12 XINERU: Sofita a Fer n'Audiencia Nacional. Viaxe a Madrí.

El prósimu 12 de Xineru Sofitu entama una concentración de magar les 10:30 h. delantre de l’Audiencia Nacional pa sofitar al militante independentista Fer G.R..

Dende Asturies saldrá un bus que llevará a Madrí a tola xente solidario. El preciu del viaxe sedrá de 30 € y les salides sedrán:

- A les 2:00 h. dende la estación de FEVE de Xixón.
- A les 2:30 h. dende la plaza La Gesta d’Uviéu

La vuelta fadrase sobre les cincu la tarde y tola xente interesao en dir pue mercar el billete na manifestación y el conciertu del prósimu sábadu día 3 y tamién nel mesmu autobus, anque dende Sofitu pídese que nesti casu caberu confírmese’l billete mandando un corréu a sofitu@nodo50.org

Xixón salió a la cai pa solidarizase col pueblu palestín.

Ayeri, 4 de xineru hebo una concentración na plaza'l parchís de Xixón en solidariedá coles constantes agresiones que dende l'estau sionista d'Isral tan faciendose a la población palestina de Gaza. Na concentración participaron centenares de presones que nun duldaron en sofitar a Palestina na fria tardi xixonesa.






SIONISTES = NAZIS

ASTURIES CON PALESTINA

La II Marcha Montañera de Mocedá con Fer

La fin de selmana pasada Darréu entamó la II Marcha Montañera de Mocedá na qu'una veintena de independentistes xubieron al Picu Pienzu dende onde los presentes solidarizáronse simbolicamente con Fer despleando un baberu na cume contra'l xuiciu al independentista asturianu.

Darréu entamó la II Marcha Montañera la fin de selmana pasada cola ascensión dende'l Mirador del Fitu al Picu Pienzu nun día soleyeru nel que se podía fasta Xixón per un llau, Llanes per otru, y arrodiaos del Cantábricu y Picos. La baxada foi pola biescona onde lo indepenentistes podieron conocer esta biesca qu'agospia un impresionante fayéu y otres especies ñaturales.

Como na primer ocasión un de los oxetivos d'estes marches, que van tener continuidá, ye'l de "conocer el país que defendemos". Los presentes aprofitaron pa facer un conceyu nuna vega enantes de facer l'ultmu tramu de la marcha.

Sacau d'infoasturies.

Solidaridá con Fernando ayeri en Xixón. Bona rempuesta.

Esti sabadu 3 de Xineru mas de 150 persones solidarizaronse con Fer peles cais de Xixón.
Tres un baberu principal nel que se lleía "NON AL XUICIU A FER. DEFENDER ASTURIES NUN YE DELITU" una marcha coles banderes "de la ferramienta" portaes por militantes de Sofitu y Asturianos del otru llau de la Cordal. Tres ellos mas baberos xenericos escontra la llei antiterrorista y l'audiencia nazional portaos por collacios d'otres organizaciones y depués baberos d'estremaes coleutivos como la mocedá de Darreu, la caxa de resistencia Fusoa o'l coleutivu antirrepresivu Calecer. Foi una marcha colloridá y combativa con gran cantidá de banderes independentistes y canticos que fino na plaza'l parchis cola llectura d'un comunicau por parte d'ún compañeru de SOFITU.
Darréu hebo nel salón d'actos de la casa sindical un conciertu colos grupos CHALANERU SKA, FALA NON CADUCA, GOMERU, ADIZIÓN ETILIKA y SPITTING RAGE. Tres FALA foi el momentu del actu politicu cola intervención de la CAA y de Fer. La CAA vinculo lo que tá asocediendo a Fer al procesu 35, al acosu a militantes d'izquierdes y la represión a coleutivos, sindicalites y demas. El compañeru Fernando foi atayau nel so discursu por 2 desconocíos qu'amburiaron la bandera española énte los aplausos de la xente. Fer falo de lo que ta asocediendo al pueblu palestín y de que el ya ta condergau d'anteman por ser una persona combativa y consecuente y que nun s'arrepiente de nada. El concietu fino pasada la 1 la madrugada.

Semeyes:











Estrayiu de Glayiu.org

¡NON AL XUICIU A FER!

