Nes caberes selmanes en varios espacios de la rede ta falandose alredor de lo que muncha xente noma " Movimientu de Lliberación Nacional Asturianu". Esti supuestu movimientu ta siendo oxetu de crítica y alderique ente munchos independentistes asturianos qu'asoleyen dellos comentarios que van dende que l'independentismu asturianu nun tien entá una categoría de Movimientu de Lliberación Nacional a munchos otros que falen claramente de la esistencia d'esti movimientu de lliberación nel nuesu pais, o bien d'un proyeutu hembrionariu. Asina, nel nuesu blog queremos entrugar a la xente qu'opinión tien alredor d'esti tema tan d'actualidá.
¿Qu'opinión ties sobro'l supuestu " Movimientu de Lliberación Nacional Asturianu"?
- Paezme qu'hai un hembrión d'esti movimientu, pocu importante pero esistente.
- Nun creyo que se pueda falar de MLLNA entá. Falta muncha base popular.
- Hai ún MLLNA claramente, anque pequeñu, organizáu yá de forma madura.Yera bono que la xente moyarase y votara. Siempres ye prestosu ver que la xente echa un gabitu col blog y pasase y da la so opinión per equí.
Salú ya dixebra.
Salú dende l´exilu.
ResponderEliminarLo que creyo ye qu´hai d´afitar unos principios democráticos sobre los que trabayar nun primer analís de la situación d´Asturies. Esi primer analís ha de facese dende la reconocencia de la situación colonial a la que mos tién sometidos l´aparataxe de l´estáu español. Un apartheid cultural y económicu al que hai que dar salida dende una posición asturiana dafechu, colo que too eso implica. Unes xeres de producción astures ya una conceición del mundu dende los parámetros asturianos. Hai abondo polo que discutir y hai que dir a la gueta de los raigaños de la sociedá astur, con toles cosecuencias históriques ya polítiques qu´esi trabuyu quier. Hai que crear una alternativa braera, marxista, feminista ya ecoloxista, esto ye, asturiana. Y camiento que esi ye´l braeru alderique. ¿Qué ye ser astur? ¿Onde tan los raigaños populares, sociales, del ser asturianu? Ehí ta l´entamu del debatu y la solución de l´alderique tamién. Tenemos los aperos, pero creo que poques ganes d´entamar un discursu bien fonderu ya creible, esto ye, operativu. Ya digo más, creo que nun somos quién entá a apechugar coles consecuencies polítiques, personales y sociales que una llucha desti calter va cobrase nel pueblu trabayaor asturiano.
La llucha entama nunx mesmx.
¡Puxa la llucha!
¡Salú ya Dixebra!
Gracies Oscar por comentar. Presta ver que la xente nun llimitase solu a les encuestes y matiza les sos opiniones. Nun se si tendrás Blog, si tieslu apurreme l'enllaz pa echa-y una güeyada;)
ResponderEliminarSalú ya dixebra!