Primer diccinariu asturianu-xaponés

Sabel Tuñón y Takechi Moritaku son los autores del primer diccionariu asturianu-xaponés. El trabayu tién 2.800 entraes, primero n'asturianu y llueu en xaponés, y amesta una trescripción fonética aprosimada.

Por mor, del I Congresu de Cultura Xaponesa que se cellebra n'Uviéu pudimos saber de la sistencia del diccionariu asturianu-xaponés de Tuñón y Moriktu que por desgracia inda nun se pué mercar porque nun tá editáu. Los autores tán buscando editor pal trabayu inspirau nel precedente n'esi tipu d'espublizaciones del diccionariu asturianu-inglés de Ignacio Galán.

El xuiciu a Domingo Goñi vistu pa sentencia

El xuiciu escontra Domingo Goñi quedó vistu pa sentencia y La Fiscalía retiró la so petición de cárcele d'ocho meses. L'acusación particular, l'Ayuntamientu de Llanes, sigue queriendo enzarrar a Domingo Goñi. La defensa catlién la so inocencia.

Na vista'l fiscal modificó la so petición y pasado de pedir 8 meses de prisión, por un delitu de resistencia a la autoridá, a una falta, por alteración leve del orde públicu, pola que solicita una multa de 400 euros. El fiscal caltuvo na vista que "esistió un rigor escesivu" por parte de la alcaldesa al esixir a Goñi qu'abandonare'l plenu namás por portar una camiseta vindicativa.

Pesie a ello, l'Ayuntamientu de Llanes caltuvo la petición de pena de 2 años y 5 meses por un delitu d'atentáu y subsidiariamente un años por un delitu de resistencia activa grave, d'un delitu de desorden públicu, d'una falta de lesiones y de una falta de maltratu.

La defensa caltuvo la inocencia de Domingo Goñi yá que nun omentió delitu degún. Domingo Goñi consideró que la petición del Ayuntamiento amuesaba una rocea'l colectivu de vecinos que quieren salvar la zona natural de La Tala. Demienres el xuiciu Domingo Goñi relató que los axentes de la Policía tiráronlu al suelu y arrastráronlu fasta les dependencies policiales y que tuvo dos hores esposáu y dexó claro que tenía derechu a tar na sala.

Los policíes llocales que sacaron a Goñi del plenu por mandatu de l'alcaldesa dixeron que tovieron que facer mucha fuerza pa poder reducir a Goñi, y destacaron que nuna sala averada'l salón de plenos Goñi tropezó con unes caxas de folios y cayó al suelu, momentu qu'aprovecharon pa esposalu.

Domingo Goñi "Txomin" caltuvo una fuelga fame dende entamos de mes énte los Xulgaos como protesta al procesu xdicial escontra la so persona y nel xuiciu tuvo sofitáu por munchos vecinos de Llanes y solidarioes y solidaries de distintes partes de país.

fonte: Infoasturies

Darréu entamó les xornaes " Trabayadora güei, trabayadora siempres".

Dende Darréu manifiesten lo siguiente:

"A lo llargo del fin de selmana del 6 y 7 de marzu Darréu entamó unes xornaes coincidiendo col día de la muyer trabayadora. El llema escoyíu pola nuesa muerganización de mocedá foi “ Trabayadora güei, trabayadora siempres”.

Los actos entamaron nel salón d’actos de la biblioteca pública de Llangréu el vienres 6 con una charra alderique, con conocios activistes escontra’l machismu, como un ex militante de la desaniciada Xorrecer ente otres presones. Amás Darréu tamién intervino na charra con una vocera que presentó la postura de Darréu n’algamar una sociedá non patriarcal y ensín prexuicios sexistes, nin discriminación que faga más facil algamar la nación que queremos, una Asturies llibre y socialista, poro, llibre d’estos prexuicios y desigualdaes que día a día podemos ver sobre la muyer especialmente. La charra-alderique foi presentada y moderada por un voceru de Darréu . El resultáu de la actividá del vienres foi perbono y la nuesa muerganización revolucionario valora sobretoo la bona asistencia de mocedá a l’actu.

