La
Biblioteca Dixital del blogue Frayando Cadenes cunta con otru nuevu documentu, nesti casu, del
Movimientu Comunista d'Asturies, concretamente del Comité de Xixón. El documentu ye d'abril de 1977 y ta entituláu "
Asturies nagua pola llibertá". El documentu nun tien gran valor hestóricu nin políticu, pero sirve p'asitiar la posición d'esti partíu nel periodu de la "pre-autonomía".
Nesti sen, y al rodiu del MCA, una fuercia política estatalista pero que caltuvo ciertu grau de compromisu cola cuestión nacional, asperamos poder ufrivos nun futuru documentos importantes d'esti coleutivo dixitalizaos. Pel momentu, ehí vos dexamos en formatu PDF esi mensaxe del MCA a la sociedá asturiana y xixoniega respeutu a la autonomía d'Asturies.
Estatalista non, estatal, que nun ye lo mesmo, hai que procurar falar con propiedá. Pero bono, supongo que sedrá un síntoma más de lo mal qu'anda l'asturianismu políticu, los erros conceptuales como amuesa de la falta d'analís y de formación en xeneral.
ResponderEliminarSalú y gracies pol trabayu.