Eleiciones n'Euskadi...¿ Y la izquierda abertzale ?

Una vegada más la " democracia " española torga el drechu de votar al pueblu vascu. Solo se pue votar a los partios correutos y collacios de la "democracia" española, ¿que democrates son estos que ñeguen el drechu de votar a gran parte d'un pueblu? Una vegada más, repetimos...DEMOCRACIA=0.


Solidaridá pa cola izquierda patriota vasca.

Vidiu Cangues: Absolución pa lxs 14 imputaxs 35

(35)

http://www.youtube.com/watch?v=T-_vqeYFJiU



Los trabayadores d'Enferbús siguen en llucha.

Esti llunes 2 de febreru ta convocáu un manifestamientu en solidariedá colos trabayadores d'ENFERBUS y por un tresporte dignu. Esta nueva movilización entama a les 19:30 hores y tien salida dende la Ilésia San Xuán de Mieres. Los trabayaores d'Enferbús tan en fuelga indefinía dende'l 2 de febreru.

D'Otra miente, la organización de mocedá independentista Darréu vien d'asoleyar un comunicáu solidarizándose colos trabayadores d'ENFERBUS y caltienen "que tolos trabayadores de la empresa Enferbus tornen los sos puestos de trabayu ensín esceiciones",

La organización independentista anima a la población d’El Caudal a solidarizase colos trabayadores y participar en prósimes movilizaciones, como por exemplu el prósimu manifestamientu, que sedrá esti llunes 2 de mayu a les 19:30 en Mieres".y sobre too animen a la mocedá mierense "a movilizase". "creyemos que dende la solidariedá el conflitu sedrá ganáu polos trabayadores en llucha" afiten.

Darréu camienta que la situación de represión llaboral qu’atopamos n’Enferbus "nun ye namai qu’una más na escalada represiva que podemos ver n’Asturies nes caberes dómines nel seutor llaboral. Otru exemplu son les movilizaciones de los trabayadores de Asturiana de Zinc del pasáu mes de payares de 2008, les cuales tan denunciaes pola guardia civil y dirán a xuiciu el 12 de mayu. Queremos amosar tamién sofitu col casu del comité d’empresa d’esta última".

Estrayíu d'Infoastuies.

Movilizaciones de los trabayadores d'ENFERBUS polos sos drechos.

Esti pasáu martes 24 de febreru los trabayadores d'ENFERBUS axuntáronse delantre la ilesia de San Xuán en Mieres pa protestar polos sos drechos ya que l'empresariu Antonio Fernandez ñegose a negociar colos trabayadores a los cuales debe-yos parte de los sos sueldos. Hai d'alcordase que los trabayadores d'esta empresa lleven dende'l 2 de febreru en güelga indefinía. Dempués d'aconceyase na ilesia mierense emtamaron un manifestamientu peles cais de Mieres dende Carreño Miranda al barríu de San Pedro.

Al aportar ellí, puntu averáu a la salida de la ciudá pela autopista decenes d'antidisturbios guetaron les cosquilles a los manifestantes pero estos nun cayeron nel xuegu de la policía española y tornaron a la zona la cai Xixón hasta llegar a onde vive l'empresariu Fernandez el cual tuvo que sentir dende la so casa dellos petardazos y glayios pidiendo que pagara a los trabayadores y que devolviera'l trabayu a estos mesmos.

Dempués los trabayadores fueron al ayuntamientu a falar presonalmente col alcalde mierense el cual prometió devolve-yos los sos puestos de trabayu. Los trabayadores criticaron la xestión de l'ayuntamientu ya qu'entá nun vieron fechos, solo pallabres. Dempués los manifestantes finaron la movilización dexando pancartes visibles peles cais mierenses.

¡Tol sofitu a los trabayadores d'ENFEBUS!

¡ Fernández paga lo que debes!

PUXA LA CLAS OBRERA.

L’Ayuntamientu Llangréu multa a Andecha en represalia política pol eventu xuvenil que cellebró Darréu n’ochobre

Siguiendo cola escalada represiva a l'independentismu atopamonos güei con una noticia ablucante na páxina web d'Andecha Astur y tamién nel sitiu n'internet de Darréu. Dempués de meses del DMR'08 y cola presión y torgues que sufrió la organización de mocedá independentista Darréu por parte del gobiernu llangreanu del PsoE enantes del día de los actos agora l'ayuntamientu torna a cargar escontra l'independentismu asturianu, esta vegada escontra Andecha. Asina podemos lleer na páxina d'Andecha :

"El 4 de ochobre la organización xuvenil Darréu, venceyada al movimientu políticu d’Andecha Astur, cellebró en La Felguera el DMR’08 o Díi de la Mocedá Revolucionario que incluyía dellos actos ente ellos una manifestación y un conciertu conmemorativu de la revolución de 1934.

