La XPDLLA améstase a les crítiques al alcalde de Noreña
Pol conflictu alrodiu la moción n'asturianu presentada por Conceyu Abiertu por Noreña.
La Xunta pola Defensa de la Llingua Asturiana vien d'amosar el so refugu a los fechos asocedíos alrodiu la polémica torga a la presentación de mociones n'asturianu nel conceyu de Noreña.Pa la XPDLLA ye "un nuevu ataque a la llingua asturiana procedente de les files del Partíu Socialista", asina como denuncien "la situación d'indefensión y discriminación na que s'atopen los asturianos y asturianes que quieren facer usu del asturianu".
La organización recuerda que "l’asturianu ye la única llingua prohibida nel Estáu español, lo que convierte a los asturianos y a les asturianes nos únicos ciudadanos a los que se-yos niega la posibilidá d’escoyer la l’idioma nel que vivir", y entrúguense si ye esi el conceptu de pluralidá qu'emplega'l PSOE.
Poro, esixen una rectificación inmediata del PSOE de Noreña, y encamienta a los partíos políticos a amosar a les clares la soposición alrodiu del asturianu enantes de les elleiciones, debío que "si lo que se quier ye prohibir la llingua asturiana, ye un fraude presentase énte la cuidadanía como defensores de la so promoción y difusión".
Fonte noticia: Infoasturies
Comentariu desafortunáu...
ResponderEliminarMás intelixencia, ho. A sumar.
Salú!
Por murnio que paezca, ye obligáu tar metiendo caña a los/es militantes de la XPDLLA. Y cuando dalgo ye verdá, lo ye.
ResponderEliminarLa Xunta lleva años ensín echar alantre dinámica dala, nun fixeron en munchos años denguna campaña propia ( nun voi pedila conxunta), nin asoleyen carteles malapenes pa la mani de les lletres, que ye la única actividá que faen en tol añu caberamente.
Asina que ye normal que llueu surdan comentarios asina si nun tan al altor de les circunstancies ye normal que se-yos eche en cara, más que nada por que se supón que representen un frenti de llucha ampliu y plural pola llingua...
Finando, lo que se ve ye qu'organizaciones con menor númberu de militantes asoleyen ca pocu comunicaos, van a les manifestaciones, faen actos propios y esta xente de la XPDLLA lleendase al Día les LLetres y nun sal precisamente mal. Ye'l frenti nel que movémonos toxs asina qu'hai de ser críticos con el cuando nun furrula. Nun vimos a la XPDLLA faciendo movilizaciones col nuevu gobiernu pola oficialidá, nin asoleyar pedagielles desixiendo esti drechu, nin cartelos nin faen dengún cartafueyu... pero les sovenciones tan cobrandoles... asina qu'eso, a ver onde gasten eses sovenciones, que paez perfechu que se les lleven per otru llau, pero que les inviertan...
Sumar si, pero col movimientu, que s'amuesa andando.
Salú!