaos per Israel, Estaos Xuníos, Gran Bretaña, y otres potencies contra los científicos iraninos, sobre los cualos los grandes medios nun informen a la opinión mundial.

Un artículu de Christian Elia publicáu nel sitiu web Rebelión, el 25 d’agostu de 2010, comunica lo siguiente:

“Una esplosión mató al padre de los zánganos (aeronaves ensin tripular) ―d’Irán―, pero ye namái’l postreru científicu que perdió la vida nel país.

“Atopar una semeya de Reza Baruni n’Internet ye una misión imposible. Sicasí, nos últimos dos díes, el so nome tuvo nel centru d’un misteriu que tien munchos aspeutos internacionales…”

“La única certidume ye que l’inxenieru aeronáuticu iranín Reza Baruni ta muertu. Sobremanera lo demás acúrrese un misteriu absolutu. Baruni ta consideráu por tolos analistes de la industria’l padre de los […] vehículos aéreos non tripulaos (UAV), de la República Islámica […]. El 1 d’agostu 2010 la so casa foi volada.”

“El 17 d’agostu 2010, Debka (bien próximu a la intelixencia israelina) publica la noticia de la muerte de Baruni y da a conocer les sos conclusiones: la casa del inxenieru iranín voló pel aire pola mor del españíu de tres artefacto esplosivos bien poderosos. Baruni foi asesináu.”

“Pero l’episodiu más escuru ye sicasí’l de la muerte de Massud Ali-Mohammadi, docente de física nuclear na Universidá de Teherán, asesináu’l 11 de xineru de 2010 na capital iranina. El profesor Ali-Mohammadi morrió pola esplosión d’una motobomba aicionada a distancia nel momentu que el docente salía de la so casa pa dirixise al so trabayu…”

Nun artículu publicáu nel sitiu CubaDebate infórmase:

“Israel reconoz qu’asesinó a científicu nuclear iranín la selmana pasada”

“El serviciu secretu israelín, el Mosad, reconoció qu’asesinó la selmana pasada a Majid Shahriari y que mancó a otru físicu n’Irán, según fontes del propiu Mosad nuna operación realizada en Teherán. ‘Ye la última operación del xefe del Mosad’, afirmaron satisfechos los responsables de los servicios secretos israelinos aconceyaos na so see de Gelilot, al norte de Tel Aviv.”

“Gordon Thomas, espertu británicu nel Mosad, confirmó nel diariu británicu The Sunday Telegraph qu’Israel ye responsable d’esti doble asesinatu destináu a entorpecer el programa nuclear iranín.”

“Thomas afirma que tolos atentaos israelinos de los últimos años contra personalidaes venceyaes al proyectu nuclear iranín cometer la unidá Kidon (bayoneta). Según el diariu hebréu Yediot Ahronot, esta unidá ta compuesta por 38 axentes. Cinco son muyeres. Toos tienen ente 20 y 30 años, falen numberosos idiomes - incluyíu’l persa-y pueden entrar y salir d’Irán con facilidá. La so base ta nel desiertu del Neguev.”

Nos tiempos de la diáspora, la esquierda del mundu solidarizar col pueblu d’Israel. Escorríos pola so etnia y relixón, munchos llucharon nes files de los partíos revolucionarios. Los pueblos condergaron los campos d’esterminiu que la burguesía europea y mundial pretendíen ignorar.

Güei los líderes del Estáu d’Israel practiquen el xenocidiu y acomúñense coles fuerces más reaccionaries del planeta.

Inda ta por resolver l’alianza que sostuvieron los dirixentes d’esi Estáu y la Suráfrica del odiosu apartheid a la que, en complicidá con Estaos Xuníos, suministraron la tecnoloxía pa desenvolver les armes nucleares destinaes a cutir les tropes cubanes qu’en 1975 enfrentar a la invasión de la Suráfrica racista, que’l so despreciu y odiu a los pueblos africanos en nada s’estremaben de la ideoloxía de los nazis, que nos campos d’esterminiu d’Europa asesinaron a millones de xudíos, rusos, xitanos y d’otres nacionalidaes europees.

De nun ser pola revolución iranina ―que desprovista d’armes barrió al aliáu meyor forníu d’Estaos Xuníos nel lladral sur de la superpotencia soviética―, güei el Sha d’Irán, provistu d’armes nucleares, y non Israel, sería’l baluarte principal del imperiu yanki y de la OTAN nesa rexón tan estratéxica ya inmensamente rica en petróleu y gas pal suministru seguru de los países más desenvueltos del planeta. Ye una tema casi perenal.

Fidel Castro Ruz
Asoleyada’l 6 de xineru de 2011

Charra y proyeición n'alcordanza de Gaspar García Laviana

El próximu xueves 13 de xineru, nel llocal de l'Asociación de Vecinos de Riañu (Llangréu) va cellebrase, a partir de les seis de la tarde una charra y proyeición n'alcordanza de Gaspar García Laviana entamada por Soldepaz Pachakuti.

