NAST sofita la campaña “Apaga Tele5”

L'Asociación Cultural N’AST sofita la iniciativa popular que percuerre la rede pidiendo'l boicot a la cadena de televisión TELECINCO. La canal de televisión Telecinco sofita'l "Manifiesto por la lengua común", que 'l pasáu 23 de Xunu asoleyó un ensame d'inteleutuales en Madrid.

TELE5 comparte'l manifiestu d'esti ensame, ente los que s'afaya Mario Vargas Llosa, Fernando Savater o Álvaro Pombo, que piden al parllamentu español aperiar una normativa p'afitar que 'l castellán seya la llingua oficial de tol territoriu y la única "que puea ser emplegada polos sos ciudadanos".

Telecinco ye la primer televisión que s'enxerta nesti manifiestu. Amás, Telecinco dixo nel informativu del mediudía, que pon a dimposición del coleutivu qu'entama esta iniciativa, la so canal de televisión pa dar sofitu a esti proyeutu. Dende l'Asociación en defensa de la cultura yu lallingua asturianes N’AST tienenlo pernidio: "Si ellos roblen el manifiestu, nós apagamos Telecinco" y fain llamáu a apagar Tele5 pola so postura escontra la divcersidá llinhgüística y los derechos llingüísticos de los falantes de llingües diferentes al castellán.

estrayiu d'Infoasturies.