jueves, 18 de marzo de 2010

El PAS quitase la mazcara( de nuevu).


El Partíu Asturianista, encabezáu por Xuán Xosé Sanchez Vicente robló un sofitu a la campaña anticubana, que trata de defender a los presos " políticos" cubanos y atacar al gobiernu cubanu. Dende'l PAS dicen que les conversaciones cola plataforma favorecen que la llingua asturiana tea presente tamién na campaña " pola lliberta en Cuba".


El PAS considera a Cuba como " réxime autoritariu y represor". Dende'l Partíu Asturianista dicen que " Orlando Zapata morrió por tar en fuelga por lluchar escontra los crímenes cometios por Fidel y Raul Castro". Asina tamién dende'l PAS falen que en Cuba ye pernecesariu un procesu de democratización.


Torna l'anticomunismu/socialismu qu'amuesa'l PAS cada vuelta que sal a la lluz el tema de Cuba. Ye curiosu qu'entren a formar parte d'una plataforma en sofitu a los presos "políticos" cubanos, pero a la par inoren los presos cubanos de conciencia qu'hai nos Estaos Xunios. Sigue siendo raru que falen de democratización pero enxamás caltuvieran crítica denguna escontra la falta de drechos civiles qu'hai nel Estáu español.


Enxamás falaren más ellí de la oficialidá o del autogobiernu p'Asturies, demientres dientru l'Estáu español( y d'Asturies) hai censura y piesllense medios de comunicación. Tampocu falen de los cientos de presos políticos qu'hai anguañu nes carceles estatales y n'Asturies.


Tampocu falen del terrorismu d'Estáu, nin de la represión policial. Enxamás tuvieron nos movimientos sociales escontra la represión sufrida polos ciudadanos y ciudadanes que son críticos col Estáu español y cola situación pre-democrática d'Asturies. Nunca tuvieren enriba de situaciones como la muerte de David Blanco na comisaría de Xixón o de les tortures que se dan nes carceles estatales.


Nun falen del seguimientu policial qu'hai nel movimientu patriota asturianu por que eso yá nun sal de baldre denuncialo. Eso yá supondría esponese al pelligru, a moyase'l culu. Lo comodu ye falar de la supuesta falta de drechos qu'hai en Cuba y mirar pa otru llau o allegrase de cuando a ún asturianu llevenlu a la Audiencia Nacional por motivos braeramente políticos. Esi ye'l papelón del PAS, el de defender el réximen mundial occidental del neolliberalismu imperante, onde nun hai sitiu nesti mundiu a paises como Cuba, onde'l pueblu ta por delantre de les cuentes en la bolsa de dalgún gran propietariu de capital.


Asina, en resumies cuentes, atopamonos al Partíu Asturianista de siempres. Un partíu de drecha ultra lliberal y ultra conservadora mazcaritáu con eso que tan de moda ta de ser de centru. Un partíu que pasa absolutamente de la problematica social qu'hai n'Asturies, que pasa de los conflictos llaborales, que pasa de la represión al movimientu dixebriegu. Que ta nel llau de la patronal y l'institucionalismu, nun ta nel llau de les capes populares y los movimientos políticos y sociales alternativos. Un partíu que siempres avergoñose y tapeció la revolución asturiana. Un partíu que tamién tien otra mazcara, la del nacionalismu. Nacionalismu que xustifica con un ranciu folklorismu, que güei, a añu 2010, nun valmos a les asturianes y asturianos.


Pola Independencia y el Socialismu: Dexemos morrer al PAS tranquilu.


FRAYANDO CADENES

7 comentarios:

  1. Lo acoyonante ye que la xente d'Andecha qu'usa les sigles armó la qu'armó nel so día por negociar con IAS por aquello de socialdemocatres (cosa que ye mentira) y agora van pa con ellos como si fueren los meyores amantes del mundiu.

    ResponderEliminar
  2. Tienes tola razón. Mui bon artículu y valiente pa esta témpora na que xente del asturianismo anda enredando, escuchando cantos de serena incompatibles con un pensamientu mínimamente socialista.
    Ye increíble arriendes de lo del ataque a Cuba, cola que-y ta cayendo a les clases populares asturiaes, la inmensa mayoría del pueblu, consecuencia de la crisis capitalista de la que ye culpable el capital monopolista que remana'l cotarru y el gobiernu: construcción, lléutriques,... responsables non sólo de les condiciones sociales enruinaes nes que podamos vivir sinon yá de poner en peligru la propia supervivencia pol esfarrape ecolóxicu pareyu al cultural y llaboral que tan entamando. Ye increíble que se diga que el pensamientu clasista tien que dexase al deslláu p'algamar la xuntanza. Nunca sintí al PAS posicionase contra esos culpables, ye más lo únicu que-y sintí foi precisamente qu'había que dexar a les multinacionales a los sos deleres porque eso trairía prosperidá. Vamos el discursu ultralliberal de tola vida. Lo gordo nun ye eso (el PAS ye como ye), lo gordo son los hipócrites o quiciás oportunistes que s'enllenen el payarón cola pallabra socialismo, y llueu anden cortexando a estos del PAS.
    Sin más, disculpes pola estensión y norabona pol análisis y el blog en xeneral. Repito que mui valiente.

