La manifestación contra los Premios Príncipe suma apoyos

La manifestación convocada pol Ensame República Asturiana contra los Premios Príncipe suma nuevos apoyos. Les organizaciones independentistes Fai!, Darréu y Sofitu y el sindicatu CSI van tar presentes.

L’Ensame República Asturiana (ERA) convocó, como nos últimos años, una manifestación contra los Premios Príncipe. La protesta va arrancar el prósimu sábadu 23 d’ochobre, a les 13 hores, de la Estación del norte d’Uviéu.

El colectivu antimonárquicu critica que los Premios Príncipe tán creaos por “vieyos herederos del franquismu nun intentu intentu de llavase la cara y xustificar, y democratizar, una institución como la casa real que ye heredera del franquismu”.

Pal ERA estos premios, a la par que’l “títulu créau pola corona de Castiella pa intentar calmar les continues revueltes n'Asturies”, son una “humildación”. L’Ensame refuga amás, ente otres coses, que los premios se presenten como populares “cuando la presencia a los mesmos ta suxeta a invitación”, y que la Fundación Príncipe “manexe un presupuestu de 20 millones d'euros y se-y dean terrenos publicos n'Avilés”.

Amás de los convocantes, van sumase más organizaciones a la protesta. La Corriente Sindical d’Izquierda yá dixera’l pasáu martes qu’apoya la convocatoria porque “nun tamos pa mantener a families reales”; mientres que Fai!, Sofitu y Darréu tamién confirmaron la so presencia na marcha contra la monarquía.

Fonte: Asturies.com

Señalar que tamién Andecha Astur sofita publicamente la manifestación republicana.

Sofitu gana’l rucursu sobre’l garabiellu y l’hacha

El Muerganu Antirrepresivu Popular SOFITU ta acabante de ganar el recursu a la multa interpuesta’l solidariu qu’acudía’l actu na cárcele de Villabona.
Les pasaes navidaes, ante un actu convocáu por esti coleutivu, el pueblu de La Vega foi tomáu poles tropes del Institutu Armáu que se dedicaron a aparar ya identificar a tolos coches y persones que pasaben perelli. La felicidá a los miembros de la guardia civil llegó cuando a un solidariu, qu’acudía’l actu tres llimpiar el so práu, se-y requisó un garabiellu y un hacha nel maletón del so coche. Anque’l fechu de portar los preseos del campu a casa ye daqué normal nel nuesu país resultó raru pa los axentes foriatos de la benemerita qu’acudieron raudos a interponer una multa’l mozu. Asina, según la so teoría, cualquier persona con un práu podría ser denunciada por llevar armes.

Tres recibir la denuncia, por un valor de 450€ foi recurrida por Sofitu, la cual foi rechazada y confirmada la multa de 450€. Al segundu recursu la xusticia danos la razón y retira la denuncia’l solidariu. Pa Sofitu "nun ye mas qu’una amuesa mas de la desconocencia del estáu español haza la cultura d’Asturies, la cual odien, y ye una preba del plan del estáu pa finar cola resistencia y de criminalizar a toles persones solidaries d’esti país a base de represión y multes"

Per otru lláu dende Sofitu afalen a participar na convocatoria del ERA d’esti viniente sabadu 23, n’Uviéu, escontra los premios principiegos "como un pasu mas na construcción d’una unidá popular que faiga frente a toles humildaciones que sofrimos pol meru fechu de ser asturianos, diganse premios, principes, multes o autonomíes"

Fonte: Aruelu

Fai! axúntase a la convocatora l'ERA a la escontra los Premios Principiegos

Fai! axúntase a la convocatoria del Ensame República Asturiana (ERA) a la escontra de la cellebración de los Premios Principiegos n'Asturies un añu más. Dende Fai!, nun reconocemos denguna clas d'autoridá per parte de los Principes d'España nin, por supuesto, el so nomatu "d'Asturies" lo cualo ye considerao como una imaxe rancia del Cuadonguismu y de la colonización española sobre Asturies. Tamien tamos enfrentaos a la celebración de los Premios, non solo pol fechu de ser foriatos y aculturizantes, sinon porque son "l'opiu'l pueblu asturianu", el cualu escaez la bien probe situación que carez el País pa dir a l'adoración de los sos falsos representantes.

Premios y príncipes, la humildación d'un pueblu
República Asturiana, socialista y soberana

Comunicáu de Darréu en sofitu a la mani contra los premios principiegos.

Reproducimos equí'l testu asoleyáu por la organización xuvenil Darréu cola fin d'impulsar la convocatoria de manifestación del ERA y llamar a participar n'ella:

La organización de mocedá Darréu sofita la manifestación convocada pol Ensame República Asturiana pa esti prósimu sábadu 23 d'ochobre contra los Principes d'España y los sos Premios. La movilización cuntará esti añu col llema “Premios y Principes: La humildación d'un pueblu”.