Los actos siguieron el sabadu n’Uviéu dempués del manifestamientu pol asturianu na universidá nel cual tuvimos. Siguío d’esto, a les 19:00 Darréu entamó una proyeición de curtiométraxes sobre les desigualdaes dica la muyer y pa concienciar más sobre esti problema a la muncha xente qu’averose na llibreria paraxuga d’Uvieu, la cual enllenose. La proyeición allargose unos 50 minutos y comentaronse ente los asistentes los curtios. Les xornaes finaron dempúes de la proyeición con una espicha na mesma llibrería con xinta y sidra, onde les moces y mozos aldericaron sobro’l tema.

Dende Darréu tampocu vamos a escaecenos del mural que teniemos programáu pa facer na mañana del sábadu col llema de les xornaes y de temática feminista y revolucionaria. Al paezer al Ayuntamientu de Llangréu, encabezáu pol PSOE y Esther Díaz García, molesto-y que la mocedá tuviera la intención de facer un mural escontra’l patriarcáu y el machismu. Asina, prohibió tal actividá nuna muria pública pa estes xornaes pola muyer lluchadora y trabayadora. A esta persecución tamos yá avezaos en Darréu como yá pasó cola cellebración del DMR del pasáu ochobre y paeznos pergrave que l’Ayuntamientu llangreanu ñegue a la mocedá facer un mural o cualesquier actividá con estes vindicaciones. Dende Darréu asina, valoramos perbien el fin de selmana en conxuntu y caltenemos que siguiremos na llucha pola muyer trabayadora y escontra’l sexismu patriarcal.

Ensín la muyer, Asturies nun sedrá llibre.

Puxa Asturies llibre y socialista."

La precariedá llaboral cébase cola mocedá trabayadora

La precariedá llaboral cébase cola mocedá trabayadora, inda más agora pola coyuntura del denomáu “mercáu llaboral” anguañu. Prauticamente 1 de cada 2 tien un contratu temporal y fain más de 6 hores estrés ensin remunerar a la selmana.

El 48,3% de les y los trabayadores asturianos d’entre 16 y 30 años nun tien un contratu temporal, según los datos del Observatoriu Xoven d’Emplegu del Conseyu de la Mocedá del Estáu. con datos del tercer trimestre de 2008.

Mientres nel seutor públicu los contratos a los xóvenes asturianos son mayoritariamente temporales (86,5%) qu’indefiníos (13,5%), nel sector priváu son mayoritarios los contratos indefiníos (54,3%) que los temporales (45,7%).
Los asturianos son los trabajadores xóvenes del estáu que más hores fain. Al menos un 12,2% de los y les trabayadores de menos de 30 años (10.322) ficiéronles ente xunu y setiembre de 2008, un porcentaxe que supera en cuasi 4 puntos la media estatal. Los trabayadores asturianos d’ente 16 y 30 años fain una media de 8 hores estrés remuneraes a la selmana y 6,3 hores ensin remunerar.

D’otra miente, los datos de paru énte la mocedá son mui preocupantes. N’Asturies, la tasa de desemplegu mozu ye del 13,7% y afeuta especialmente a los mozos ensin formación


Fonte: Infoasturies.

Movilizaciones escontra'l Plan Boloña.

Les cais d'Uviéu amuesaron güei la refuga por parte de los estudiantes universitarios al Plan Boloña. Amás desixieron un referendum dientru la universidá pa posicionase sobro'l casu Boloña. Cientos de mozos y moces aconceyaronse na Plaza d'esgpañag y ficieron un manifestamientu peles cais uvieines en refuga d'esti plan d'enseñanza. Esto, amestose a la fuelga a nivel estatal qu'entamose güei dientru les universidáes y los IES.

Nel manifiestu, los estudiaron refugaron el plan, al cual calificaron d'imposición d'unos " gurus neolliberales" que "traten de mercantilizar la enseñanza".