La prensa "asturiana" manipula ensín nengún problema los actos d'ayeri en Xixón en sofitu a Fer.

Güei domingu, día dempués de les movilizaciones que'l colleutivu Sofitu emtamó ayeri na ciudá de Xixón, con un bon resultau y unes 150-200 persones nel manifestamientu glayando consignes escontra'l xuiciu a Fer tenemos qu'atopanos na prensa'l sistema español residente nel nuesu país MENTIRES ensín nengún fundamentu namai que'l de tapecer la rempuesta popular que ta dandose. Una vegada más los medios de desimformación prautiquen la so forma de terrorismu narrando l'actualidá que-y peta'l poder y dexando na solombra la verdá qu'hai y que puer vese. Tanto La Coz d'Asturies como La Nueva Engaña dediquen estes llinies a los actos d'ayeri y quedense tan panchos, impriemdo unes mentires que nun creyense nin ellos mesmos:

La Nueva España:

La manifestación convocada en la tarde de ayer por el grupo antirrepresión denominado Sofitu en protesta contra el juicio a uno de sus simpatizantes en la Audiencia Nacional colapsó ayer la calle Pedro Duro y algunas vías alternativas del centro de la ciudad. La marcha, integrada por unas dos decenas de simpatizantes con la causa, hizo que los vehículos y los autobuses que circulaban por esta zona del centro de Gijón tuvieran que quedarse parados durante varios minutos a la espera del fin de la protesta.

La manifestación pretendía elevar una protesta pública contra la determinación de la Audiencia Nacional de juzgar a un joven acusado siguiendo la ley antiterrorista. Los jóvenes que la secundaban salieron a las cinco y media de la tarde de la plaza de El Humedal y recorrieron gran parte del centro escoltados en todo momento por funcionarios de la Policía Local y del Cuerpo Nacional de Policía. Sus pancartas mostraban lemas como «Non al xuiciu a Fer» y «Defender Asturies nun ye delitu».

Tras la manifestación tuvo lugar un concierto en la Casa Sindical, a las siete de la tarde, en el que también se cantaron proclamas contra las decisiones tomadas por los jueces y los magistrados de la Audiencia Nacional. En el concierto actuaron cinco grupos asturianos.

La Voz de Asturias:

Marcha contra el juicio a Fernando g.r.

Gijón Decenas de personas participaron ayer en la manifestación de protesta por el proceso judicial abierto al gijonés Fernando G. R., detenido en septiembre del 2005, para el que la Fiscalía ha solicitado ocho años de prisión como presunto autor de un delito de estragos terroristas, con el atenuante de tentativa. La marcha finalizó con un concierto en la Casa Sindical.

http://www.lavozdeasturias.es/noticias/noticia.asp?pkid=467440#EnlaceComentarios

Na voz de Asturies podeis dexar los vuestros comentarios sofitando al compañeru Fer.


¡NON AL XUICIU A FER!

¡INDEPENDENCIA Y SOCIALISMU!

prosimes presentaciones del llibru AMARRAZA

• Llunes 5 de Xineru – 20:00h. – Cambalache (Uviéu)

• Miércoles 7 de Xineru – 17:30h. – C.S.Sestaferia (Xixón)

• Xueves 8 de Xineru – 17:30h. – Llibrería Paraxuga (Uviéu)

• Vienres 9 de Xineru – 20:00h. – El llar d’Andecha (Noreña)

50 años de revolución cubana.

El 1 de xineru de 1959 la revolución socialista cubana trunfó na isla caribeña cuando nesa dómina'l dictador Fulgencio Batista foi derrocau del poder poles fuercies guerrilleres comandaes por Fidel Castro y Ernesto " Che " Guevara lo que fizo que reinare'l xúbilu ente tola población de la isla qu'echose a la cai en masa.

50 años dempués los cubanos cellebrarán el 50 cabudañu de la revolución mezandolo coles tradicionales folixes de fin d'añu. Esta cellebración quier tener en cuenta la serie d'esitos y avances nel procesu social y revolucionariu cubanu a la par de una güeyada al futuru con bones espeutatives y cola firme idega ente tol pueblu de Cuba de continuar col socialismu como mediu d'esistencia y forma de vivir. L'actu políticu principal sedrá'n Santiagu de Cuba.