Camentamos qu'esta farsa de premios, con fondu raigañu franquista nun ye más qu'una mazcara de modernidá cola que la monarquía española s'antroxa pa tapecer les llaceries propies de la so institución, más propia de la Edá Media que del sieglu XXI. Too ello ensín escaecer la estratexa populista de la corona, faciendo ver gracies a la manipulación informativa, el folclorismu más ranciu y una descomada inversión de dineru que'l Pueblu quierlos n'Uviéu y Asturies. Lo murnio ye qu'esi coste pagamoslo toes y toos los asturianxs, anque naide entruga a dengún/a ciudadanu/a sobre si quier o non caltener a una familia real, heredera directa amás del Réximen Franquista.

Asina, estos premios traten de dar una impresión d'Asturies al mundiu de progresu, referente cultural y Principáu exemplar. Lo ciertu ye qu'Asturies carez una crisis social y económica de la que la corona española tamién ye responsable, al igual que tola rede caciquil implantada pel país. La mocedá nun tien espectatives de futuru nesta tierra y tien de colar fuera d'ella pa vivir y trabayar, la población sigue avieyandose y los despidos y salarios cada vegada salen-y más baratos a la patronal. La situación ye bien probe como pa tratar de creenos el cuentu esti del Principáu de les maravilles. La cultura y llingua asturiana siguen ensín tener reconocencia oficial, son marxinaes cola fin d'implantar n'Asturies la cultura centraliega, la que permite facer a la burguesía más beneficios. Esti de represión y persecución que violan incluso la retrograda llexislación del Estáu Español.

Por esto y muncho más Darréu sofita la manifestación republicana y soberanista que l'ERA convoca pa esti sábadu 23 a les 13:00 hores na Estación del Norte d'Uviéu. Animamos a tola sociedá asturiana a participar n'ella, sobremanera a los más mozos y moces, pa espresar la nuestra refuga a estos premios farsa, monárquicos, retrógrados y clasistes.

Amás, dende Darréu queremos sorrayar de la importancia de que TOLA IZQUIERDA SOBERANISTA/NACIONALIEGA/ASTURIANISTA llame a participar a la sociedá y la so militancia a la manifestación y pueda dase una rempuesta xunitaria, republicana, asturiana y d'izquierdes al travies del ERA a esta humildación del Pueblu Asturianu.

POLA ARTICULACIÓN D'UN MOVIMIENTU REPUBLICANU ASTURIANU DE MASES

POR UNA REMPUESTA XUNITARIA A ESTA VERGOÑA DE " PREMIOS"

¡ACUDAMOS A LA MANIFESTACIÓN D'ESTI SÁBADU!

CSI sofita la mani escontra los premios principe

Dende la Corriente Sindical d'Izquierda asoleyen el mensaxe que vien darréu:

"Dende la Corriente Sindical d'Izquierda faemos un llamamientu a participar na manifestación del Sabadu 23 d'Ochobre a les 13 hores na Estación del Norte d'Uviéu y qu'entama'l Ensame República Asturiana escontra los premios principiegos.
Porque como bien diz l'ERA nun tamos pa mantener a families reales, porque tenemos drechu a decidir el nuesu futuru, porque los premios principe son la humildación d'un pueblu.

¡¡PUXA ASTURIES LLIBRE Y SOCIALISTA!!"

Fonte: Glayiu.

El TSXA declara illegal el númberu mínimu de 8 alumnos pa formar grupu n'Asturianu en secundaria

El Tribunal Superior de Xusticia d'Asturies (TSXA) considera «contrario a derechu» l'establecimientu d'un númberu mínimu d'estudiantes pa formar grupu na asignatura de Llingua Asturiana na Educación Secundaria asturiana. Una recién sentencia del altu tribunal asturianu da la razón al sindicatu Comisiones Obreres, que nel so día recurrió una resolución de la Conseyería d'Educación y Ciencia pola que s'establecía que'l grupu pa la impartición del asturianu nun podía ser menor d'ocho alumnos.

La sentencia de la Sala de lo Contencioso Alministrativu de la TSXA declara «nulu y ensin efectu» l'artículu 5.1 de la resolución de la Conseyería que preside Herminio Sastre y que tien fecha de 16 de mayu de 2008. Nella l'Alministración educativa asturiana establecía la ufierta y les condiciones pa la elección de materies optatives y materies opcionales pa la Educación Secundaria Obligatoria (ESO).

