"SO LOS PREMIOS PRINCIPE DE ASTURIAS Y LA CULTURA ASTURIANA
Tan lloñe ya los tiempos nos qu'Asturies yera una e les fasteres del Estau más riques y con mayor renta per cápita. Agor- ye persabío-, afogámonos na llamarga de la crisis, y darreu, del paru y la pérdida de influencia como pueblu. Nun ta'l fornu pa bollos, que se diz.
Y nesta situación, a delles entidaes bancaries que trabayen n'Asturies, ocúrrese-yos l'emplegar los aforros de lo asturianos na creación de la "Fundación Principado de Asturias" pa sofitar la investigación o la creación artística. Hasta paez que tamos d'alcuerdu. Yera de suponer que Fundación tala trabayaría pol espoxigue de la cultura asturiana. Pero non, que si quiés. Nel plán grandón que mos caracteriza creen los Premios Principe de Asturias, regolviendo el masuñau conceutu d'hispanismu y poniendo a Asturies como faru de la "hermandá hispánica". Como si non tovieremos poco colo de casa. Y que conste qu'equí non se ta escontra la idea los premios con un ñiciu d'altor cultural. Lo que denunciamos ye que coles nuestres perresnun se sofita PRIORITARIAMENTE la nuestra cultura. ¿Quieren dase premios a tolos foriatos del mundo? que se dean. Pero que primero se sofite con más puxu la creación lliteraria'n llingua asturiana, que non faiga falta andar de despachu'n despachu -como munchos tienen que facer pa conseguir una probe suvención oficial p'actividaes culturales, que 'Academia de la LLingua Asturiana tenga un presupuestu como se debe, que na Universidá puéase trabayar y investigar........
Sólo se pide, ya que tamos en Astuies, una xusta igualdá. Porque LA CULTURA ASTURIANA TAMIEN NECESITA DE LES NUESTRES PERRES.
ENSAME NACIONALISTA ASTUR
Asturies, Ochobre 1.983 "
No hay comentarios:
Publicar un comentario