La " Buyada Purpurina" pa Graciano Torre.

El Conseyeru d'Industria ganó l'antipremiu ecoloxista al que tamién taben nominaos con méritos abondo Victorino Alonso, el Puertu d'Avilés, Arcelor, Ence-Ceasa, la Patronal de la Construcción, Comisión Europea.

Esti domingo 28 d'avientu, el xuráu de la Coordinadora Ecoloxista d'Asturies escoyóse al Conseyeru d'Industria y Emplegu, por ser responsable de que se tramite de forma llegal y non tan llegal numberoses instalaciones con grave impactu ambiental nel país; mines a cielu abiertu, canteres, escombreres, parque eólicos, antenes de telefonía móvil, llíneas lléutriques, subestaciones y el plan de gas, etc.

Todo ello contaminando más nuestro paisaje y el entorno en que vivimos miles de asturianos que viven en la proximidad de estas instalaciones. Además desde el engaño continuo que realiza y la presión a quienes nos oponemos a sus disparatados planes, con toda clase de insultos y descalificaciones a quienes solos nos oponemos a proyectos disparatados que en otros muchos sitios no pasarían ningún filtro, aquí casualmente son admitidos.

Graciano Torre "Chano" ye responsable nun solo d'Industria "que ye un coladeru", sinon tamién de Direición de Mines, encargáu de supervisar les esistentes y les sos restauraciones "que brillen pola so ausencia", namás hai que ver el cúmulo de denuncies de les esplotaciones esistentes (mines, canteres, graveres, etc.) "qu'incumplen de forma sistemático los sos planes d'esplotación y les meyores asociaes.

El mesmu Conseyeru que vien diciendo que si nun se ponen les llínies d'alta tensión, tendremos qu'allumar con veles, "perlles como estes son les que diz el talante de semeyante políticu pa encubrir los impautos d'estes llínies que'l so propiu partíu nun quier pa Lleón y él quier imponénos n'Asturies.

Tamién ye responsables del serviciu de Mines que nun dixo res de los proyeutos de cielu abiertu "que'l capo de la mafia Victorino Alonso quier facer pa Tinéu, un personaxe de sobra conocíu per onde pasa coles sos esplotaciones qu'acaben abandonaes y ensin restaurar".

Torre defende la pelligrosa Regasificadora de Xixón escaeciendo los riesgos d'esta instalación nuna fastera urbana. N'ochobre de 2007 dixo a los vecinos que tovieren tranquilos que les regasificadores son “instalaciones casi urbanes” y que nun suponíen nengún riesgu. L'espertu Anderson Jacintho, direutor del área de seguridá de American Bureau of Shipping (ABS), declaro nun va muncho que'l riesgu d'un españíu en regasificadoras ye'l motivu de qu'EEXX impida la instalación d'estes plantes cerca de poblaciones.

Torre tamien defende la instalación de las térmiques de gas que nun quieren n'otros llaos, nun país como'l nuesu "que produz mas del doble de la enerxía lléctrico que consume" .

Dende'l xuráu esperen qu'esti “gallardón” aíde al señor Graciano Torre "a que tenga más sensibilidá cola natura asturiano anque en vista de la so actitú somos pocos optimistes. Esperemos que los asturianos obliguemos a esi cambiu de xestión tan necesaria".

Estrayiu d'Infoasturies.

Conciertu y manifestación en sofitu a Fer.

El prosimu Sabadu 3 de Xineru el Muerganu antirrepresivu popular SOFITU convoca una manifestación y un conciertu escontra’l xuiciu a Fer, l’audiencia nazional española y la llei antiterrorista. La manifestación tién salida a les 17:30 de la plaza’ l’Humedal y faera un percorríu peles cais de Xixón. Darreu, a les 19:00, SOFITU entama un conciertu antirrepresivu pa facer frente a los descomanaos gastos que representa defender a Fer na audiencia nazional d’españa y tolos gastos que vién teniendo SOFITU a lo llargo l’añu (mas de 6000 euros en multes pagaos). El preciu la entrada ye de 5 euros y van actuar CHALANERU SKA, ADIZIÓN ETILIKA, FALA NON CADUCA, GOMERU y un GRUPU CONVIDAU nel salón d’actos de la CASA SINDICAL. Habrá bebora y xinta. El grupu convidau son Spittin Rage.