El sindicatu Comisiones Obreres recurrió. El so voceru, Luis Fernández Lleón, esplicaba ayeri: «Entendíamos que la resolución frayaba la llei d'Usu y Promoción del Asturianu, un testu que garantiza la impartición de l'asignatura en tolos niveles educativos».

Comisiones Obreres asegura que se trata d'una sentencia «de caláu enforma», qu'amás ye la primera al so favor nesta cuestión, yá que les hai anteriores favorables al Principáu, anque na fase d'Educación Infantil. Esta sentencia nun ye recurrible, apunta'l sindicatu.

Hasta la fecha, cuando'l númberu d'alumnos per cursu nun llegaba a ocho, derivábase a esos alumnos interesáu n'estudiar Asturianu a otres materies.

Fonte: Infoasturies.

Cientos de mozos y moces participaron nos actos del Día de la Mocedá Revolucionario

InfoAsturies ufre una galería con más de 60 semeyes de los actos del DMR.

Esta fin de selmana Darréu entamaba una nueva edición del Día de la Mocedá Revolucionario (DMR) en Xixón. Les actividaes repartiéronse énte'l vienres 15 y el sábadu 16 y tuvo una importante participación de mocedá. Mientres los dos díes foron bastantes les actividaes programaes que remataron cola IX edición del festival "Asturies nun escaez" conmemorativu de la revolución d'ochobre.

El vienres enllenóse L'Ayalga p'asistir a la charra "Ochobre 34-37" - na que l'hestoriador Antón Martínez fexo un repasu de la historia del movimientu obreru nos años 30 del sieglu pasáu cola revolución de 1934 y la ocupación d'Asturies de 1937 como exes- , la proyeición del documental "Ochobre 1934, memories d'un país" fechu por Darréu en 2009 con motivu del 75 aniversariu y pa participar nel alcuentru internacionalista onde prticiparon deleganciones de Cajei y Maulets, organizaciones de mocedá catalanes que tan nun procesu de xunidá, Azarug de Canaries, Yesca de Castiella, Agora del País Llionés y Regüelta de Cantabria. La xornada del vienres finó con una espicha con música del país.

El sábadu, a les 11:30 hores, les delegaciones internacionales y miembros de Darréu tvieron un taller de deportes y xuegos tradicionales nel Muséu del Pueblu d'Asturies. A les 14:30 hores, l'Ayalga volvió enllenase pa participar nuna xinta popular consistente nuna fabada y un platu de postres asturianos, de clater antirrepresivu y a beneficiu del muerganismu antirrepresivu popular Sofitu. Yá pela tarde, delantre de la casa Conceyu de Xixón féxose un homenaxe a los revolucionarios y revolucionaries onde participaron ya intervinieron Darréu, CJC-CMC, Fai!, CSI-Mocedá y Andecha Astur.

El Día de la Mocedá Revolucionario 2010 finó cola IX edición del festival "Asturies nun escaez" que yá ye un clásicu nel entamu la seronda y qu'esti añu cuntó colos grupos asturianos IRA y Escuela de Odio xunta los grupos foriatos KOP dende los Països Catalans y Gatillazo d'Euskal Herria. El Pabellón Asturies de la Feria Muestes foi l'escenariu d'esta edición qu'axuntó unes 600 persones.
Los ganadores del concursu pa grupos mozos "Sones de Revolución", entamáu por Darréu a principios d'ochobre n'Uviéu, IRA abrieron el conciertu cola sorpresa de cuntar cola collaboración Wanye intercalando descargues hardcore col hip hop vindicativu. Escuela de Odio acabó d'encender al públicu colos sos temas direutos y perconocíos y la perbona puesta n'escena que los carauteriza. Nesti descansu foi'l momentu del actu políticu de Darréu qu'animó a la mocedá a siguir na llucha por una Asturies llibre y socialista.


Tres l'actu, foi'l momentu de KOP, que llegaba a Asturies por primer vez y notáronse les ganes que teníen tanto'l públicu como'l propiu grupu de qu'esto asocediese. Los catalanes ufrieron una bona amuesa del so repertoriu y un gran espeutáculu. Finada l'actuación de KOP, que cuntó cola collaboración de Pirri (Escuela) en "No te rindas" cellebróse l'avezáu actu internacionalista onde les delagaciones subieron al escenariu y un voceru d'elles fexo una intervención agradeciendo l'acoyida y mandando un mensaxe solidariu ya internacionalista. Zarró'l conciertu, Gatillazo col so punk y con Evaristo enllenando l'escenariu como ye vezu y enllenando de folixa la sala. La organización fexo una valoración positiva d'esti DMR 2010 onde participaron cientos de mozos y moces.

