Les visiones sobre los asturianos que combatieron el güelpe d'estáu (1936-1937)

El ser humano tien distintes perceiciones de los elementos que lu arrodien. Magar nun hai llende bien clara a la d'estremar cuándo una persona costrúi o alquier delles representaciones, sí hai un puntu que ye mester esclariar: les representaciones que tenemos o que mos facemos tantes de vegaes, cuando sían falses dafechu cuando introduzan dél elementu oxetivu, puen ser a funcionar como reales nes nuestres vivencies y de la mesma, ser emplegaes pa xustificar o emtamar delles de les praútiques de nueso. Les consecuencies de la ignorancia no que fai a esti aspectu pue llevar a deselvolver o reproducir delles representaciones qu'anguañu nun tengan efectividá nenguna.

A éstes, nun habría qu'escaecer les pallabres de Javier Bueno nel prólogu escritu pal llibru d'Ovidio Gondi, entituláu, Guerra Civil en Asturias. Nuestros enemigos entre nosotros y espublizáu en Barcelona en 1938. Nél escribiera que la quinta columna n'Asturies carecía'l privilexu mesmu que tolo asturianu de dar en ser un mitu. Sía que non, lo importante del prólogu del directo d'Avance, onde esti denunciaba la esplotación d'una fábula " con miras ilícitas y menudas", ye que nél espeyense les consecuencies negatives de que representaciones mítiques tean enxertaes del discursu teóricu mesmo que del praútico.

Bueno recuerda qu'esi " ¿ qué ha pasado en Asturias ?, que suelen dispararnos muchas personas, considerable número de las cuales ha sabido mantenerse en situación de no tener que disparar nada más, está preñado de mala voluntad casi siempre. Tiene que haber pasado algo porque aquellas montañas se defienden con piedras". Ente babayaes d'esti calter, indica qu'ellí nun conoz talos montes que se defendan asina, más " como los interpelantes si las conocen, llegan a la inapelable conclusión de que en Asturias, no siendo que las montañas hayan desaparecido, tiene que haber pasado algo. Están todos en el secreto; por supuesto cada cual en el suyo. A tal extremo se llegó, que la verdadera noticia sensacinal, inesperada e increible, bien pudiera ser que en Asturias se perdió porque el ejército que la atacaba era más fuerte que el que las defendía. Las preguntas de los catadores de retaguardias no versaban jamás sobre los efectivos o el material nuestro y enemigos, sino que eran a este tenor:

¿ Qué tal se portó Fulano? ( Un Fulano cuyo prestigio interesaba al preguntante ensalzar o hundir) . ¿ Que conducta observó tal partido? Y cuando uno contestaba que Fulano se portó bien, que la conducta del partido fue normal y que los levantadores de moral ( en cuanto no es dable comprender ese oficio) mostraron diligencia, el investigador torcía el gesto sospechando que ocultábamos por razones interesadas secretos abominables. Inutilmente, desde luego, ya que el era realmente quien sabía lo efectivamente ocurrido en Asturias y se cuidaba en difundirlo con el aparatoso espectáculo que es costumbre que den los tontos cuando creen haberse encontrado una idea".

Una cita llarga emforma pero enllena de pallabres dures que dicen abondo. Coles mesmes, ha ser misión de los hestoriadores introducir l'analisís. De les representaciones nel discursu hestóricu, al empar que s'estudien los preseos de tresmisión y s'interpreten los porqués de la efectividá de determinaes imáxenes per enriba d'otres. Entrín se produz esto y non, les ringleres que vienen de siguió nun son sinón un averamientu a les representaciones que de los asturianos se facien y esistien nel bandu republicanu de magar españara la guerra va más de setenta años.

Sicasí, nesi conflictu bélicu, onde mozos a esgaya la vida y les ilusiones ( yá daquella l'anarquista Higinio Carrocera manifestaba atristayau que nun diba ser quien a torna a La Felguera por dexar "al pueblín ensín mozos "), les representaciones que se facien d'ellos nun yeren unívoques. Ello ye, que non siempres casen, incluso delles de veces son enteramente antagóniques y ello ye lo qu'afala al so estudiu en cata de nun da-y preste a dalguna qu'otra (re)llectura mítica o ideoloxizada de la participación asturiana na guerra.