Nel actu pa proyeutase'l documental "Tierra de Guerrilleros" de Amanda Castro y van intervenir Javier Arjona, internacionalista de la asociación entamadora y José Álvarez Lobo, collaciu y compañeru de Gaspar en Nicaragua.

Gaspar García Laviana foi un sacerdote asturianu nacíu en Les Roces en 1941, misioneru en Nicaragua acabará por xunise a la llucha sandinista y llegó a ser el conocíu Comandante Martín. Morrió en combate dirixendo la columna "Benjamín Zeledón" l'once d'avientu de 1978. Hospitales, escueles y biblioteques nicaragüenses lleven el so nome n'homenaxe al comandante sandinista asturianu que combatió la dictadura de Somoza.

Fonte: Infoasturies.

Medios de comunicación, llingua y subvención (II). Radio y televisión

Continúo col análisis de la Resolución de 22 de julio de 2010, de la Consejería de Cultura y Turismo, por la que se conceden y deniegan subvenciones para la Línea 7: A las actividades de medios de comunicación para la normalización social del asturiano o gallego-asturiano.

Tres la primer parte del artículu, nesta segunda voi centrame nes subvenciones a la radio y a la televisión, xebraes en dos estayes y ordenaes de mayor a menor cuantía:

RADIO (dexo de llau les emisiones n’internet d’Asturies.com y Asturnews, qu’entrarán na tercer parte del artículu)

* Emisión de Radio Sele al traviés d’internet y FM (24 hores al día, tol añu)

7.102,70 €

* Programa “A lo cabero la selmana” en Cadena COPE Asturias

6.088,00 €

* Programa “Informativu rexional” n’Onda Cero Radio

6.088,00 €

* Espacios n’asturianu nos programes “Protagonistas Asturias” y “Queremos hablar de Asturias” de la emisora Punto Radio Asturias

5.073,30 €

* Programa “Noticies d’Asturies” n’Europa FM 5.073,30 €

* Programa de radio “Falando a xeito” en SER Occidente

4.058,70 €

* Programa “Cousas Nosas” en Onda Radio Televisión (ORT)

4.058,70 €

* Programes “El Ruxideru” y “Asturies, cosa de nos” nes emisores del Grupo Radio Asturias

4.058,70 €

*Microespacios musicales en “40 Principales Asturias”

4.058,70 €

* Microespacios musicales en Dial Asturias y Dial Eo-Navia 4.058,70 €

* Microespacios “La fala en Dial Eo-Navia” 4.058,70 €

* Programa “Nuesa Asturies” n’Europa FM

3.044,00 €

* Programa “Asturies en xuegu” n’Onda Peñes

2.029,30 €

* Programa “La cai diz” n’Onda Peñes

1.014,70 €

* Microespacios n’Onda Peñes “Esparciendo la llingua” y “Paisaxe museístico astur”

1.014,70 €

* Retresmisión del “Festival Musical Liet 2010” (Radio Sele)

1.014,70 €

TOTAL: 61.894,9 €

Podríemos descatar lo viniente:

* Vuelve a subvencionase de forma prioritaria a los grandes medios por espacios reducíos, incluyíos los que tán más a la escontra de los procesos de normalización llingüística como ye la COPE.

* Magar que ye la que más perres recibe, ye una vergoña que cuasi seya equiparable la subvención a Radio Sele (por 24 hores d’emisión añal) que la d’un programa selmanal de la COPE.

* Merquense "microespacios", requexinos, pa que se pueda sentir música n’asturianu en radiofórmules como los 40. Ye dicir que si nun se-yos dan perres nun la ponen, lo que crea un vezu mui peligrosu y, amás, poco normalizador.

* Dientro lo que cabe, la temática a la que se da subvención ye variada, pero’l tiempu que se-y da la mesma ye escasu enforma.

* Cola fórmula de pidir subvención por programa, un mediu minoritariu como Onda Peñes (con gran compromisu col idioma) algama la metá de la subvención que Radio Sele.

* Nun debemos escaecer la esistencia de la RPA, que tamién pagamos toos, colos sos requexinos de bable y poca o nula presencia de música asturiana fuera de los mesmos. Faise necesario puxar por una radio pública 100% n’asturianu y sofitar que se desendolquen iniciatives como Radio Sele, la primera nesti sen, y con un llargu recorríu nes ondes asturianes.

TELEVISIÓN (dexo de llau les emisiones n’internet qu’entrarán na tercer parte del artículu)

* Programes “El Noticieru” y “Les coses de Kala y Tal” n’Oviedo Televisión 4.058,70 €

* Programa “L’andariegu” en Canal 10

3.044,00 €

* Espaciu “L’asturianu” nel programa “Barrio a barrio” de Canal 10 (propiedá de El Comercio)

1.014,70 €

* Programa “Marcha d’echase” en Canal 10

1.014,70 €

TOTAL: 9.132,1 €

Podríemos descatar lo viniente:

* Nesti mediu la subvención ye cuasi inesistente. Dalgo que ye d’agradecer tres el marafundiu de perres que supón la TPA (non n’asturianu, sinón en pan y circu deportivu). Hai que puxar por una televisión pública con un canal en llingua asturiana n’igualdá de condiciones qu’otros canales: con informativos, doblaxes, programes didátuticos...