InfoAsturies ufre una completa galeria de semeyes de los actos del Día de la Mocedá Revolucionario con especial atención al IX Conciertu Asturies nun escaez:

http://www.infoasturies.net/index.php?option=com_phocagallery&view=category&id=38&Itemid=85

Un añu más L’Ensame pola Republica Asturiana convoca la manifestación escontra los premios principiegos

Esti añu, p’afalar la participación cambiase’l formatu pasando del día enantes, un xueves llaboral pela tarde, al día dempués, sabadu a la una de la tarde.

Los premios principe, creaos por vieyos herederos del franquismu como Graciano García, que trabayó dende 1961 nel Órgano provincial de la Falange Española Tradicionalista y de las J.O.N.S conocíu güei como LA NUEVA ESPAÑA, Pedro Masavéu o el Xeneral del exercitu facista español Sabino Fdz. Campo nun intentu de llavase la cara y xustificar, y democratizar, una institución como la casa real que ye heredera del franquismu.

Pal pueblu asturianu ye una humildación qu’un titulu creáu pola corona de Castiella pa intentar calmar les continues revueltes n’Asturies por parte de nobles qu’intentaben crear, a imaxe de Portugal, un reinu independiente sía usáu güei pa xustificar el "cuadonguismu", la lleenda de que de Cuadonga naz el reinu d’españa. Ye una humildación que’l futuru rei d’españa porte’l nome de la nuesa nación. Ye una humildación que se presenten estos premios como populares cuando la presencia a los mesmos ta suxeta a invitación, invitación que nel casu de los empresarios que quieren codease cola "flor y nata" de la burguesía y de los politicos, paguen a 3000 euros l’asientu. Ye una humildación que l’ayuntamientu d’Uviéu que tién una delda de 140 millones d’euros, mas 41 millones de cinturón verde, gaste les perres en llimpiar a fondu la ciudá o contratar a grupos de baille tradicional pa dar a les cais un aspectu de solemnidá. Ye una humildación que la Fundación Principe, que nació con un presupuestu d’once millones de pesetes hai 30 años y agora manexe un presupuestu de 20 millones d’euros (3300 millones de pesetes) y se-y dean terrenos publicos n’Avilés pa la construcción de los sos chiringuitos. Ye una humildación que la cultura asturiana brille pola so ausencia, y que pa un premiu que repercute n’Asturies, el del pueblu exemplar, sía financiáu al 50% pol gobiernu d’Asturies y que’l mesmu fora creáu 10 años mas tarde pa llavase la cara ante los asturianos que daben la espalda a los premios.

Porque nun tamos pa mantener a families reales, porque tenemos derechu a decidir el nuesu futuru, porque LOS PPREMIOS PRINCIPE SON LA HUMILDACIÓN D’UN PUEBLU vos convocamos el sabadu 23 d’ochobre a les 13 hores na Estación del norte d’Uviéu a amosar el nuesu refugu.

Fonte: Aruelu.

Areces nun se corta.

Con independencia de la visión que se tea del Bloque por Asturies y les sos polítiques, cola fondera controversia que puea trayer l'averamientu del BA a Valledor, los sos erros y les sos contradicciones, y como non, los trunfos y les nueves iniciatives lo que pasó na Xunta Xeneral nel Alderique d'Orientación de Gobiernu nun tien nome. Roberto Colunga, diputáu del BA argumentó y presentó una crítica dura a les polítiques del gobiernu del PSOE-IU, a la xestión d'Areces. Pela so parte, Areces amosó una vegada más la fobia que-y tien a tolo que güela a asturianismu/nacionalismu asturianu. En vez d'emplegar contra-argumentos sacó la so rabia pa espeta-y esto a Colunga:



Ye vergoñosu esti nivel por parte de Tini. Ye vergoñosu que nun supuestu Estáu de Drechu(Sic), un presidente de gobiernu digai a un diputáu de la mesma Xunta Xeneral que nun pinta un res. La democracia qu'ellos quieren y defenden nun ye namái que la del réxime que llantaron tres delles décades de caciquismu. Areces faltó al respetu a tolos votantes del BA, pues preste o non, el Bloque ta ehí, na Xunta Xeneral por que nel so día la xente votó a la coalición na que taba, y dio-yos el so votu. Poro, mete mieu al pánicu ciertes pallabres pela parte d'un presidente de gobiernu autonómicu, pues tien de dar exemplu de tolerancia y talante " democráticu" ( entiendase la so democracia).

Tini nun dexará de facer méritos nunca pa visibilizar la falta de drechos y llibertaes qu'hai nesti páis que malgobierna.

Audio de la intervención de Roberto Colunga: http://www.zshare.net/audio/8156844530db88b8/

UPyD nun se presentó

Nin el representante d'UPyD nin el so abogáu foron al xuiciu a una militante independentista.