Los periodistes ingleses

George L. Steer fuera'l corresponsal de The Times n'Euskadi demientres la guerra. Nel so llibru El árbol de Guernika ( espublizau por Txalaparta nel 2002) menta delles de veces que a los asturianos que pelearon en tierres vasques, más la imaxen qu'apurre esti simpatizante de la causa vasca ( influenciau pol PNV ) nun tien gotu que ver con heroismu dalu. Por contra, les referencies a los asturianos tám venceyaes siempres a episodios de deserción o cobardía. Steer, nun párrafu célebre, colinga los erros militares en Bizkaia na puerta de los asturianos, "aquella puerta trasera siempre abierta por donde el enemigo penetraba, como llegamos a aprender por experiencia. Los asturianos no servían para nada fuera de su propia tierra. Construían sólidas trincheras y trabajaban fuerte en las lineas, pero consideraban a Bizkaia como un país extranjero y tomaban la guerra civil española a la manera mezquina de todos los regiolanistas. Para ellos, Peña Lemona no significaba nada, al igual qye ek Sollube, Jatamendi y Rigoitia. No eran cobardes: su programa a largo plazo era regresar a Asturias con la mayor cantidad posible de vacas y gallinas que pudieran reunir a su paso por las provincias vecinas. Se justificaban, al igual que los santanderinos, diciendo que el nacionalismo vasco era un movimiento tan fascista como aquel contra el que habían tomado las armas. Mi impresión personal es que aquellos hombres eran izquierdistas sinceros, marxistas constantes, enemigos de los sacerdotes y anticapitalistas hasta la muerte. Sólo que deseaban posponer la penosa llegada de su última hora lo más posible y a toda costa. Hubieran luchado como demonios, estoy seguro, de estar acorralados, pero habría hecho falta todo el genio militar de Franco para empujarlos a una situación desesperada: se evaporaban en campo abierto".

Por embargu, Frank Jellinek, periodista de The Manchester Guardia, masque defín a los asturianos como " grandes bebedores con débiles cabezas" nun tresmite una imaxen tan negativa. Pa ellí, Asturies yera " solamente una delegación del Gobierno Central. Belarmino Tomás, fuerte y de poca estatura, el típico líder minero, sólo era el gobernador en Asturias y León. Así, incluso después del corte de comunicaciones en Madrid, Asturias no tenía una completa libertad. Pero de cualquier forma, siguió recibiendo pocas instrucciones y poca ayuda, especialmente financiera, del Gobierno. Como en 1934, tuvo que resolver sus propios problemas”. En Jellynek, que fixera xestiones pa la Conseyería de Propagando del Conceyu d’Asturies y Lleón ( aunque tal aspeutu nun lu conseña nel so llibru La guerra civil en España), podemos albidrar cierta simpatía pa col PCE, del qu’índica que magar fueran poca cosa no tocante al númberu teníen l’apoyu de los rapazos de Mieres y Sama, y asegura qu’esos comunistas foron “ los responsables de las medidas que finalmente crearían una eficiente maquinaria de guerra”.

Los comunistes

Nos testemuños de los dirixentes del PCE, los lluchaores asturianos nun reciben crítica nenguna pero nun asocede lo mesmu no que fai a los sos dirixentes; a naide-y cai embaxo’l porque d’esti facer. Sía, como quier, manque les opiniones son homoxenes emforma alcontramos diferencies. Asina les coses, Pietro Nenni indicaba ( alpenes un mes primeru de que cayera Asturies) que’l Frente Norte careciera “ la suerte que tenía que padecer fatalmente “ y que la posible perda d’Asturies nun yera pa nada un güelpe de muerte, Palmiro Togliatti va caltener que “ la actuación de la masonería, que lanzó premeditadamente la idea de evacuación, sostuvo la imposibilidad de la defensa, etc etc., contribuyó a quebrantar la resistencia”.

Mijail Koltsov, nes cróniques que facía pal Pravda ( compilaes nel llibru Diario de la guerra española, Akal, Madrid, 1978 ) defín a los trabayadores asturianos como “ la fuerza de choque del pueblo español”, unos homes que lluchen de xeitu exemplar “ en este abandonado rincón de Europa a la vera del Atlántico” a la contra del “ fascismo, contra la reacción y la opresión del hombre por el hombre”, perfaciendo un “ espectaculo emocionante”,

Sicasí, estes representaciones heroiques y triunfalistes al empar, onde los comunistes dan en ser la vanguardia combatiente, tórnense incómodes de la que cai Asturies y vase a la busqueda de responsabilidaes. Julián Zugazagoitia escribió nel so Guerra y vicisitudes de los españoles ( publicáu por Tusquets Editores nel 2001) que los comunistes “ se sentían desestimados en Asturias y contra la composición de cuyo Consejo, no cesaban de protestar, expresaron su irritación con palabras violentisimas, poniendo en duda la lealtad de quines así procedían”. A les resultes d’ello, nun ha llamar que José Díaz escláriase nel Plenu del Comité Central del PCE celebráu’l 16 de payares de 1937 en Valencia que’l partíu “ luchó enormemente por impedir la creación de ese Consejo Soberano, que representaba la creación de un gobierno pequeñito. (…) Nuestro Partido, en aras de la unidad, aceptó esta situación de hecho, pero destacando que reconocía como única autoridad al Gobierno de la República”.

