Represión al sindicalismu andaluz de clas.

CSI CON DIEGO CAÑAMERO Y EL SAT
La Corriente Sindical d’Izquierda desixe públicamente la puesta en llibertá darréu de Diego Cañamero, voceru nacional del Sindicatu Andaluz de Trabayadores, deteníu en Sevilla a les 13:15 de güei.

Tanto Diego Cañamero, comu’l conxuntu’l SAT, tan siendo víctimes d’una campaña d’acosu y derribu pol so trabayu en defensa de los y les trabayadores andaluces, la llucha escontra’l monopoliu de la tierra del que tovía disfruten los terratenientes n’Andalucía y el llabor honestu y comprometíu por algamar una vida digna pa la clas obrera.

Pa la CSI, ésti ye un ataque, non sólo al SAT, sinon al conxuntu la clas obrera, a les sos organizaciones sindicales y a la propia CSI. Si toquen al SAT, toquen a la CSI; si reprimen al SAT, reprimen a la CSI.

Dende la CSI facemos un llamamientu a toles organizaciones y trabayadores d’Asturies, a solidarizarse con quien, dende la so condición de xornaleru y trabayador, dedicó tola so vida a la defensa del Pueblu Andaluz y de tola clas obrera.

La muerte d'un País; l'afogamientu d'un Pueblu

Namái queda dicir, depués de los comportamientos de tola xentecalla que se mueve pol lumpen políticu d'esti país asturianu qu'esto nun tien pinta de camudar de traza. Torna al poder el PSOE, represor de trabayadores, de la cultura asturiana y de cualesquier movimientu que nun s'apaute a ellí. Per otru llau, Izquierda Xunida torna a facer el so papel llexitimador de que'l "PSOE ye d'esquierdes "y col yá más que desgastáu argumentu d'aparar los gobiernos de la derechona tornen a garrar cachu pa parasitear un puquiñin más y ser utilizaos pol partíu españolista y anti-socialista de Javier Fernández.

Pero esti puzzle compleméntase agora colos faches d'UPyD, con un Ignacio Prendes que nun tien nin voz nin votu y que solo va imponer na Xunta Xeneral los dictaos de los facistes madrinalos, representaos por xente tan cosciente de la realidá y problemática asturiana como Fernando Sabater y Rosa Diez. Toos ellos xuntos, compartiendo cama y bien revueltos. Dellos camientos:

- Que n'Asturies algame representación UPyD ye pa faceselo mirar por toes y toos: un partíu cuyos cabezaleros y cabezaleres nun saben res de nós, como munchísimu igual saben ponenos nel mapa y falar d'Asturies como "esa provincia norteña tan bonita".

- Les bases d'Izquierda Xunida yá cansen colos argumentos de siempres, sobre manera aquelles que dicen ser "asturianistes". Depués d'esta estratexa d'IX lo normal, si IX fuere una coalición d'esquierda y Asturies un país normal, sedría qu'eses bases que dicen ser tan "asturianistes" y tan d'esquierda colaren de la coalición, síntoma que dientru d'esi espaciu políticu quedaria dalgo de dignidá.

- La drecha ultralliberal ye una comedia y fai una resistencia de teatru énte'l PSOE n'Asturies.

- EL PSOE ye una mafia facista.

¿Y Asturies agora qué? Pues Asturies, y el so Pueblu Trabayador, a siguir viendo pasar el so desaniciu social y nacional, pasu ente pasu hasta'l nichu. Lo ciertu ye que podemos asperar años mui duros, con imposiciones y retayos a calzaor, represión y amenorgamientu de la política llingüística, persecución de la cultura nacional y de los movimientos sociales.

¿La Solución? Yá nun se sabe per onde vamos tirar. Lo que ta nidio ye qu'hai que ser conscientes que facer proyeutos d'asemeyáu calter y discursu ideolóxicu nun va cambiar nada por mui comprometía que seya llueu la xente qu'emite esos mensaxes propios de la política de salón. La solución quiciabes pase agora por un replantegamientu del movimientu nacionalista, un afitamientu de pegoyos nacionales, d'espacios propios, de rede social y sobre manera por optar por un  soberanismu activu, popular, democráticu pero que nun ande con discursos inter-clasistes nin esquierdes de mentira. Un opción nidia, de clase y nacional. Una opción revolucionaria y patriótica. Una opción que seya estremada a tola mierda que tenemos na Xunta Xeneral y que nun piense que por asemeyase más a ella pero en bable va algamar daqué.