Sicasí, dende Andecha Astur considérase que’l calter estatal de tala convocatoria "desvirtúa fondamente la rialidá asturiana, pretendiendo enartala dientru d’un conxuntu estatal, cuandu resulta nidio que la situación que carez Asturies y que vien producía dende enantes de la cris, respuende non yá a una situación económica concreta sobro la qu’habría enforma que dicir, sinón a la resultancia d’una política sociu-económica aplicada pol Estáu español n’Asturies empobinada a la destruición del texíu sociu-económicu asturianu y que tien de resultes el paru, la precariedá nel emplegu y la emigración forzada de decenes de miles d’asturianos, inclusive nes dómines de 'España va bien'".
P'Andecha, "ye nidio que siguir defendiendo la seutorialidá de los conflictos sociu-llaborales asturianos, negándose a integralos nun tou común, que contemple la especificidá del marcu llaboral asturianu, llévamos a una dispersión de fuerces y en definitiva a una indefensión".
Per otra parte, dende Andecha Astur atalanten que la convocatoria ta "fuertemente desprestixada" al partir principalmente de los sindicatos UGT y CCOO, cuyos dirixentes "prauticaron una dinámica sindical que los convierte en cómplices necesarios na destruición del texíu sociu-económicu asturianu, y que per ende, desacreditalos dafechu".
Ello ansina, Andecha Astur sofita de forma crítica esta convocatoria de fuelga xeneral del 14 P y llama a la convocatoria d’una fuelga xeneral específica d’ámbetu nacional asturianu, "acullá de la dinámica de cubrir l’espediente, que faiga posible la fin de l’actual situación, que mos llibere de les politiques d’esterminiu que ta aplicando l’Estáu español n’Asturies y que tán llevando a la sociedá asturiana a una situación de sufrimientu y precaridá inaceutables, y que garantice un futuru dignu pal nuesu Pueblu".
FONTE: INFOASTURIES.NET
P'Andecha, "ye nidio que siguir defendiendo la seutorialidá de los conflictos sociu-llaborales asturianos, negándose a integralos nun tou común, que contemple la especificidá del marcu llaboral asturianu, llévamos a una dispersión de fuerces y en definitiva a una indefensión".
Per otra parte, dende Andecha Astur atalanten que la convocatoria ta "fuertemente desprestixada" al partir principalmente de los sindicatos UGT y CCOO, cuyos dirixentes "prauticaron una dinámica sindical que los convierte en cómplices necesarios na destruición del texíu sociu-económicu asturianu, y que per ende, desacreditalos dafechu".
Ello ansina, Andecha Astur sofita de forma crítica esta convocatoria de fuelga xeneral del 14 P y llama a la convocatoria d’una fuelga xeneral específica d’ámbetu nacional asturianu, "acullá de la dinámica de cubrir l’espediente, que faiga posible la fin de l’actual situación, que mos llibere de les politiques d’esterminiu que ta aplicando l’Estáu español n’Asturies y que tán llevando a la sociedá asturiana a una situación de sufrimientu y precaridá inaceutables, y que garantice un futuru dignu pal nuesu Pueblu".
FONTE: INFOASTURIES.NET
No hay comentarios:
Publicar un comentario