Primer RUIUNORA FEST nel CSOA La ReFLEXón

Dellos grupos de l'activa escena polesa fain el so particular desembarcu en Xixón esti sábadu nel C.S.O La Reflexón, nel primer RUIUNORA FEST, entamáu pola asociación Ruiu Nora.

Dende l'escenariu sonará'l rock acústicu de MAMEYES BLUES BAND, el punk directu d'ESTROPAJO, el variáu repertoriu billingüe de N'OCHEBRE, qu'abarca dende de la tonada al metal más tralleru, el numetal pertrabayáu de BONESTORM o'l rock-metal de OVERLAND.

Toa una amuesa bien completa de la música que se ta faciendo pel valle del Nora nos últimos tiempos. El conciertu entamará con puntualidá asturiana a les 7:30 y la entrada ye llibre dafechu.

L’IRA Auténticu reaparez con un ataque a una base militar británica nel Ulster.

L'IRA auténticu, grupu escindíu del Exércitu Republicanu Irlandés en 1997, vindicó l’ataque a una base británica n'Irlanda del Norte, baxo soberanía ritanica, que dexó dos militares muertos. El Sinn Fein condergó l’aición armada y asegura que pue poner en pelligru’l procesu de paz. El Sinn Fein, nuna nota prensa, afirmó qu’esti ataque escontra los britanicos ye un erru y ye contraproducente. Gerry Adams dexó claro que dende’l SF nun apreben esti tipu d’ataques na situacion d’anguañu, y que nun contribuyen al desáu de reunificación d’Irlanda, según el cabezaleru republicanu con esta aición armada, l’IRA auténticu busca destruyir los progresos fechos dende que se firmaren los alcuerdos de Stormont y tornar a la situación bélica anterior.

L’IRA Auténticu, Real Irish Republican Army (RIRA), ye una escisión del IRA, que nun apreba’l devenir de los acontecimientos a partir del procesu de paz y que decidió siguir cola llucha armada, hasta conseguir espulsar a los británicos de la islla. L’IRA auténticu oponense a cualisquier salida política que nun suponga la reunificación y la independencia d’Irlanda.

Tanto Gordon Brown, primer ministru británicu como la totalidá de partíos irlandeses zarraron files en defensa del procesu de paz trés la aición armada que supunxo la muerte de dos soldaos britanicos n’Irlanda del Norte.

Noticia espublizada n'Infoasturies.

La encuesta alredor del tema la llingua ye unánime...

La entruga yera pernidia...

¿ Camientes qu'hai otra salida pa la llingua que nun seya la oficialidá dempués de los caberos datos?

- Si, mayor proteición pero ensín oficialidá 1 votu 4%.

- Non, solo la oficialidá valdría pa salvala. 22 votos, 96%.

- Dame igual, paso de tou. 0 votos, 0%.


Nun hai muncho que dicir sobre los resultaos, lo de siempres. Más de 30 años vindicando un drechu fundamental y ehí siguiremos, na cai vindicandolo hasta que los fartones que tenemos por "políticos" nun dexen de llau la so prepotencia, de nun oyir a la xente, y de pasu dexen de llau el so españolismu esquizofrénicu.

Dicir tamién que gracies a tola xente que vota y da-y asina dinamica al Blog. Gracies.


¡Salú ya dixebra!

Semeyes del manifestamientu d'ayeri en sofitu l'asturianu en maxisteriu.

Semeyes del manifestamientu pola defensa de los puestos de trabayu.

medra la represión...

sacáu de Glayiu.

Actualizau: Continuen les irregularidaes n'Asturies. La Policia irrumpe na Flex pa identificar a les persones que s'alcontraren nel interior de la ReFLEXón. Ésta ye la segunda vegada que les fuercies represives entren a identificar a les usuaries del espaciu lliberáu nel curtiu plazu de dos meses.

La policia rexistra e identifica a los asistentes a la rueda de prensa na que presentose la nueva "Ruta contra la represión y poles llibertaes". Cinco vehículos de la Policía Nacional personaronse nel llugar (cai 9 de Mayu) y, baxu amenaza de llevar a comisaría a los presentes, ordenaron mostrar la documentación de toos los participantes, asina como´l nome de colectivos y organizaciones a los que perteneciesen. Amás, rexistraron les bolses onde taba la propaganda y documentación. En tou momento dicien recibir “órdenes de la superioridad”.