    ResponderEliminar
  3. yo acuerdome de un pavo de Pas que PASaba pastilles en la real.VALLA TXORBO!

    ResponderEliminar
  4. El PAS defende la democracia y la llibertá en tolos llugares. Nun ta en contra del réxime cubanu, sinón de cualesquier totalitarismu o comportamientu antidemocráticu, venga de la izquierda o la derecha. Lo que nun se pue ser ye un incoherente y defender qu'equí haya llibertá y democracia, y en Cuba querer que siga la represión.

    ResponderEliminar
  5. Repito que naide-y quita coherencia al PAS. El PAS actúa dende la so lóxica
    El problema ye que dende la ideoloxía socialista o revolucionaria en xeneral tiénse un conceutu mui estremáu de lo que ye democracia de lo que tienen aquellos con una ideoloxía lliberal, o burguesa (que nun quier dicir que sean burgueses). En resumen tolos Estados reprimen y la llibertá total ye un entelequia porque nesti mundiu la xente tien intereses económicos y materiales enfrentaos. La diferencia ye que mientres nalgunos llugares los Estaos tan o aspiren a tar en beneficiu de la mayoría contra la minoría notros sitios nun ye asina. Y ye que los Estaos tienen un calter de clase, y nunos sitios valen pa perpetuar a una clase dominante nel poder mientres que notros tan pa que finen eses clases. Llucha d'intereses. Nun ostante como bien s'apunta na reflexón el PAS nunca tuvo tantu rixu pa colos presos políticos de pa en casa, o quiciás ye que pa elli equí nun hai presos políticos. Colo cual volvemos al tarrén esbariosu de lo relativo, de los intereses y de qu'intereses se defienden. Per otru lláu el conceutu izquierda anda tan mansuñáu que val más bien poco, y polo que veo tamién el conceutu socialismu que pa min yera algo que namás usaba con trafulla el PSOE pero veo que nun ye asina.
    ¿Fálase llibertá? ¿Pa que y en que condiciones? ¿Pa consumir y alienase? ¿Democracia? ¿En verdá se piensa que nel mundiu capitalista estes formes polítiques que sufrimos son lo que podemos llamales democrátiques (esto ye gobiernu de la mayoría pal bien común d'esa mayoría)? Pa esistir democracia tienen qu'esistir unes condiciones materiales previes y una mui importante: igualdá social(algo que suel fadiar a la xente de pensamientu lliberal).
    En fin nun quinxera yo albidrar les intenciones del autor de la brillante esposición pero dame que pensaba más notros que nel propiu PAS, anque faiga usu d'elli.
    Repito que'l PAS ye un exemplu de coherencia, d'enfotu nos sos principios y nel so discursu.
    Otros nun puen dicir lo mismo.

    ResponderEliminar
  6. Nun entiendo el títulu del tu post. Eso de que'l PAS quitase la máscara nun tien sentíu nenguno. El PAS tiene una llínea pollítica perclara y dientro d'ella ta'l rechazu a los réximenes totalitarios. ¿Onde ves tú que se quiten la máscara, nenu?

    Otra cosa ye que tú nun tes d'alcuerdu con que sofitar dicha campaña y critiques dende tú idoeloxía esi sofitu. Agora pa facer eso nun fai falta tachar a otres organizaciones de ambigues o "raposes".

    Un saludu.

    ResponderEliminar
  7. A min paezme que nun entendiesti al autor. El nun llama raposos o ambiguos al PAS sinon a otres organizaciones y xente que son los que dan bandazos ideolóxicos. Dame que la reflexón (mui acertada) tira per esi camín, ye un mensaxe pa los qu'afaten muncho'l discursu, lu ornien cola pallabra socialismo pero dempués camuden o la so práutica tien poco que ver cola so retórica. Naide me paez que dubio de la coherencia del PAS, a quien se-yos critica esa coherencia ye a otros.

    ResponderEliminar