* Subvencionense cadenes con cuasi nengun audiencia o dependientes de los grandes medios editoriales (que yá pañaron subvención por prensa escrito), como ye Canal 10.

* En cuenta de pagar pola creación de nuevu material, comprense minutos n’antena (bastante caros, por ciertu).

Artículu de Vitor Suarez.

Sal a la cai enantes de que dexen nella.

Manifestación el 25 de xuneru en Xixón. Salida dende la Plaza l'Humedal a les 19:30 hores. Escontra los retayos sociales. Convoquen: CNT, SUATEA, CGT y CSI.

Charra-alderique " Asturies y la Constitución española"

Ponencies de los militantes qu'intervinieron en :

www.democracyforasturies.blogspot.com

¡ Esti si que ye'l camín, y non pantasmear con sopes de lletres eleutorales ensín fondu!

¡ Faigamos les coses bien !

¿ Cuántos " asturianistes" van picar ?

“el reto gigantesco de devolver a nuestro país a la primera división de la política y de la economía españolas”

“El Principado de Asturias es un país pequeño, alejado y aislado por barreras suficientemente poderosas -incluidas las barreras políticas regionales- como para que sus problemas se conozcan y preocupen, y los asturianos apenas cuentan en las decisiones de los centros de poder, incluidas las direcciones nacionales de los grandes partidos estatales."
“Concedenernos la confianza para sumar y coronar con éxito la aventura ya no depende de mí ni de todos nosotros: será cosa del conjunto de los asturianos. Pero creo que vale la pena el esfuerzo para recuperar el orgullo de ser asturianos. Por mí no va a quedar"

Lo que nos faltaba por ver. Si, el PP estatal tien pánicu a que naide mire polos intereses del país asturianu. Pero un home como Cascos, que llegue equí ensín querer saber muncho del país de so en años y años y faigan esti discursón populista y ¿ federalista?, que se mos pon patriota y too ye de tener poca vergoña. Pero señores, tean soyertes al " asturianismu " políticu ya internauta. Si,si tean soyertes. Que verán lo pocu que tarden dalgunos en ponei la etiqueta d'asturianista másimu y cabezaleru del país, cuando non de nacionaliegu posibilista. Vamos, qu'a ver cuantos " asturianistes" entamen a pedir el votu pa Cascos. Tiempu al tiempu, sinon se cuela nesto del "asturianismu políticu", yá saben...

trabayadores corten los accesos a la estación d'esquí de Payares

Los sucesos na estación iverniza asturiana Valgrande-Payares siguen. Tres los fallos nel telesilla y los cortes de lluz, los trabayadores del complexu empezaron les sos movilizaciones ante la non renovación de 23 contratos por parte del Principáu d'Asturies. Asina, el pasáu día 30, los trabayadores cortaron, per espaciu de tres hores, los accesos utilizando maquinaria de la mesma estación, como pales quitanieves. La corte del accesu a Valgrande torgó, amás, que los dos operarios qu'entren al trabayu a les 7 de la mañana pa comprobar l'estáu de les pistes y emitir el primer parte informativu de la xornada, pudieren llegar a la estación. Dende la dirección del complexu aseguróse que yá s'abrió la investigación pertinente pa identificar a los autores de la protesta.

Pela so parte, dende'l comité d'empresa desmarcáronse d'esta acción anque sí aprofiaron que “si fueron los trabayadores, ye comprensible qu'haya un nivel de crispadura alto y que daquién pueda perder los nervios ante lo que consideramos una inxusticia y un chanchullu”.

Fuelga xeneral n'Euskal Herria el prósimu 27 de xineru.

La mayoría sindical vasca, convocó pal prósimu 27 de xineru una fuelga xeneral en tol país pa facer frenti a les reformes de les pensiones, puxaes pol Gobiernu de Madrí y el Gobiernu vascu, dambos gobernaos pol PSOE. Como vemos una vegada más la mayoría sindical vasca, de forma conxunta y consecuente da-y una lleición a les grandes centrales sindicales españolistes, que nun convocarán una fuelga xeneral más hasta que nun puedan apautala col Gobiernu y tean col agua nel pescuezu.

Como vemos, los sindicatos soberanistas y de clas d'EH son quien a mover por si mesmos una fuelga de verdá, ensín arrenunciar a nada y con capacidá de movilización suficiente. Esa izquierda españolista rancia y centraliega debería deprender de sindicatos como LAB, sincatu patriota, que como munchos tienen d'aguantar qu'esa izquierda estatalista tradicional nomelos pequeñu-burgueses. Pero esi cuentu de desacreditar el soberanismu revolucionariu d'esa forma tan infantil paez que ta finandose-yos.