Los fechos dan la razón a quienes denunciaben "un xuiciu farsa" contra una militante independentista qu'intentare facer una entruga a Rosa Díez nun actu públicu n'Uviéu a principios d'añu. Asina, esti vienres 15 d'ochobre, tenía que cellebrase'l xuiciu qu'ente la incoparecencia d'UPyD nun entamó y la so denuncia foi retirada.

A les 11:30 hores un garrapiellu solidarios y solidaries, convocaos pol muerganismu antirrepresivu popular 'Sofitu', concentráronse énte les puertes del Xulgáu d'Uviéu con cartelos nos que podía lleese "El facismu disfrazase de malva", "UPyD carceleros", " Batallón vasco-español, guerrilleros de cristo rey, GAL...UPyD" pa denunciar "el xuiciu farsa montáu ente la policía española y el nuevu movimientu ultra que representa'l partíu que dirixe Rosa Diez".

A les 12 los presentes dirixéronse, xunta l'acusada, al xulgáu a presenciar el xuiciu y, ante la sorpresa de toos y toes, el xuez mandó colar a los policies que prauticaron la detención yá que nin el representante d'UPyD, nin el so abogáu se presentaron al procesu quedando, asina, retirada la denuncia.

Pa Sofitu, "esto ye una amuesa más del usu fraudulentu qu'estos ultres del sieglu XXI faen de la xusticia como intentu d'amedrentar a les persones qu'aboguen por una Asturies llibre, xusta y asturfalante".

Fonte: Infoasturies.

Programa completu del Día de la Mocedá Revolucionario 2010

El DMR 2010 cellébrase en Xixón el vienres 16 y el sábadu 17 d'ochobre en Xixón. El programa completu ye'l que vien darréu:

VIENRES 15 d’OCHOBRE


LLAR L’AYALGA (XIXÓN) - 19:00 hores

Proyeición del documental “Ochobre 34, memories d’un país” (Darréu, 2009)

Charra “Ochobre 34-37” a cargu d’Antón Martínez, hestoriador.

Alcuentru Internacionalista con delegaciones d’Aragón, Canaries, Cantabria, Euskal Herría, Països Catalans,…

Espicha y música del país.

SÁBADU 16 d’OCHOBRE

PUEBLU D’ASTURIES - 11:30 hores

Xuegos Tradicionales

LLAR L’AYALGA (XIXÓN) - 14:00 hores

Xinta Popular

PLAZA CASA CONCEYU - 19:00 hores

Homenaxe a los/es revolucionarios/es asturianos/es

PABELLÓN ASTURIES FERIA MUESTRES – 21:00 hores

IX Conciertu "Asturies nun escaez"

Coles actuaciones de Gatillazo + KOP + Escuela de Odio + IRA HxC ( Insurxentes Revolucionarios Asturianos).

ENTRAES:
16 euros anticipada
18 euros taquilla.


PUNTOS DE VENTA D'ENTRAES ANTICIPAES:

Mieres: Cafe La Habana
Llaviana: Cervecería Bulldog;
Sotrondio: La Chez;
L'Entregu: Café La Yenda, Tom Malory;
Ciañu: La Folixa;
Sama: Imprenta La Fueya, Cervecería Sheffield;
La Felguera: Planta 14, Tom Malory, El Bulevar, Vieja Escuela;
Noreña: Llar d'Andecha, Los Riegos;
Siero: El Diañu, Juda;
Villaviciosa: La Bodega II,
Uviéu: Llibrería Paraxuga, Cervecería Noise, L'Arcu la Vieya;
Xixón: El Baruku, La Nueva Caleya;
L.lena: Ca'Toos;
Ribeseya: Chigre'l Corquiéu.

Fonte: www.darreu.org

Asturies perderá 34.000 habitantes en diez años

En 2019, Asturies va tener menos habitantes y más vieyos según l'estudiu de proyeición de población del Estáu español a curtiu plazu, fechu públicu pol Institutu estatal d'estadistica. La población asturiana pa 2020 calcúlase que sedrá de 1.023.971 habitantes, un 3,2% menos de población qu'asitia'l nuesu país como'l territoriu del Estáu onde más población se va perder tomando de referencia los naciminetos y defunciones esperaes, a lo qu'habría que sumar la perdida demgráfica que vien suponiendo la emigración.

En 2000 había 1.063.156 residentes, esti añu menguó a 1.058.116 y dientro de 10 años espérase que seyan 1.023.971 habitantes. Ente 2010 y 2019 perderánse 34.145 habitantes, 3.414 persones al añu.

