La organización de mocedá independentista revolucionario Darréu quier tresmitir de forma pública’l so sofitu al actu qu’entama esti prósimu sábadu 8 de setiembre Conceyu Abiertu, nel cual se pretende reivindicar y cellebrar el Día de la Nación Asturiana. Dende les 14:00 hores van principiar una bona riestra d’actos nel Parque La Llaguna de la llocalidá de L’Entregu, nel Conceyu de Samartín del Rei Aurelio.
Darréu caltién qu’esta convocatoria ye la más afayaiza nesti día, yá qu’esta plataforma de ciudadanos apuesta nesti Día d’Asturies pola soberanía, la democracia directa y la igualdá social escontra’l folclorismu sucursalista y cuadonguista del Gobiernu del Principáu. La nuesa organización coincide con Conceyu Abiertu na importancia de tomar los conceyos como espaciu de llucha y tresformación social cola fin de construyir una Asturies llibre, soberana y socialista.
L’apuesta del soberanismu d’izquierda pol municipalismu tien de ser sofitáu nesti actu y la mocedá tien de ser protagonista nesa tresformación d’Asturies y los conceyos, polo que como organización de mocedá atalantamos que yera necesariu anunciar de forma pública’l nuesu respaldu a esta iniciativa popular que va acoyer a L’Entregu como espaciu afayaizu. Asina pues, llamamos a la mocedá asturiano a participar nesti actu esti prósimu 8 de setiembre pa reclamar la nuesa soberanía como nación y pueblu cola fin de finar con tanta opresión capitalista-españolista.
www
Diba nun dicilo pero acabo pecando: prestaríame que toos fuereis xuntos. Asturies nun ta pa que nos enfurruñemos tol tiempu, necesítanos a toos. Perdona-y, ye'l mio sentir.
ResponderEliminarYe bien respetable Serafín. Lo ciertu ye que l'8 setiembre ye un Día afayaizu pa que tola izquierda soberanista y asturianista axuntáranse pero hai que tener en cuenta que nun ye xera fácil y que día a día van viéndose diferencies polítiques ya ideolóxiques ente les estremaes organizaciones nacionales.
ResponderEliminarPor ciertu, vémonos en L'Entregu!