Estrayiu de www.nodo50.org/sofitu

L'estau neonazi d'Israel asesina con total complicidá de la comunidá internacional.

La matanza fecha ayeri en Gaza por parte del estau sionista israelí amuesa de nueu la complicidá y l'apoyu que recibe Israel y sos armes por parte d'occidente. Calculase qu'alrodiu de 200 persones fueron asesinaes nuna nueva matanza sionista sobre'l pueblu palestín.

¡ Puxa Palestina llibre !

Sobre les entraes del partiu de h.oquei d'esti llunes.

ÉNTE LA IMPOSIBILIDÁ DE CONSIGUIR LES ENTRAES PAL PARTÍU QUE LA SELEICIÓN NACIONAL DE H.OQUEI DISPUTARÁ ESTI 29 D'AVIENTU, EL COLEUTIVU D'AFICIONAOS ASTUR HINCHES FAE PÚBLICU LO QUE VIEN DARRÉU:

Astur Hinches comunica a tola afición asturiana'l llentu ritmu que ta llevando la venta d'entraes por mor de la neglixencia d'aquellos destinaos a ufriles. Dende'l coleutivu hincha mos ye menester facer saber a la totalidá de los aficionaos y aficionaes asturianos que nin na Casa Conceyu de Mieres y na Universidá de la villa minera, nin na sée nacional de la Federación n'Uviéu, s'alcontró personal disponible a lu llargu tola selmana presente pa entregar les entraes a los aficionaos interesaos n'acudir al alcuentru del llunes 29 d'avientu nel polideportivu nuevu Visiola Rollán de Mieres.

Énte esta vergoñosa situación, Astur Hinches añadirá al motivu de la concentración del prósimu llunes delantre del polideportivu mieresín, la neglixencia ya incompetencia de los organizadores, incapaces d'establecer puntos de venta fixos y seguros con un horariu establecíu pa tolos interesaos ya interesaes en dir a ver a la seleición asturiana de h.oquei, por una vez al añu.

Con esto, dende AH animamos a tola xente con porgüeyu de ver a la seleición nacional de h.oquei, a dir el llunes 29 d'avientu a la concentración que tendrá llugar a les 19:00 y al posterior partíu a les 20:15, onde probatiblemente puedan consiguise entraes pal esperáu partíu, dáu la esistencia entá de bon númberu de places llibres.

Muerre un mozu na comisería de la policia de Xixón con señales de que recibió una paliza.

Un mozu de 22 años fallez nos calabozos de la comisaría de Xixón. La policía llocal qu'arrestolu por robar nun llocal de Natahoyo diz que la so muerte foi provocada por " causes naturales" mentantu que los pas piden una investigación ya que'l cuerpu'l xoven tien delles señales de que llevó una paliza de muerte y esperarán a la autopsia del cadaver.

El mozu taba cometiendo un robu emplegando al paecer amenaces y la fuercia y foi sorprendiu pola policia llocal la cual detúvolo y llevolu a la comisaría del conceyu xixonesl. Los pas aseguren "qu'esto nun va quedar asina " y van facer tolo posible por llegar a amosar la verdá del casu y que foi apalizau pola policía. Una vegada más hasta que demuestrese lo contrariu l'estau español emplega l'asesinatu y el terrorismu dende les sos instituciones pa puxar pola " paz y orden"...







Esti fechu dende tolos movimientos antirepresivos del país paez merecer una rempuesta contundente escontra tola maquinaria represiva española.

¡Queremos saber la verdá!

Non al terrorismu d'estau.