Los militares

Tres la perda d’Asturies los responsables militares faen informes pal Gobiernu de la República asitiáu en Valencia. El coronel Prada sorraya que l’heroismu asturianu “ no pudo superar las condiciones adversas de la lucha “ masque cumpliere col so deber: “luchar siempres, desgastar al enemigo para reducir las fuerzas del contrario”. Sicasí, magar afite que’l nivel políticu ufrió “ inagotables reservas de valor en los combatientes y de adaptabilidad al dolor superando la acción siempre con creciente sacrificio”, per otres fontes somos sabedores de que nun tenía’l mesmu sentir respeutu de los dirixentes políticos, denunciando la incapacidá de los conseyeros sobremanera, de los qu’al dicir d’Azaña echaba “pestes”, llegando plantegase’l pidir al Gobiernu que se-y “ emancipara de la supeditación del Consejo”.

El teniente-coronel Buzón Llanes, anque indica qu’aquellos “ hombres, rudos, toscos, que se habían batido en octubre de 1934 y que sentían un ideal de redención, llegaron a ser soldados admirables”, echa contra’l Conseyu d’Asturies y Lleón “ cuya actuación fue funesta” pola so “ falta de preparación y competencia”. Buzón Llanes ye’l d’afitar que de la que’l Conseyu d’Asturies “ se transformó en Soberano, desconocía en absoluto la situación creada, creyendo que se podría resistir y ser una nueva Covadonga y si esto hubiera llegado a ser cierto es muy posible que los problemas de orden político-social que hubieran planteado al Gobierno el día de mañana hagan que se considere de mal menor la perdida de Asturias”.

Autoridaes contra autoridaes.

La cayida del Frente Norte, lo mesmu que l’anterior declaración de soberanía del Conseyu d’Asturies y Lleón provocaron tinta a embute na prensa, n’informes, en diarios…Metanos d’una guerra a dalguién va tocá-y facese con unes culpes maniquees que nadie quier arrecostinar. Asina les coses, el propiu lehendakari Aguirre va denunciar nun informe empobináu al Gobiernu republicanu que’l Gobiernu vascu tuvo que lluchar a la contra de la “intriga política traducida en múltiples actuaciones poco nobles, ineficaces y perturbadoras a cargo de algunos jefes y componentes del Ejército del Norte alentados por los elementos comunistas y sus amigos a las zonas de Santander y Asturias” mesmo qu’a la contra de la “ falta de organización de Asturias y Santander”.

Indalecio Prieto, ministru de Defensa Nacional que va ser atacáu por asturianos y vascos (estos lleguen pidir el so fusilamientu) por nun unviar l’auxiliu militar afayaizu, manifiesta nuna esplicación pública fecha’l 30 d’ochobre del 1937 nes fueyes d’El Socialista que una de les causes de la perda del Norte foi la “ insuficiente solidaridad entre las regiones afectadas por la lucha, dejando que deleznables sentimientos pueblerinos llegaran a tomar carta de naturaleza en el propio ejército”.

Les autoridaes republicanes diferencien l’actuación de los dirixentes de la de les tropes asturianes, y ello rescampla tres de la formación del Conseyu Soberanu. Manuel Azaña conseña nos sos diarios que les tropes pelearon con “ heroismo trágico. En ciertas posiciones, los defensores se han dejado exterminar hasta el último aliento” ( dalgo duro pal presidente de la República, que defenderá l’arrenunciar a la defensa d’Asturies), anque a la de falar del Conseyu ( al que calificaba d’”extravagante”)indicaba qu’esti diera en soberanu por mor de que “ es lo que quiere ser aquí todo el mundo”, sorrayando que tampocu nun quería culpar a naide “ porque el Gobierno estaba mal informado, y además, los políticos de Asturias apenas le escuchaban, y en modo alguno le obedecían” D’acordies col dirixente d’Izquierda Republicana, Julián Zulazagoitia ( que fuere director d’El Socialista y ministru de Gobernación y secretariu xeneral del Ministeriu de Defensa nos gobiernos de Juan Negrín), que reconoz que la soberanía fuere “ fuente de señalados disgustos”, estrema ente los combatientes asturianos pa los que de la qu’aporta la hora de dar les boquiaes “No vacilan. Indiferentes al sufrimiento, ajenos a toda angustia, cumplen con su deber. Los frentes de Asturias resumen y acaparan, hasta agotarles, las virtudes que les están atribuidas a los hombres de esta provincia. La desventura engrandece a los combatientes asturianos. Se extinguen sus responsabilidades de resistencia, pero no su coraje” y los conseyeros soberanistes, de los que diz una y otra vuelta que perdieran la “serenidad” entrando nun estáu de “nerviosismo peligroso” y a los qu’acusaba d’ignorar “ la piedad y el derecho internacional” mesmo que de nun facer casu nengún de les autoridaes republicanes.