L’Ayuntamientu trató d’impedir l’actu que se cellebra dende fae años en La Felguera y qu’axunta añalmente a cientos de xovenes independentistes oponiendo enormes dexixencies llegales e insalvables problemes práuticos a los organizadores. Pesia ello, Darréu cumplió tolos requisitos llegales que-y impuso l’ayuntamientu y pudo cellebrar el so multitudinariu actu festivu y reivindicativu.

El DMR’08 foi un ésitu políticu, organizativu y de participación. Además nin antes, nin dempués nin durante la cellebración del actu hebio nengún tipu d’incidente según reconoció públicamente la mesma policía municipal.

Con fecha 4 d’ochobre –curiosamente’l mesmu día que Darréu cellebraba’l DMR’08- l’ayuntamientu de Llangréu abrió un espediente a Andecha Astur por pegar cartelos en llugares públicos non autorizaos. Posteriormente comunícase-y a la organización política Andecha Astur una sanción de más de 1.000 euros por afitar cartelos en sitios non autorizados.

Andecha Astur presenta recursu retolicando qu'en dengún momentu s'identificó a denguna persona nin a dengún militante d’Andecha pegando dichos cartelos, poro la responsablidá nun pue recayer sobre la organización política, en tal casu diría sobre les persones que los pegaron pero resulta que son anonimos.

Andecha denuncia que se trata claramente d’una represalia política porque Darréu ganó-y el pulsu al ayuntamientu y pudo organizar con ésitu el so actu y critica'l nulu sentíu democráticu del Ayuntamientu por nun respetar la llibertá política y d’espresión.

Esta mesma selmana l’Ayuntamientu colocó carteles del Antroxu en llugares prohibidos según la su propia ordenanza munipal. Andecha presentó una denuncia ante la policía municipal al PSOE y al mesmu Ayuntamientu de Llangréu por pegar cartelos en llugares nun autorizaos:

Dende Andecha Astur queremos amosar con esto qu'esiste un doble raseru al aplicar les lleis en Llangréu y que lo qu’al ayuntamientu del PSOE-y esmolez nun ye la llimpieza de les paredes públiques sinon que los xóvenes de La Felguera y llangreanos s’autoorganicen, tengan idees propies y seyan críticos col sistema políticu y col gobiernu municipal."

Camentamos qu'esta persecución a tolos movimientos políticos y sociales que tamos güeyando nes caberes selmanes a nivel estatal( persecución al sindicalismu, detenios n'Euskal Herria, detenios en Málaga, violencia policial en Llión, persecución del PSOE a Andecha en Llangréu, xuicios farsas n'Audiencia Nacional, como el que sufrió Fer...) formen parte d'una oleada represiva que solu ta emtamando a veninos enriba d'esti sistema capitalista y esti Estáu facista español en cris.

Comunicau de Sofitu tres el xuiciu a Fer y n'espera de la sentencia

El muerganu independentista y antirrepresivo asoleyó güei ún comunicau faciendo una valoración tres les dos sesiones del xuiciu a Fer y n'espera de la sentencia qu'asoleyará la Audiencia Nacional. El comunicáu diz lo siguiente:

" El muerganu antirrepresivu Sofitu, quier dirixise al pueblu asturianu pa llanzar les siguientes reflexones no tocante a lo qu’asocedio nes dos xornaes de xuiciu al militante independentista Fernando Gonzalez “Fer” , nel puntu nel cual nos atopamos, esto ye, n’espera que se dicte sentencia.



En primer llugar, l’audiencia nacional nun ye naide, otrosí que nun lo ye ningún otru tribunal d’esi estáu, pa xulgar a un ciudadanu asturianu, na midía en que les sos lleis y l’aplicación de les mesmes nun remanecen del nuesu pais, son impuestes, formen parte d’una realidá estremada a la del nuesu pueblu y na mayoría les ocasiones sirver pa violentar los nuesos drechos individuales y coleutivos que comoasturianos tenemos. Esti casu, el del xuiciu y mas que posible encarcelamientu d’esti mozu independentista ye un exemplu mas d’ello, neto que munchos otros. Nel casu de l’audiencia nacional española amás tratase d’ún tribunal que castiga la disidencia politica, ye un tribunal d’esceición llonxanu de lo que se pueda considerar un estau de drechu. Un tribunal mas propiu d’estaos de guerra y grandes conflictos nel que se creen sumarios ensín consistencia, criminalizase a persones y coleutivos, vulnerase la llibertá d’espresión torgando actos publicos, zarrando medios de comunicación, afalando illegalizaciones de muerganos y partíos politicos, faciendose xuicios sumarisimos escontra amplios coleutivos de xente, cenciellamente por ta adscritos a una idoloxía determináo. L’audiencia nacional española ye un tribunal judicial que se superpón so’l restu de muerganos del poder judicial (esceuto’l tribunal supremu y tribunal constitucional) pa represaliar con cárcele o chantaxe economico a les persones que nun creyen na “so” España y nel so capital, al empar que se val de la llei antiterrorista y les tortures pa incriminar a la disidencia politica.



