La nuesa Biblioteca Dixital yá cunta con dos documentos más na so llista que podeis descargar en formatu pdf calcando nel títulu los mesmos. Per un llau presentamos un nuevu documentu d'Ho Chi Minh y el Partíu Comunista de Vietnam, entitulada Aiciones que "tienen de faese" y que "nun tienen de faese", onde s'afiten una riestra d'aiciones a considerar pa bien y mal, y onde se toma como básicu'l respetu a les cultures tradicionales de la cultura nacional vietnamita. Tamién nesi documentu surden cuestiones alredor de la posición nesi momentu respeutu a lo "místicu" y les creencies. Per otru llau, podeis baxalos l'artículu de James Connolly entituláu ¿Antipatrióticu?, nel cual el llider marxista ya independentista irlandés reflexona sobre la llucha social y de clases y la so rellación con conflictu nacional n'Irlanda y fai un analis hestóricu de ciertes reivindicaciones sociales que fueron de la man de les nacionales propies del conflictu ente Irlanda y l'Imperiu Británicu.
Si quereis facer dalguna aportación a la biblioteca nun teneis más qu'unviar lo que vos pete al correu frayandocadenes@gmail.com
No hay comentarios:
Publicar un comentario