Esti añu va haber unos 7.893 nacimientos pero la llínea de proyeición da 6.106 nacimientos pa 2019. L'INE indica que la esperanza de vida aumentará tanto en varones (hasta los 80,1 años) como en muyeres (los 86,1 años) nos diez años próximos.

Asturies, Galicia, Lleón, el norte de Castiella y el País Vascu son los territorios más afectaos cola pérdida poblacional proyeutada siguiendo la llinia de los últimos años.

Fonte: Infoasturies.net

Homenaxe a Belarmino Tomás nel 60 cabudañu de la so muerte

L’actu, que va tener llugar énte la so tumba nel cimenteriu de Pando (Llangréu) el prósimu martes 12 d’ochobre a les 13’00 hores.

Un añu más, la organización política Andecha Astur entama, coincidiendo col cabudañu de la Revolución d’Ochobre, un actu n’alcordanza de Belarmino Tomás Álvarez, que fora presidente del Tercer Comité Revolucionariu en 1934 y presidente del Conseyu Soberanu d’Asturies y Lleón en 1937. L'Homenaxe va consistir nuna pequeña intervención política acompangada de la ofrenda d’un ramu de lloréu y de la interpretación de delles pieces a la gaita.

Al actu tien confirmada la so asistencia Rafael Fernández Tomás, nietu del homenaxeáu y fundador del Partíu Socialista de los Trabayadores en México, país onde, amás, foi diputáu federal. Belarmino Tomás morrió nel exiliu en 1950, polo qu’esti añu l’actu d’homenaxe tien un calter especial ya que se cumplen 60 años de la muerte del cabezaleru asturianu.

Fonte: Infoasturies

Día de la Mocedá Revolucionario 2010: IX Conciertu " Asturies nun escaez"

El IX Conciertu " Asturies nun escaez" cuntará esti añu colos grupos Gatillazo, KOP, Escuela de Odio y el grupu ganador nel " I Sones de Revolución", conciertu-concursu qu'entama Darréu cola fin de promocionar grupos mozos y da-yos la oportunidá de tocar nesti conciertu, que yá cumple la so novena edición. El conciertu " Asturies nun escaez" va cellebrase esti próximu sábadu 16 d'ochobre nel Pabellón d'Asturies de la Feria de Muestres de Xixón. La hora d'entamu del conciertu sedrán les 21:00 hores.

Nesta edición del conciertu que fai homenaxe a la Revolución Asturiana cuntamos colos vascos Gatillazo, que tienen ente les sos files al yá míticu Evaristo de La Polla Records. Gatillazo tien 3 discos asoleyaos y faen un punk-rock mui característicu. Tamién podremos esfrutar de los catalanes KOP, cola so meza de hardcore, trash y metal, y les sos lletres comprometies, que tan a piques d'asoleyar el so nuevu discu " Acció Directa". Un añu más dende Darréu tenemos el privilexiu de cuntar tamién con Escuela de Odio, grupu hardcore asturianu por excelencia coles sos lletres enllenes de crítica y llucha social, que reflexen perfechamente la realidá d'Asturies.

El cuartu grupu, y segundu asturianu se decidirá esti sábadu 2 d'ochobre nel I Concursu " Sones de Revolución", que consistirá nun conciertu na Sala I-Pop d'Uviéu a partir de les 19:00 hores. N'ellí, grupos mozos del país van participar y un xuráu de músicos van escoyer el grupu que acompañará nel escenariu a Gatillazo, KOP y Escuela de Odio el 16 d'ochobre.

El preciu de les entraes pal IX Conciertu " Asturies nun escaez" ye de 16 euros nos puntos de venta d'entraes anticipaes y de 18 euros en taquilla. Los puntos de venta d'entraes anticipaes son los que vienen darréu:

Mieres: Cafe La Habana;Llaviana: Cervecería Bulldog; Sotrondio: La Chez; L'Entregu: Café La Yenda, Tom Malory; Ciañu: La Folixa; Sama: Imprenta La Fueya, Cervecería Sheffield; La Felguera: Planta 14, Tom Malory, El Bulevar, Vieja Escuela; Noreña: Llar d'Andecha, Los Riegos; Siero: El Diañu, Juda; Villaviciosa: La Bodega II, Uviéu: Llibrería Paraxuga, Cervecería Noise, L'Arcu la Vieya; Xixón: El Baruku, La Nueva Caleya; L.lena: Ca'Toos; Ribeseya: Chigre'l Corquiéu.

Más información sobre'l IX Conciertu " Asturies nun escaez" y el Día de la Mocedá Revolucionario 2010 nos próximos díes en www.darreu.org

Mesa redonda "y depués del 29-S ¿qué?"