No que cinca’l casu de Fer, les prerrogatives del muerganu heriede del tribunal d’orde públicu franquista furrulen a la perfección, vulneren un drechu elemental como ye’l de falar na llingua asturiana, perjudicando en mou d’indefensión al xoven independentista, continues burlles al nuesu idioma calificandolo de “dialecto”, de que nun ye una llingua, pese a que l’estatutu d’autonomia, qu’impusieron a la nuesa tierra dende España, regula la obligación de toles administraciones al usu, promoción y calteenimientu del Asturianu. SOFITU advierte y quier dexar nidio a los facistes españoles que l’asturianu ye la llingua nacional del nuesu pais y que’l castellanu nesta tierra nun ye mas qu’una imposición frutu de la soberbia cola que l’estau español ocupa Asturies.



La xueza Ángela Murillo exerció un papel d’anfitriona y protectora pa col fiscal, mentanto que s’ensañó cola defensa y posiblemente tará preparando el so castigu pa Fer; valió amás como ordago amenazante pa too’l movimientu independentista asturianu. La teorica xera d’arbitraxe de la presidenta d’esa mesa que xulgó a Fer nun quedo mas que nuna simple ilusión. Entamando pol ataque al Asturianu, les continues faltes de respetu al nun dexar esponer a les abogaes de la defensa, falando ente elles cuando cuando éstes presentaben les sos prebes, o como nel 12 Febreru enterrompio los alegatos de la defensa pa siguir al dia siguiente namai que por un caprichu personal de nun querer sentir más les conclusiones de les abogaes. Dende SOFITU camentamos que la sentencia taba ya escrita y guardada nun caxón , precisamente porque l’estau español nun ye un estau de drechu, sinón un estau facista.

El papel de fiscal, unviao pol ministeriu publicu, y actuando como parte acusadora, tamién fraya los drechos del acusau. Pero a SOFITU lo que mas-y llama ye que la evidente nun dixebración de poderes nel estau español lleve a esti señor a facer drechu a so propia discreción ; sabedor de que nel estau español les lleis nun son iguales pa toos y que l’estau de drechu ye una “broma” atrevese a dar como prebes (manches vegaes falses) : visites a presos politicos, alcuentros con presos politicos, tener en casa pegadielles de muerganos politicos con calter armau o non… como si fuere delitu. Hasta onde SOFITU conoz cartease con presos politicos nun apeas regulau nin tipificau como delitu por ninguna llei española, si acasu sedralo nel futuru, pero angüañu nun tenemos constancia d’ello. La policia española da una bayura prebes , qu’en realidá nun lo son, como correr maratones financiaos pol gobiernu d’Ibarretxe en Donostia, dir a manifestaciones llegales o otros actos de sofitu a la esquierda abertzale, incriminar nun ampliu llistáu d’atentaos n’Asturies dende 2001 ensín mayores aportaciones pa pasar el filtru del fiscal y ésti quedase con delles d’estes hipotetiques prebes, les menos escandaloses, pa que’l tribunal xulgue. Como vemos la policia y el fiscal creén drechu , precisamente porque’l drechu ye discrecional y arbitrariu pa la disidencia.



Un puntu relevante ye’l intentu sistematicu, por parte del fiscal, de separtar la llucha de los trabayadores pol so puestu de trabayu respecto a la consecución d’unos oxetivos politicos determinaos. Pa’l fiscal español l’emplegu de la violencia pa la defensa d’ún puestu de trabayu nun ye lexítima pero, entá ye menos lexítima pa defender una ideoloxía politica concreta, magar que, nun se sintio a esti axente del ministriu publicu dicir nada sobre la imposición que pola fuercia de les armes exerce españa escontra Asturies, relegandola a un calter dixebrada, principiega, española y de dreches. SOFITU pescancia que pa’l fiscal si val la violencia cuando tratase de defender el so proyeutu politicu y la so ideología, que ye la mesma que la del estau español: del sometimientu de los pueblos a los qu’oprime y la explotación de les clases sociales trabajadores. SOFITU quier dexar nidio que la llucha pola independencia y el socialismu nesti pais , nun solo nun ye ayena a la llucha a la de los trabajadores asturianos en defensa del so puestu de trabayu sinón que ye la mesma llucha.

