PASUCAIS N´UVIEU EN SOFITU A FER ESTI SABADU 7 A LES 17:30

12 de Febreru de nueu a Madrid a sofitar a Fer!

Simboxía nazi los domingos n'El Molinón

Quien s’avere al El Molinón o vea un partíu del Sporting pela televisión decataríase de la presencia de simboloxía y ellementos facistes nel fondu sur del estadiu más antiguu de la primer división. La calavera de les SS nazis ta presente davezu na denomada grada xoven, la zona más barata del campu y qu’ocupa “Ultra Boys” grupu ultra fundáu en 1981 y que se diz apolíticu pero que na práutica, como se ve domingu tres domingu, permite que dende dientro’l grupu ellementos facistes aprofiten p’amuesar simboloxía facista, incluso prohibíos (como’l casu de la bandera de la semeya). Nin la propia peña sportinguista Ultra Boys, nin de la empresa Real Sporting de Gijon S.A.D, nin la policia nacional española que xixila nos partíos faen un res.

La calavera de les SS, banderes con llemes racistes como “Los españoles primero” (utilizáu polos grupos d’ultraderecha nos sos campañes anti-inmigrantes, dende los falanxistes fasta partíos neonazis como Democracia Nacional) son dalgo avezao nel fondu sur d’El Molinón y tamién, n’ocasiones ente la mareona sportinguista nos sos desplazamientos.

Too esto "adobao" con cánticos como “asco, asco,asco dan los vascos” o’l “que viva España”, si se xuega escontra dalgún equipu vascu-navarru, “gitano, gitano”, si se quier insultar a dalgún andaluz (como pasó ayeri mesmo con dalgún xugador del Sevilla) o la multa por glayíos racistes que-y metieron al Sporting nel primer partíu de lliga, dan como resultáu, cuanto menos, un problema de racismu nes graes y una permisividá con grupúsculos de calter racista y facista n’espeutaculos deportivos de mases, dende tolos estamentos.

Nun ye nada nuevo nin la integración d’ellementos facistes n’Ultra Boys, nin l’usu de los grupos ultras por neonazis españoles pa exhibir simboloxía y pa facer proselitismu énte la mocedá, amparándose no atrayente de participar nun grupu d’animación del toe quipu, na zona del campu más barata y destinada polos clús al públicu más mozu.

Si bien la simboloxía nazi lleva vien d’años n’El Molinón, nun entra en denguna tiesta, bien amueblada, qu’en 2009 cola llexislación na materia esistente tengamos que ver nun campu de fúbol asturianu simboloxía nazi prohibío, ente miles de persones nel campu y televisao pal mundu. Nun queda otra qu’entrugase ¿por qué se permite y a quién beneficia la promoción del facismu, el racismu y la xenofobia?

La Comisión Antiviolencia yá espresó la so "preocupación" polos brotes racistes rexistraos en dellos estadios de Primera y Segunda División, y esixe a los clús profesionales qu’estremen el celu y les medíes de precaución pa controlar a los grupos radicales ya impedir los símbolos prohibíos. La Liga de Fútbol Profesional (LFP) remembra que l’escritu remitíu por Antiviolencia "nun ye esceicional, yá que tolos años, a emtamu de temporada, solicítase a los clús que pongan especial curiáu na simboloxía nazi y facista". Sin embargu, sí ye la primer vegada, esta temporada, que se da un toque d’atención a los clús tres l’ endurecimientu de sanciones, en base a la nueva llei contra la violencia, el racismu, la xenofobia y la intolerancia nel esporte.

Pesie a ello, mesmamente nel partíu d’ayeri n’El Molinón la bandera cola famosa calavera de les SS adornada cola bandera española, simboloxía prohibía pola UEFA por racista y facista y que tres el pernomáu y mediaticu casu del partíu del Atleticu Madrí col Marsella ye perconocía la so so prohibición y el so significáu (el llogu de los ultres marselleses ye una calavera y foi confundía cola nazi polo que la policia retiróla y entamaron los conocíos incidentes).

La permisividá nel fúbol de la simboloxía nazi ye clara, n’Asturies y fuera, y n’El Molinón ta permitiéndose la exhibición de simboloxía nazi qu’incita a la violencia y que ta prohibida ¿por qué? Tendremos qu’entruga-yos a los responsables del clú asturianu o al delegáu del gobiernu español n’Asturies, Antonio Trevín… ¿o tamién será culpa del albitru por nun recoyelo nel acta del partíu?. Por ciertu, Trevin multó a un mozu vascu por llevar na sovisita a El Molinón una bandera pol acercamientu de presos vascos, dempués de que la policia y la quitare nel campu. La xente que lleva simboloxia nazi ta tolos domingos nel fondu sur.

Estrayiu d'Infoasturies.