Esti xueves 7 d'ochobre cellébrase n'Uviéu la mesa redonda "Y depués del 29-S ¿qué?. Balance y perspectives". Nella representantes de CSI, Suatea, CNT y CGT van valorar y analizar tanto la convocatoria de Fuelga del pasáu 29 setiembre como les perspectives de futuru y posibles escenarios nesta coxuntura.
L'actividá ye nel Conceyu Abiertu (Cai la Gascona, 12, baxu) y en prósimes feches van intentar qu'UGT, CCOO y USO den tamién la so opinión sobre'l mesmu tema.

Fonte: Infoasturies.

Güei ye 5 d'ochobre: ASTURIES NUN ESCAEZ.

¡ PUXA ASTURIES LLIBRE !

¡ PUXA ASTURIES SOCIALISTA !

¡ PUXA LA CLAS TRABAYADORA !

Aición escontra'l sindicalismu mariellu ayeri n'Uviéu.

Ayeri 29 de setiembre, na manifestación de los sidicatos verticales n'Uviéu, un garrapiellu de mozes y mozos salieron a denunciar y desenmascarar la situación sindical.

UGT, CCOO y USO complices.

El sindicalismu alternativu moviliza a 10.000 persones en Xixón

Unes 10.000 persones movilizáronse esti miércoles en Xixón nuna manifestación en contra de la Reforma Llaboral, qu'escurrió tranquila dende la plaza del Humedal hasta El Náutico baxo un ampliu dispositivu policial.

La respuesta ciudadana púnxose de manifiestu cuando la cabeza de la movilización llegó a El Náutico y la cola entá taba pola plaza del Parchís y tenía que llegar hasta'l Ayuntamientu antes de rematar el percorríu.

Una vegada n’El Náutico, el secretariu xeneral del sindicatu CGT, Jorge Muñiz, qu'avanzó que les movilizaciones van siguir más allá d'esti día, amosó la so total disconformidá cola Delegación del Gobiernu, pol numberosu dispositivu policial que los acompañara. "Paez que somos delincuentes", refartó. "Nun nos van amedranar", dexó claro.

"Que sepa l'autoridá y la Policía que cuando facemos manifestaciones son d'ámbitu pacíficu", repostió antes de xustificar que si hai dalgún incidente ye porque daquién quier que nun puedan protestar los trabayadores. Ello ye que la manifestación escurrió ensin problemes.

Coles mesmes, calificó la fuelga xeneral n'Asturies y Xixón de "total ésitu". Sobre lo último, señaló que la villa de Xovellanos quedó paralizada y añadió qu’una vegada más demostrós ser una ciudá “obrera y combativa".

Muñiz tamién aprofió la masiva participación de la manifestación y reprochó a CCOO y UXT que punxeren "pegues" p'actuar n'unidá d'acción. "Ellos si desmovilicen", acusó antes de refarta-yos qu'acepten pactos con Gobiernos d'esquierdes y dereches.

A esti respectu, espresó'l so deséu de que dambos sindicatos camuden, por que si non, "va haber que tomar midíes". Muñiz pidió al Gobiernu que nun siga nesta mesma llínea y adelantó que va haber futures movilizaciones, anque sía namá n'Asturies con fuelga xeneral o parcial.

Amás, criticó que'l Gobiernu "perdiera la vergüenza personal y política", pero non la de tratar a los trabayadores como a neños, na so opinión. Tamién aseguró que'l PSOE nun puede escusase na crisis internacional porque naide obligólos a recortar les pensiones o xornales. Muñiz, coles mesmes, refugó la política tantu del PSOE como del PP y atacó a determinaos medios de comunicación.

Nel actu intervinieron tamién la secretaria xeneral de SUATEA, Beatriz Quirós, y un representante de la CSI que lleó un comunicáu. La primera alvirtió sobre l'esmantelamientu de los servicios públicos y, en concretu, sobre l'empeoramientu de les condiciones de trabayu na enseñanza al haber cada vez menos profesores.

Tamién animó a "nun quedar cruciaos de brazos" y señaló que queda una ruta per delantre "difícil y dura", con nueves movilizaciones. Nesti sentíu, avanzó que probablemente la próxima sía en defensa de les pensiones y por que nun s’allargue la edá de xubilación, amás de recordar que nesta xornada tamién hai movilizaciones en toa Europa contra l'esmantelamientu del Estáu del Bienestar.

Crítiques a la policía
En cuanto al comunicáu de la CSI, tamién hubo crítiques al esplegue policial con. Amás, criticóse a CCOO y UXT por convocar una fuelga "tarde, mal y apautada" y por querer arropase la representación de los trabayadores "col so exércitu de lliberaos".