Comenten los organizadores "a la Delegación de Gobierno en Asturias no le vendrá bien que digamos públicamente que los calabozos de las comisarías están llenos de personas que han cometido solamente una falta administrativa, no tener papeles; menos oportuno aún les parecerá cuando, recientemente, el ministro del Interior, Alfredo Pérez Rubalcaba, afirmó que solamente se detenía a inmigrantes vinculados a la delincuencia. Pero por muchas identificaciones, registros u otras actuaciones represivas que suframos, la Ruta contra el racismo y la represión seguirá haciendo pública la verdad. Aprovechamos para convocar a todas las personas indignadas por estas agresiones a la manifestación que, el sábado 21 de marzo, partirá de la estación de la Renfe a las 13h."

Darréu entama dellos actos pol Día de la Muyer Trabayadora

La organización política xuvenil Darréu emtama esta fin de selmana dellos actos con motivu del Día de la muyer trabayadora, viénres y sábadu, en Llangréu y n'Uviéu.

El llema escoyíu pola organización independentista ye "Trabayadora güei, trabayadora siempres".

El VIENRES 6 de marzu la organización de mocedá revolucionario entama una charra-alderique en La Felguera, na Casa de la Cultura a les 17:30 hores con delles intervenciones: Ex-militante de "Xorrecer", Militante de CSI (Corriente sindical d'izquierdes), Intervención de muyeres de Darréu y Andecha Astur.


El SABADU les actividaes alredor d'estos actos de Darréu baxo'l " Trabayadora güei, trabayadora siempres" siguen con un mural pola igualdá en Llangréu. Pela tardi a les 19:00 nel Café-Llibrería Paraxuga d'Uviéu, Darréu entama una proyeición de curtiometraxes y dempués fina la xornada con una espicha.

Estrayíu d'Infoasturies.

Manifestamientu " la llingua como les demás" Esti sabadu.

Comunicáu de Sofitu ente la sentencia a Fer.

A les 18:00 hores de güei comunicaben la sentencia a Fer, el mozu asturianu acusau de terrorismu. L'Audiencia Nacional decidió que nun hai finalidá terrorista nos sos actos y que la tentativa d'estragos terroristes que pidió la fiscalía tamién yera abultada. La sentencia condena a 10 meses de prisión a Fernando G.R. por un delitu de tentativa de daños, polo que nun tendrá qu'ingresar na cárcel al nun tener antecedentes (Fernando G.R. permaneció presu por insumisión, delitu que nun dexa antecedentes penáles según la lexislación vixente).

Nun podemos escaecer el clima social y mediáticu que dende Delgación de Gobiernu, Brigada de la Información de Xixón y prensa (Nueva España, Comercio...) crearon nos momentos de la detención y durante'l procesu xudicial. La prensa y autoridaes policiales intentaron culpar al xoven d'una veintena d'atentaos que nun fueron capaces de resolver nos caberos años. Fai pocu qu'espublizabase'l malestar de la Brigada de la Información pola petición fiscal de solo 8 años y por nun tener en cuenta los sos informes non fundamentaos en lo que deciase que podía tratase de la mesma persona.

Actualizau: Sofitu n'un breve comunicau lamenta'l malestar qu'esta noticia pueda causar a la Brigada de la Información y convoca una xuntanza pa mañana, martes 3 de marzu, a les 19:30 hores na Casa Sindical de Xixón con Fernando G.R. pa cellebrar que Fer nun va entrar na prisión.

Eleiciones n'Euskadi...¿ Y la izquierda abertzale ?

Una vegada más la " democracia " española torga el drechu de votar al pueblu vascu. Solo se pue votar a los partios correutos y collacios de la "democracia" española, ¿que democrates son estos que ñeguen el drechu de votar a gran parte d'un pueblu? Una vegada más, repetimos...DEMOCRACIA=0.


