Mostrando entradas con la etiqueta Paru Asturies 100000 paraos pares desemplegu. Mostrar todas las entradas
Mostrando entradas con la etiqueta Paru Asturies 100000 paraos pares desemplegu. Mostrar todas las entradas

sábado, 3 de marzo de 2012

Torna a medrar el númberu de paraos y paraes en Febreru

Asturies raspia la cifra de los 100.000 paraos y paraes.


Según los datos asoleyaos pol Ministeriu d'Emplegu y Seguridá Social del gobiernu estatal, la cifra de persones en situación de desemplegu nel nuesu país tornó a medrar nel mes de Febreru, con un espoxigue de 2.746 persones qu'engorden la yá abultada cifra de paraos y paraes n'Asturies. En términos porcentuales l'espoxigue foi del 2,84% respeuto al mes de Xineru.

D'esta mena, nos caberos 12 meses el paru medró nel nuesu país en 11.281 persones, lo que supón casi un 13% más de persones en situación de desemplegu. En cuantes al repartu del espoxigue nos distintos seutores económicos, el seutor Servicios rexistró 1.570 paraos y paraes más, el de la construcción 575, l'industrial 362, y el coleutivu ensin emplegu anterior 269 más. Pel so lláu, l'agrícola creó 30 nuevos trabayos.

En cuantes a la distribución de xéneru, el total de paraos y paraes, anguaño en 99.353 persones, queda repartíu en 50.137 muyeres y 49.216 homes.


Fonte: Infoasturies.net