Nel documentu, escritu nun asturianu con munchos erros, consecuencia del momentu hestóricu, ensín unes normes y una gramática afitada, el PCTA reflexona al rodiu del autonomismu, l'autodetermín y l'autogobiernu d'Asturies. L'analis del PCTA ye daqué ambiguu y en nengún momentu fala n'abertal de independencia total d'Asturies como país pero si que tien gran valir pa ver la postura d'esti partíu na dómina pre-autonómica.
Nel documentu tien abondo interés l'analis de clas que fai del rexonalismu asturianu y la categorización que faen dende'l PCTA de la burguesía asturiana, falando d'ellí como un seutor social d'Asturies compliz del monopolismu centraliegu español y polo tanto ayenu a les llibertaes y les particularidaes del país de nueso.
En feches tan ceo más o menos nesa onda diben les posiciones de toles organizaciones a la esquierda del PCE. Nun pidíen la independencia porque nun yera un puntu de partida lóxicu nuna triba d'organización nacionalista qu'esos partidos nun yeren. Poro, eso nun quita pa que nun se ficieren reflesiones y asunciones sinceres de temes como la estructural federal del estáu, el mayor techu de competencies, la defensa de les señes d'identidá cultural, sobremanera la llingua, etc. Y too eso pa qu'agora venga'l babayu de Carlos X falando de los infiltraos comunistes del bable y la gaita, frase o conceptualización por cierto que daquién-y tuvo que cuntar, porque ñació nel 76, asina que yá mos dirá qué coño sabe d'aquella dómina. Norabona pol trabayu archivísticu.
ResponderEliminarEl Partíu Comunista de los Trabayaores d´Asturies (PCTA) nun tien na que ver col PTE o la ORT. Ñaz nel 1977 dempués de que la Oposición de Izquierdas del PCE (OPI) formara un partiu dixebrau, PCT. El testu ye la editorial del so muerganu d´expresión Asturias Comunista.
ResponderEliminar+ Info Prosovieticu.blogspot.com