Comunicáu d'Astur Hinches

COMUNICÁU D’ASTUR HINCHES CON MOTIVU DEL PARTÍU DE LA SELEICIÓN NACIONAL D'H.OQUEI PROGRAMÁU PAL 29 d’AVIENTU EN MIERES

Con motivu del eventu convocáu pal 29 d’avientu nel Polideportivu Nuevu Visiola Rollán de Mieres, nel que la seleición nacional d'h.oquei sobre patinos d'Asturies xugará un partíu escontra l'All Star de la Lliga OK, Astur Hinches fai públicu lo que vien darréu:

En primer llugar, queremos facer un llamáu a tola afición asturiana a qu'acuda en masa Mieres vistiendo los colores de la seleición nacional y ensin otros distintivos, p'animar a la seleición d'h.oquei sobro patinos y vindicar la oficialidá de les seleiciones deportives nacionales. Les nueses seleiciones, nun solu tienen torgada la so presencia en competiciones oficiales sinón qu'además de tou, la Direición Xeneral de deportes d'Asturies qu'encabeza Misael Fernandez Porrón, miembru de la FSA-PSOE puestu al frente d'esta institución, vien torgando la continuidá de les nueses seleiciones alternando un solu partíu al añu ente los diferentes deportes. Desta forma quieren dase un llaváu d'imaxe de cara al gran públicu, pero col enfotu de que les nueses seleiciones qu'en dellos deportes ya afitaren que tenemos un altu nivel que mos permitiría disputar torneos internacionales con otres naciones, puedan tener el sofitu y continuidá que mos correspuende como asturianos y asturianes.



Nel segundu, queremos denunciar qu'esi combináu d'estrelles de la Ok Lliga nun ye sinón una seleición española mazcaritada, puestu que los teúnicos son los de la seleición española y los xugadores son toos de dientro de les llendes polítiques del estáu español. Entendemos qu'esta ye una estratexa de la federación y de la FSA-PSOE dempués de que l'añu pasáu n'Avilés yos españara l'esperimentu d'enalteciemientu a España.
En tercer llugar y como principal novedá, convócase a tola afición asturiana a les 19:00 hores, énte’l mesmu polideportivu Visiola Rollán de Mieres, onde tendrá llugar una concentración pa pidir la oficialidá de les seleiciones deportives asturianes. Dende ellí dirixirémonos xuntos al pabellón col material disponible y axuntaremos nel únicu fondu del polideportivu.
A lo caberu y depués de lo asocedíu’l pasáu Nadal de 2007 n’Avilés, onde munchos hinches asturianxs quedárense ensin entrada, pidimos a tola afición asturiana que quiera sofitar a la nuesa seleición esti próximu 29 d’avientu, pase a retirar ensin más retrasu la entrada en cualesquier de los puntos de venta disponibles dau lo llímitáu del aforu que fai previsible'l llenu total varios díes enantes de la competición. Los puntos onde se puen consiguir les entraes son los que vienen darréu:

-Uviéu: sé nacional de la Federación d'H.oquei d’Asturies
-Mieres: Casa Conceyu, Universidá "Campus de Mieres"
-Otros: nes sedes de clús d'h.oquei d’Asturies.

UNA NACIÓN, UNA SELEICIÓN
OFICIALIDÁ PA LES SELEICIONES DEPORTIVES ASTURIANES

Más represión escontra l'idependentismu asturianu

La Delegación del Gobiernu español n'Asturies vien de multar a un militante independentista con 180 € tras acusalu de portar un arma blanca a la fin de la manifestación que se cellebro'l pasáu 23 d'ochobre n'Uviéu a favor de la República Asturiana y la escontra de la monarquía y de los Premios Príncipe. Dase'l casu de que'l multáu ye militante de Sofitu y "foi ún de los organizadores del actu, siendo la nomada arma blanca un cúter col que se tarazo'l plásticu del baberu de la mani" indiquen dende'l coleutivu antirepresivu.

Pa Sofitu "Esti ye un casu más de la persecución que ta careciendo'l movimientu independentista asturianu", yá que dempués de la cellebración pacífica d'esta movilización dellos participantes sofrieron identificaciones y cacheos, al igual que paso'l pasáu 6 d'avientu na concentración entamada tamién pol Ensame Repúblca Asturiana pa refugar la costitución española.

Nun entamu la petición de multa taba ente los 300 € y los 6000 €, pero tres el recursu del serviciu xurídicu de Sofitu la multa menguó fasta los 180 €. Como ye vezu nestos casos la organización antirrepresiva Sofitu va facese cargu de tolos gastos, "que se sumen a la llarga llista que tolos casos de represión al movimientu independentista asturianu tan causando".