Solidaridá pa cola izquierda patriota vasca.

Vidiu Cangues: Absolución pa lxs 14 imputaxs 35

(35)

http://www.youtube.com/watch?v=T-_vqeYFJiU



Los trabayadores d'Enferbús siguen en llucha.

Esti llunes 2 de febreru ta convocáu un manifestamientu en solidariedá colos trabayadores d'ENFERBUS y por un tresporte dignu. Esta nueva movilización entama a les 19:30 hores y tien salida dende la Ilésia San Xuán de Mieres. Los trabayaores d'Enferbús tan en fuelga indefinía dende'l 2 de febreru.

D'Otra miente, la organización de mocedá independentista Darréu vien d'asoleyar un comunicáu solidarizándose colos trabayadores d'ENFERBUS y caltienen "que tolos trabayadores de la empresa Enferbus tornen los sos puestos de trabayu ensín esceiciones",

La organización independentista anima a la población d’El Caudal a solidarizase colos trabayadores y participar en prósimes movilizaciones, como por exemplu el prósimu manifestamientu, que sedrá esti llunes 2 de mayu a les 19:30 en Mieres".y sobre too animen a la mocedá mierense "a movilizase". "creyemos que dende la solidariedá el conflitu sedrá ganáu polos trabayadores en llucha" afiten.

Darréu camienta que la situación de represión llaboral qu’atopamos n’Enferbus "nun ye namai qu’una más na escalada represiva que podemos ver n’Asturies nes caberes dómines nel seutor llaboral. Otru exemplu son les movilizaciones de los trabayadores de Asturiana de Zinc del pasáu mes de payares de 2008, les cuales tan denunciaes pola guardia civil y dirán a xuiciu el 12 de mayu. Queremos amosar tamién sofitu col casu del comité d’empresa d’esta última".

Estrayíu d'Infoastuies.

Movilizaciones de los trabayadores d'ENFERBUS polos sos drechos.

Esti pasáu martes 24 de febreru los trabayadores d'ENFERBUS axuntáronse delantre la ilesia de San Xuán en Mieres pa protestar polos sos drechos ya que l'empresariu Antonio Fernandez ñegose a negociar colos trabayadores a los cuales debe-yos parte de los sos sueldos. Hai d'alcordase que los trabayadores d'esta empresa lleven dende'l 2 de febreru en güelga indefinía. Dempués d'aconceyase na ilesia mierense emtamaron un manifestamientu peles cais de Mieres dende Carreño Miranda al barríu de San Pedro.

Al aportar ellí, puntu averáu a la salida de la ciudá pela autopista decenes d'antidisturbios guetaron les cosquilles a los manifestantes pero estos nun cayeron nel xuegu de la policía española y tornaron a la zona la cai Xixón hasta llegar a onde vive l'empresariu Fernandez el cual tuvo que sentir dende la so casa dellos petardazos y glayios pidiendo que pagara a los trabayadores y que devolviera'l trabayu a estos mesmos.

Dempués los trabayadores fueron al ayuntamientu a falar presonalmente col alcalde mierense el cual prometió devolve-yos los sos puestos de trabayu. Los trabayadores criticaron la xestión de l'ayuntamientu ya qu'entá nun vieron fechos, solo pallabres. Dempués los manifestantes finaron la movilización dexando pancartes visibles peles cais mierenses.

¡Tol sofitu a los trabayadores d'ENFEBUS!

¡ Fernández paga lo que debes!

PUXA LA CLAS OBRERA.

L’Ayuntamientu Llangréu multa a Andecha en represalia política pol eventu xuvenil que cellebró Darréu n’ochobre

Siguiendo cola escalada represiva a l'independentismu atopamonos güei con una noticia ablucante na páxina web d'Andecha Astur y tamién nel sitiu n'internet de Darréu. Dempués de meses del DMR'08 y cola presión y torgues que sufrió la organización de mocedá independentista Darréu por parte del gobiernu llangreanu del PsoE enantes del día de los actos agora l'ayuntamientu torna a cargar escontra l'independentismu asturianu, esta vegada escontra Andecha. Asina podemos lleer na páxina d'Andecha :

"El 4 de ochobre la organización xuvenil Darréu, venceyada al movimientu políticu d’Andecha Astur, cellebró en La Felguera el DMR’08 o Díi de la Mocedá Revolucionario que incluyía dellos actos ente ellos una manifestación y un conciertu conmemorativu de la revolución de 1934.