Per otru llau, la manifestación partió daqué dempués de les 13.00 hores de la plaza del Humedal, formada polos diversos sindicatos convocantes: CGT, CSI, Suatea y SFO. Na cabecera, podía vese un enorme cartelu col lema: 'Asturies nun ye Grecia pero tamos nello. Nun vamos salir de la so crisis si nun salimos a la cai'.

Fueron unes 10.000 persones les qu'escurrieron pel centru de Xixón, acompañaos d'un par de bandes de música y representantes d'otros partíos como Unidá Nacionalista Asturiana, y con múltiples banderes y pancartes, como la que pidía la reapertura de Juliana o la de el trabayadores de Thyssen, con un curtiu 'Espierta yá'. Los cánticos tamién acompañaron la comitiva, con frases como 'Zapatero, amigu del banqueru' o 'El pueblu xuníu, enxamás va ser vencíu'.

Antes del actu na plaza del Náuticu, Jorge Muñiz (CGT) señaló a los periodistes que con esta movilización busquen que CCOO y UXT nun vuelvan apautar col Gobiernu, al qu'encamienta a esaminar el resultáu de la fuelga. Tamién encamentó a dambos sindicatos mayoritarios a que-yos tengan en cuenta na negociación.

Pel so llau, el secretariu xeneral de CSI, Samuel Fernández, apuntó a la prensa que la fuelga foi un ésitu, anque llamentó que nun fuera convocada va tiempu. Tamién el miembru d'esti sindicatu, Cándido González Carnero, indicó que ye necesariu que la movilización social sía siguida y criticó la identificación de munchos piquetes per parte de la policía.

Fonte: Asturies.com

Concentración del Ensame Republica Asturiana esti pasáu martes.

Nota de prensa asoleyada pol ERA nel mesmu día de la convocatoria:


Güei Martes 28 trescurrió la xuntanza convocada pol ERA na puerta mesma de los causantes de la crisis qu'adolez Asturies dende hai mas de 30 años.

Con una bona presencia, siendo un día llaborable, unes 25 persones aconceyaron a les 8 la tarde ante l'atenta mirada d'un furgón de la policía española y de dellos sindicalistes oficiales de molestos porque se-yos apunte col deu como culpables de la crisis. Dalgunu averose a los ellí aconceyaos pa entrugar el porqué se-yos pón a l'altor de la derecha como culpables de la crisis.
"Menos fartures y mas llucha", "Independecia y socialismu" y déllos esloganes mas foron los coreaos polos asistentes mientres los "sindicalistes" entraben y salíen con priesa del sindicatu que por una vegada nel añu presentaba un aspectu de movimientu cola preparación de los piquetes.

La xuntanza desconvocose a les 20:45 ensin altercaos pese a los intentos de provocaciones con glayíos como: "Viva la repubica" y dalgún "rojos de mierda"

Mañana l'ERA tendrá cortexu propiu na manifestación de los sindicatos alternativos en Xixón baxo'l mesmu llema: "PSOE, IU, PP, UXT Y CCOO SON LA CRISIS D'ASTURIES"

Comunicáu de COSAL: NON A LA CRIMINALIZACIÓN DE LA SOLIDARIDÁ INTERNACIONALISTA.

NON A LA CRIMINALIZACIÓN DE LA SOLIDARIDÁ INTERNACIONALISTA.
Dempués de conocer la detención y incomunicación de varies persones militantes d´Askapena, organización vasca de solidaridá internacionalista, afirmamos que-mos paez una nueva vuelta de tuerca na criminalización del internacionalismu solidariu y otru ataque más contra les llibertaes y los derechos fundamentales, persobretoo los d'espresión, axuntamientu y llibertá ideolóxica.

Queremos afitar la nuesa total identificación coles persones deteníes y coles sos families; pa elles el nuesu respaldu más sinceru.

Tenemos que dicir que les actividaes que realiza Askapena son les que cualesquier grupu que trabaye na solidaridá ente los pueblos desendolcamos habitualmente dende fai décades. Y podemos añadir que, amás, les siguiremos faciendo, esto ye, esparder l'internacionalismu y la solidaridá cola xente que llucha pola soberanía y la verdadera independencia de los sos pueblos y contra la imposición del Pensamientu Únicu neolliberal, insolidariu, capitalista y patriarcal.

Pa finar queremos espresar la nuesa más fonda esmolición pol tratu que puean tar recibiendo les y los collacios deteníos y incomunicaos, sofitada polos informes espublizaos por grupos como, entre otros, TAT (Torturaren Aurkako Taldeak), Amnistía Internacional o´l Comité de prevención de la tortura de la ONU.

¡¡¡PUXA LA SOLIDARIDÁ INTERNACIONALISTA!!!

¡¡¡PUXA ASKAPENA!!!

¡¡¡GORA ASKAPENA!!!

29 de setiembre de 2010