La organización xuvenl Darréu dio anuncia que vuelve a asoleyar la revista Irguite que fai del so voceru nacional impresu. La publicación que ye autoxestionada dafechu va tener un preciu-collaboración de 1€ . El númberu 3 yá ta en fase d'impresión y nelli destaca l'especial del Día de la Mocedá Revolucionario 2008, la entrevista a la organización xuvenil canaria Azarug, un reportaxe sobre'l socialista irlandés James Connolly y la entrevista musical a Arma X.
Aparte, na revista Irguite tamién s'atopa información de la activiá de Darréu no que va d'añu, sobre l'Ensame República Asturiana, el Día de la Muyer trabayaora y otros conteníos de calter cultural y d'opinión.
Darréu asoleyara en 2006 los dos primeros númberos de la revista y nesti tiempu, según espliquen, "el reaxuste internu que finó con un cambeu xeneracional na direición y el trabayu n'otres xeres fexo que la revista nun saliere" pero agora entama una nueva dómina pa la revista.