L’Ayuntamientu trató d’impedir l’actu que se cellebra dende fae años en La Felguera y qu’axunta añalmente a cientos de xovenes independentistes oponiendo enormes dexixencies llegales e insalvables problemes práuticos a los organizadores. Pesia ello, Darréu cumplió tolos requisitos llegales que-y impuso l’ayuntamientu y pudo cellebrar el so multitudinariu actu festivu y reivindicativu.

El DMR’08 foi un ésitu políticu, organizativu y de participación. Además nin antes, nin dempués nin durante la cellebración del actu hebio nengún tipu d’incidente según reconoció públicamente la mesma policía municipal.

Con fecha 4 d’ochobre –curiosamente’l mesmu día que Darréu cellebraba’l DMR’08- l’ayuntamientu de Llangréu abrió un espediente a Andecha Astur por pegar cartelos en llugares públicos non autorizaos. Posteriormente comunícase-y a la organización política Andecha Astur una sanción de más de 1.000 euros por afitar cartelos en sitios non autorizados.

Andecha Astur presenta recursu retolicando qu'en dengún momentu s'identificó a denguna persona nin a dengún militante d’Andecha pegando dichos cartelos, poro la responsablidá nun pue recayer sobre la organización política, en tal casu diría sobre les persones que los pegaron pero resulta que son anonimos.

Andecha denuncia que se trata claramente d’una represalia política porque Darréu ganó-y el pulsu al ayuntamientu y pudo organizar con ésitu el so actu y critica'l nulu sentíu democráticu del Ayuntamientu por nun respetar la llibertá política y d’espresión.

Esta mesma selmana l’Ayuntamientu colocó carteles del Antroxu en llugares prohibidos según la su propia ordenanza munipal. Andecha presentó una denuncia ante la policía municipal al PSOE y al mesmu Ayuntamientu de Llangréu por pegar cartelos en llugares nun autorizaos:

Dende Andecha Astur queremos amosar con esto qu'esiste un doble raseru al aplicar les lleis en Llangréu y que lo qu’al ayuntamientu del PSOE-y esmolez nun ye la llimpieza de les paredes públiques sinon que los xóvenes de La Felguera y llangreanos s’autoorganicen, tengan idees propies y seyan críticos col sistema políticu y col gobiernu municipal."

Camentamos qu'esta persecución a tolos movimientos políticos y sociales que tamos güeyando nes caberes selmanes a nivel estatal( persecución al sindicalismu, detenios n'Euskal Herria, detenios en Málaga, violencia policial en Llión, persecución del PSOE a Andecha en Llangréu, xuicios farsas n'Audiencia Nacional, como el que sufrió Fer...) formen parte d'una oleada represiva que solu ta emtamando a veninos enriba d'esti sistema capitalista y esti Estáu facista español en cris.

Comunicau de Sofitu tres el xuiciu a Fer y n'espera de la sentencia

El muerganu independentista y antirrepresivo asoleyó güei ún comunicau faciendo una valoración tres les dos sesiones del xuiciu a Fer y n'espera de la sentencia qu'asoleyará la Audiencia Nacional. El comunicáu diz lo siguiente:

" El muerganu antirrepresivu Sofitu, quier dirixise al pueblu asturianu pa llanzar les siguientes reflexones no tocante a lo qu’asocedio nes dos xornaes de xuiciu al militante independentista Fernando Gonzalez “Fer” , nel puntu nel cual nos atopamos, esto ye, n’espera que se dicte sentencia.