Aiciones en sofitu de Fer n'Uviéu.

"Amarraza. 102 díes baxo la llei antiterrorista" + Concentración en Xixón.

El prósimu martes 23 d'avientu nos llocales de la CSI, na casa sindical de Xixón y de magar les 19:00 h. Sofitu va facer la presentación nacional del llibru "Amarraza 102 díes baxo la llei antiterrorista", escritu pol militante independentista Fer G.R.


Amarraza ye un percorríu bien detalláu de cómo ye la vida d'un acusáu de terrorismu nel Estáu Español. El trauma de la detención, l'angustia de los díes de comisaría, el destierru, la resignación del pasu pola Audiencia Nacional y la dureza de los díes de cárcele onde too se complica. Milenta vivencies personales descrites cuando con humor, cuando con dramatismu.

Fer, cunta de primera mano, en cuantes que testigu direutu, lo irracional del sistema carcelariu, y cómo planta-y cara dende'l compromisu políticu y la claridá d'idees. Pero la so narración nun para nuna descripción de fechos y llugares, ta escrita dende la rabia y l'odiu del momentu, lo que-y da un gran valir sentimental que va facer pescanciar muncho meyor tolo vivío por esti militante independentista asturianu.


La presentación tamién tendrá la so parte informativa na que Sofitu dará a conocer toles novedaes del casu y les movilizaciones que ta entamando pa refugar el xuiciu que Fer tendrá na Audiencia Nacional española'l prósimu 12 de xineru.

La primera d'estes movilizaciones sedrá'l mesmu día de la presentación, cuandu a les 18:30 h. hai entamada una concentración na mesma casa sindical.

SOLIDARIDÁ

La seleición nacional de h.oquei xugara'l llunes 29 d'avientu el partiu de nadal d'esti añu.

Ya ta marcada nel calendariu de fecha pa toxs. El prósimu llunes 29 d'avientu la seleición asturiana de h.oquei sobre patines xugara'l partiu típicu del nadal escontra una seleición colos meyores xugadores de la lliga OK( lliga ente les meyores d'Europa y el mundiu). El partiu va ser a les 20:15 hores en Mieres nel nueu pabellón deportivu "Visiola Rollán" con capacidá pa más de 1200 presones que dexuru y ensín dulda enllenarase cola afición asturiana como ye vezu siempres que xuega la nuesa seleición nacional. La instalación ú xugarase l'esperau partiu ta na zona deportiva del Batán. El partiu reunirá a los meyores xugadores del mundiu según los organizadores.

Amás esti eventu debe ser una amuesa d'espresión y en sofitu de la oficialidá de les nueses seleiciones deportives, a les cuales se-yos ñega'l drechu a xugar competiciones oficiales internacionales.

¡ Una nación, una seleición! [* + ]


OFICIALIDÁ SELEICIONES DEPORTIVES ASTURIANES.

Presentación de " Amarraza" 102 díes baxo la llei antiterrorista.

El prosimu martes 23 d'avientu va presentase na Casa Sindical de Xixón a partir de les 19:00 hores. El llibru "Amarraza 102 díes baxo la llei antiterrorista" fechu pol independentista Fer G.R. va presentalu Sofitu.

El llibru recueye comu ye la vida d'un acusau de terrorismu nel Estau facista español con tolos detalles vivios pol escritor dende lo más fondero a lo más xeneralizau. El llibru amuesa les vergoñes del estau español y el so sistema de penitenciariu y como'l militante asturianu planta-yos cara cola fuercia de les idegues y les convinciones que lu guien a nun desfallecer del so inxustu secuestru pol sistema. Foi escritu por Fer nel momentu en que tubo na carcele y na obra espresa tola so rabia nesos díes prietos dientru la prisión.

La presentación amás valdrá pa Sofitu pa presentar el casu de Fer y como afrontase'l xuiciu del 12 de xineru. Amás Sofitu anunciará toles movilizaciones y actos pa retrucar la inxusticia de l'Audiencia Nacional pa con Fer. La primera movilización sedrá esti mesmu día a les 18:30 na Casa Sindical de Xixón con una concentración.