Al traviés de los testemuños d’entrambos somos sabedores de qu’Indalecio Prieto, dirixente del PSOE y Ministru de Defensa, tá “ indignado y dolido con la disparatada conducta de los asturianos” y que nun foi quien a “intervenir por temor a que un desacato a sus ordenes diese mayor relieve que solo cabía disculpar pensando que las autoridades asturianas habían perdido la razón”. Sía que non, emtamárase un conceyu del Parlamentu pa discutir la situación política n’Asturies, mas nun llegó facese pola cayida d’Asturies n’ochobre de 1937.

El mitu del mineru

Anque les representaciones de los mineros( por casu, cuando como borrachu na lliteratura burguesa cuando como revolucionariu nel ámbitu izquierdista) son anteriores caltiénense na dómina de la guerra. De resultes d’ello, Juan Ambou reconoció que si Aranda nun foi más p’alantre nun entamu foi porque “ no conocía nuestra dispersión; fue psicológicamente, por el miedo a los mineros”. Prieto escribiera n’El Liberal de Bilbo’l 5 d’agostu de 1936 que “los mineros necesitan poquísima gente. Se lo da todo hecho el terreno”. Les más de les representaciones de los soldaos asturianos fálenmos del so valor ( siendo los mineros los más señalaos): por un dicir, Koltsov escribe que “ la lucha de los heroicos mineros de Asturias infunde gran alarma” y Jellinek, al que nun-y cayía en sucu baxeru que la “ mayor virtud de la dinamita es que la amplitud de su explosión oculta la poca fuerza de los que la arrojan”, aseguraba que tres del esiliu de los mineros na URSS depués de 1934 “ la planificación llegó a ser un instinto asturiano tan arraigado como el de la idea sovietica”.

Por embargu, nuna mar d’afalagos y mitificaciones, atopamos testemuños como’l de Julían Zugazagoitia qu’entendía que los soldaos asturianos “ Juntos eran una masa derrotada;aislados, individualidades de un valor insuperable” o’l del teniente-coronel Buzón Llanes, que confesábase defraudáu polos “ famosos mineros” qu’”al principio cogieron las armas y se batieron y al ver que la guerra se alargaba y se imponía una disciplina se consideraron indispensables en sus minas , de las que no salieron hasta el mes de agosto para hacer trabajos de fortificación. Con ellos y los embocaos en las Consejerias se hubieran podido movilizar 20000 hombres más , previo el envío de las armas correspondientes”.

Lleiciones de la Hestoria

La esistencia de representaciones estremaes a más nun poder tendría que facemos más responsables a l’hora d’esplotar una u otra imaxe. A éstes, camiento que la conocencia de les distintes representaciones esistentes de y nuna sociedá faise necesario pa llevar alantre una praxis política acordies cola realidá. El peligru de nun facelu d’esta miente, ye que se desdexe esi principiu de realidá que foi un de les señes d’identidá de la izquierda ( más que de tantes veces nun se mandara d’el) pa sustituyilu poles representaciones mítiques o falses qu’esa mesma izquierda perfae y mandase d’elles pa tresformase nun sucedaneu d’Alicia nel país de les maravíes y non nuna ferramienta política de la población.

Sía que non, nun ye tiempu de profetizar sinón de deprender de los errores. Javier Bueno denunciaba que “ cierta ingenua confianza del pueblo asturiano en su elemental propósito y impulso de vender”nun facía otro qu’afondar nel “desdén hacía los técnicos que tanta falta hacían”. Y Azaña, nun estrañu y curiosu exerxiciu d’autocrítica, sorrayaba que “ Lo peor de esta guerra no es que casi nadie diga la verdad de lo que ve y sabe, sino que muchas personas responsables son incapaces, por tener los cascos llenos de viento de darse cuenta exacta de lo que ven y de apreciar el valor propio de lo que saben. Así, muchas determinaciones que se toman tienen un fundamento movedizo o son extemporáneas”. Por desgracia, nun falten exemplos asemeyaos nesta Asturies d’anguaño.

Esti articulu ye propiu l'hestoriador Rafael Rodriguez Valdés y foi asoleyao na revista ÍRGUITE, voceru nacional de Darréu-mocedá independentista- nel so númberu 2, n'agostu'l 2006. La dixitalización ye llabor de Frayando Cadenes (http://frayandocadenes.blogspot.com/ ).