En primer llugar, l’audiencia nacional nun ye naide, otrosí que nun lo ye ningún otru tribunal d’esi estáu, pa xulgar a un ciudadanu asturianu, na midía en que les sos lleis y l’aplicación de les mesmes nun remanecen del nuesu pais, son impuestes, formen parte d’una realidá estremada a la del nuesu pueblu y na mayoría les ocasiones sirver pa violentar los nuesos drechos individuales y coleutivos que comoasturianos tenemos. Esti casu, el del xuiciu y mas que posible encarcelamientu d’esti mozu independentista ye un exemplu mas d’ello, neto que munchos otros. Nel casu de l’audiencia nacional española amás tratase d’ún tribunal que castiga la disidencia politica, ye un tribunal d’esceición llonxanu de lo que se pueda considerar un estau de drechu. Un tribunal mas propiu d’estaos de guerra y grandes conflictos nel que se creen sumarios ensín consistencia, criminalizase a persones y coleutivos, vulnerase la llibertá d’espresión torgando actos publicos, zarrando medios de comunicación, afalando illegalizaciones de muerganos y partíos politicos, faciendose xuicios sumarisimos escontra amplios coleutivos de xente, cenciellamente por ta adscritos a una idoloxía determináo. L’audiencia nacional española ye un tribunal judicial que se superpón so’l restu de muerganos del poder judicial (esceuto’l tribunal supremu y tribunal constitucional) pa represaliar con cárcele o chantaxe economico a les persones que nun creyen na “so” España y nel so capital, al empar que se val de la llei antiterrorista y les tortures pa incriminar a la disidencia politica.



No que cinca’l casu de Fer, les prerrogatives del muerganu heriede del tribunal d’orde públicu franquista furrulen a la perfección, vulneren un drechu elemental como ye’l de falar na llingua asturiana, perjudicando en mou d’indefensión al xoven independentista, continues burlles al nuesu idioma calificandolo de “dialecto”, de que nun ye una llingua, pese a que l’estatutu d’autonomia, qu’impusieron a la nuesa tierra dende España, regula la obligación de toles administraciones al usu, promoción y calteenimientu del Asturianu. SOFITU advierte y quier dexar nidio a los facistes españoles que l’asturianu ye la llingua nacional del nuesu pais y que’l castellanu nesta tierra nun ye mas qu’una imposición frutu de la soberbia cola que l’estau español ocupa Asturies.



La xueza Ángela Murillo exerció un papel d’anfitriona y protectora pa col fiscal, mentanto que s’ensañó cola defensa y posiblemente tará preparando el so castigu pa Fer; valió amás como ordago amenazante pa too’l movimientu independentista asturianu. La teorica xera d’arbitraxe de la presidenta d’esa mesa que xulgó a Fer nun quedo mas que nuna simple ilusión. Entamando pol ataque al Asturianu, les continues faltes de respetu al nun dexar esponer a les abogaes de la defensa, falando ente elles cuando cuando éstes presentaben les sos prebes, o como nel 12 Febreru enterrompio los alegatos de la defensa pa siguir al dia siguiente namai que por un caprichu personal de nun querer sentir más les conclusiones de les abogaes. Dende SOFITU camentamos que la sentencia taba ya escrita y guardada nun caxón , precisamente porque l’estau español nun ye un estau de drechu, sinón un estau facista.

El papel de fiscal, unviao pol ministeriu publicu, y actuando como parte acusadora, tamién fraya los drechos del acusau. Pero a SOFITU lo que mas-y llama ye que la evidente nun dixebración de poderes nel estau español lleve a esti señor a facer drechu a so propia discreción ; sabedor de que nel estau español les lleis nun son iguales pa toos y que l’estau de drechu ye una “broma” atrevese a dar como prebes (manches vegaes falses) : visites a presos politicos, alcuentros con presos politicos, tener en casa pegadielles de muerganos politicos con calter armau o non… como si fuere delitu. Hasta onde SOFITU conoz cartease con presos politicos nun apeas regulau nin tipificau como delitu por ninguna llei española, si acasu sedralo nel futuru, pero angüañu nun tenemos constancia d’ello. La policia española da una bayura prebes , qu’en realidá nun lo son, como correr maratones financiaos pol gobiernu d’Ibarretxe en Donostia, dir a manifestaciones llegales o otros actos de sofitu a la esquierda abertzale, incriminar nun ampliu llistáu d’atentaos n’Asturies dende 2001 ensín mayores aportaciones pa pasar el filtru del fiscal y ésti quedase con delles d’estes hipotetiques prebes, les menos escandaloses, pa que’l tribunal xulgue. Como vemos la policia y el fiscal creén drechu , precisamente porque’l drechu ye discrecional y arbitrariu pa la disidencia.



