La privatización ye robu y corrupción.
El próximu 29 de xunu votase na Asamblea Xeneral de la Caxa la cesión del negociu financieru -depósitos, creitos, oficines, participaciones empresariales, propiedaes inmobiliaries., etc.- al bancu priváu Effibank resultante de la fusión de la nuesa Caxa con Caxa Cantabria y Caxa d'Estremadura.
Esta decisión supon la privatización de Caxastur y la lliquidación d'un modelu d'aforru popular asociáu al desendolcamientu d'Asturies que cunta con más de 130 añu d'historia y que supunxo una aportación de primer orde en términos de xeneración de riqueza y d'empléu directu ya indirectu p'Asturies, amás d'una ferramienta insustituible de cohesión y progresu al traviés de la Obra Social financiada colos beneficios de la Caxa.
No hay comentarios:
Publicar un comentario