SOLIDARIDÁ [* + ]

El xuiciu a Fer sedrá'l 12 de xineru en Madrid.

12 Xineru: Xuiciu a Fer

L’Audiencia Nacional adelanta enforma la fecha prevista

La sala 4ª del Tribunal d’esceición español, que preside la maxistrada Ángela Murillo, vien de notificar, con 33 díes de marxe, que’l prósimu 12 de xineru sedrá la fecha de cellebración del xuiciu al militante independentista.

La media qu’esta sala vien tardando ente la fecha de la petición fiscal y la del xuiciu, ta ente los 9 y 12 meses, polo que nun se pescancia’l por qué de tantes prieses pa con Fer, cuando malpenes fai mes y mediu de que-y notificaren la so petición. Amás, al nun tar l’imputáu en prisión, nun fai falta tener una conderga enantes de que cumpla los 4 años dende la so detención.

La defensa del militante independentista vien de presentar una quexa pa que s’aplace’l xuiciu, al nun tener tiempu pa preparar bien esti casu. Asina y too, esta posibilidá ye bien probe según reconocieron les mesmes funcionaries del xulgáu qu’almitieron tar faciendo contrareló toles prebes solicitaes pa poder teneles pa esa fecha.

Asina que lo previsto ye que’l xuiciu entame’l llunes 12 xineru a les 12 hores, siendo perprobable que s’allargue más de un día polo llargo del sumariu y la gran cantidá de testigos y peritaxes. Ye de recalcar que la policía española llevará a diez de los sos miembros, tres d’ellos peritos, a declarar. Lo que dexa bien claro la so osesión por encarcelar a Fer G.R.

Dende Sofitu, y a pesar de toles torgues, yá se ta entamando a organizar la rempuesta a esti nuevu ataque de represión españolista. Ente les aiciones previstes tán les que vienen darréu:

Martes 23 d’avientu Concentración na Casa Sindical de Xixón a les 18:30h.
Sábado 3 de Xineru  Mani dende la plaza L’Humedal de Xixón a les 17:30 h. Conciertu na Casa Sindical de Xixón de magar les 19:00h.
Llunes 12 de Xineru marcha en bus a Madrid y concentración na Audiencia Nacional a les 12:30h.

Y ta trabayándose en más aiciones, pero la represión al Movimiento de Lliberación Astur nun ye na más el casu de Fer. Tán acabantes de multar a un mozu tres participar na mani pola República Asturiana namás que por llevar un cúter col que cortó’l plásticu del baberu. Tamién tán recientes dos multes pol fechu de llevar les pegadielles AS na matrícula’l coche. Otros dos independentistes siguen pagando les multes que-yos punxeron por un delito d’ultraxe a España y daños. Y qué dicir del control policial que carecemos. Indentificaciones masives, como’l pasáu 6 d’avientu nuna concentración escontra la Costitución Fascista Española, seguimientos, pinchazos telefónicos...

Y too esto supón unos gastos económicos altísimos ente multes, defensas xurídiques, viaxes a l’Audiencia… Por eso dende Sofitu facemos una llamamiento a la to solidaridá, política, pero tamién económica.

Sofita a Sofitu: númberu de cuenta de Caxastur 2048 0000 23 0340142034

PUXA ASTURIES LLIBRE!! PUXA ASTURIES SOCIALISTA!! PUXA LA LLUCHA!!

Sacau de Sofitu.


¡SOLIDARIDÁ CON FER! [* + ]

FER FALARA N´ASTURIANU N´AUDIENCIA NACIONAL, EL TRIBUNAL D´ESCEICIÓN ACEPTA LA PRESENCIA D´INTERPRETE.

L’Aduencia Nacional Española vien d’acetar la petición fecha pola defensa del militante independentista asturianu Fer G.R., pa que seya asistíu por ún/a intérprete d’asturianu/castellán nel xuiciu que tien pendiente na sala4ª del nomáu tribunal.

De nun haber acetáo esta petición, Fer declararía de igual mena n’asturianu porque "la llucha pol asturianu nun se pue dixebrar de la Lliberación Nacional y Social d’Asturies".

L’Estáu Español acusa a Fer G.R. d’un delitu d’estragos terroristes y píde-y una pena de ocho años de cárcele