Un puntu relevante ye’l intentu sistematicu, por parte del fiscal, de separtar la llucha de los trabayadores pol so puestu de trabayu respecto a la consecución d’unos oxetivos politicos determinaos. Pa’l fiscal español l’emplegu de la violencia pa la defensa d’ún puestu de trabayu nun ye lexítima pero, entá ye menos lexítima pa defender una ideoloxía politica concreta, magar que, nun se sintio a esti axente del ministriu publicu dicir nada sobre la imposición que pola fuercia de les armes exerce españa escontra Asturies, relegandola a un calter dixebrada, principiega, española y de dreches. SOFITU pescancia que pa’l fiscal si val la violencia cuando tratase de defender el so proyeutu politicu y la so ideología, que ye la mesma que la del estau español: del sometimientu de los pueblos a los qu’oprime y la explotación de les clases sociales trabajadores. SOFITU quier dexar nidio que la llucha pola independencia y el socialismu nesti pais , nun solo nun ye ayena a la llucha a la de los trabajadores asturianos en defensa del so puestu de trabayu sinón que ye la mesma llucha.

No que se refier a los medios de comunicación españoles o al serviciu d’españa, continuaron cola so campaña d’intosicación y mentires. Ye curiosu l’accesu que teníen a informes policiales cuando entá taben baxo secretu de sumariu. SOFITU quier alertar nesta vegada qu’hai que sumar a les yá conocíes manipulaciones en favor de los sos amos, les provocaciones intencionales de les que faen gala como’l fechu de que “la nueva españa” refierase a lo asocedíu en L’Infiestu n’aquel setiembre de 2005 como rempuesta polos “deteníos d’Andecha Astur” en Cangues d’Onis dies enantes, sabedores de que los deteníos nun yeren de tal partíu sinon militantes antifacistes asturianos; d’esta miente criminalicen a Andecha Astur, tracamundien y mienten a los sos llectores y provoquen a la esquierda independentista d’esti pais. Nesti sen asoleyaronse calificativos como “ correligionarios” de Fer despeutivamente como sectarios de sabe quién que relixón, pela cuenta de que la mayoría los que tabemos elli somos ateos. Tamién destacar l’acosu de camares y fotografos nes puertes de l’audiencia nacional española. SOFITU nun ye quien a calificar a estos medios namái que de “carroñeros”.

Esti muerganu quier tamén denunciar el papel de la policia española colos siguimientos de la brigada d’información nos viaxes, magar que nes dos caberes xornaes llimitaronse al siguimientu non disimulau pero ensín llegar a parar a los solidarios, pela cuenta de lo qu’asocedio na primer xornada. Ysiguiendo coles contradicciones na segunda xornada nun permitieron la xuntanza entamada por SOFITU obligando a retirar les banderes y la propaganda nun claru ataque a la llibertá d’espresión como fió de igual mena la prohibición d’asoleyar camisetes en sofitu a Fer. Por too ello SOFITU destaca’l calter chulescu y prepotente de la policia española.

Pa finar, queremos agradecer a tola xente solidario, les 80 persones que s’averaron a Madril na primer xornada, al casique mediu centenar qu’acudieron nes dos caberes xornaes asina como a toles persones y coleutivos que sofitaron y sofiten politica, economica o moralmente la llucha de Fer. Esta llucha entamo cola detención y secuestru de Fer pero nun debe finar cuando conozamos la sentencia, l llucha tién que continuar.

¡¡Puxa Asturies llibre!! ¡¡Puxa Asturies socialista!! "