Un garrapiellu de militantes de Darréu pesllaron simbolicamente ayeri de tarde la plaza de toros de Xixón.
Nel actu, la organización de mocedá indepedentista colocó delles pancartes na Plaza'l Bibio escontra la tauromaquia n'Asturies. Na qu'escolingaron zarrando la puerta principal podía lleese "Plaza pesllá por turtora".
Los mozos y moces de Darréu completaron la aición apegando dalguna pancarta más nes zones cercanes a la plaza. Con esti actu Darréu sigue cola so "Selmana Antitaurina" denunciando "les matances retransmitíes y públiques que se tan desendolcando nel recintu xixonés, y el gastu públicu qu'estes suponen, amás del factor d'imposición cultural que traen a Asturies".
No hay comentarios:
Publicar un comentario