Yá na biblioteca "Autonomía" del CNA (1980).

El Conceyu Nacionalista Astur yá tien una seición propia na nuesa Biblioteca Dixital. Asina, ufrimos nesti espaciu'l documentu de 1980 asoleyáu por esti partíu entituláu "Autonomía" onde los nacionalistes d'izquierda d'aquelles faen un analís y espeyen unes reflexones alredor del proceso de pre-autonomía, los sos antecedentes, l'autogobiernu y l'autodetermín. Asina dende'l CNA faen un analís de la situación y la postura de cada seutor políticu de la sociedá asturiana y espeya la so idea d'Estatutu d'Autonomía.

El CNA nesti documentu amuesa un modelu d'asuntos y cuestiones mínimes qu'entienden que tendría de comtemplar l'Estatutu d'Autonomía d'Asturies. Precisamente, munchos de los aspeutos mínimos que recueye'l CNA anguañu son cuestiones y reclamaciones escaecies pol soberanismu y munchos de los puntos del Estatutu que propón el CNA nun ye que nun se cumplieren nestos 30 años, sinon que la dinámina foi de puru retrocesu.

Asperamos que vos preste como siempres y comentar que dientru pocu xubiranse más documentos del CNA y otros arreyaos cola época de la supuesta "transición democrática" y con Asturies, amás d'otros documentos nos que tamos trabayando.