No que se refier a los medios de comunicación españoles o al serviciu d’españa, continuaron cola so campaña d’intosicación y mentires. Ye curiosu l’accesu que teníen a informes policiales cuando entá taben baxo secretu de sumariu. SOFITU quier alertar nesta vegada qu’hai que sumar a les yá conocíes manipulaciones en favor de los sos amos, les provocaciones intencionales de les que faen gala como’l fechu de que “la nueva españa” refierase a lo asocedíu en L’Infiestu n’aquel setiembre de 2005 como rempuesta polos “deteníos d’Andecha Astur” en Cangues d’Onis dies enantes, sabedores de que los deteníos nun yeren de tal partíu sinon militantes antifacistes asturianos; d’esta miente criminalicen a Andecha Astur, tracamundien y mienten a los sos llectores y provoquen a la esquierda independentista d’esti pais. Nesti sen asoleyaronse calificativos como “ correligionarios” de Fer despeutivamente como sectarios de sabe quién que relixón, pela cuenta de que la mayoría los que tabemos elli somos ateos. Tamién destacar l’acosu de camares y fotografos nes puertes de l’audiencia nacional española. SOFITU nun ye quien a calificar a estos medios namái que de “carroñeros”.

Esti muerganu quier tamén denunciar el papel de la policia española colos siguimientos de la brigada d’información nos viaxes, magar que nes dos caberes xornaes llimitaronse al siguimientu non disimulau pero ensín llegar a parar a los solidarios, pela cuenta de lo qu’asocedio na primer xornada. Ysiguiendo coles contradicciones na segunda xornada nun permitieron la xuntanza entamada por SOFITU obligando a retirar les banderes y la propaganda nun claru ataque a la llibertá d’espresión como fió de igual mena la prohibición d’asoleyar camisetes en sofitu a Fer. Por too ello SOFITU destaca’l calter chulescu y prepotente de la policia española.

Pa finar, queremos agradecer a tola xente solidario, les 80 persones que s’averaron a Madril na primer xornada, al casique mediu centenar qu’acudieron nes dos caberes xornaes asina como a toles persones y coleutivos que sofitaron y sofiten politica, economica o moralmente la llucha de Fer. Esta llucha entamo cola detención y secuestru de Fer pero nun debe finar cuando conozamos la sentencia, l llucha tién que continuar.

¡¡Puxa Asturies llibre!! ¡¡Puxa Asturies socialista!! "

Nueva encuesta en Frayando[* + ]Cadenes

Nesta ocasión entrugamos a la xente alredor del tema la llingua, en relaición colos caberos datos qu'asoleyó la UNESCO qu'establecen que la llingua asturiana ta " en seriu pelligru" y que baxo el númbero d'astur falantes nun porcentaxe a tener en cuenta. Dende la UNESCO falen col ciertu allarmismu posicionandose camentamos qu'a favor de la normalización llingüistica nel pais. Nun ye la primera vegada nos últimos meses que tratase el tema de l'asturianu fuera l'Estáu. Fae selmanes foi dende Bruseles, dientru l'ámbitu de la Xunión Europea onde pidiose la oficialidá. El gobiernu asturianu fizo como que nun sintió un res, como tamos avezaos a sofrir. Estos caberos datos tamién ficieron qu'Andecha Astur y el CAO pidieran la oficialidá como forma de salvar la llingua de los asturianos. Equí vos entrugamos si vos paez necesaria esta oficialidá o meyor dicho si veis otra solución aparte de la normalización llingüistica.

¿ Camientes qu'hai otra salida pa la llingua que nun seya la oficialidá dempués de los caberos datos?

	.Si, mayor proteición pero ensín oficialidá
	.Non, solo la oficialidá valdría pa salvala.
	.Dame igual, paso de tou.

Exerce el to votu. Ensín les vuestres visites esto nun val un res.

Fai-Asturies " festexó" nes cais la efemeride del 23-f.

La organización moza soberanista asoleyó pa esta dómina miles de pegadielles col llema " El rei d’España nun da golpe dende’l 23-F”, en defensa d’una República p’Asturies, soberana y xusta socialmente. A esta tirada de pegadielles amestaron munches pancartes y cartelos colos mesmos llemes qu'enllenaron les cais de distintos puntos del país, sobretou nos buses interurbanos uvieinos.

Amás d'estes aiciones dende Fai! asoleyen un comunicau que reproducimos equí: " dende Fai! nun queremos que caigan nel escaezu los fechos del 23 de febreru de 1981, onde dellos destacamentos militares del estáu español, a cargu de puestos de mandu fascistes, llevaron a cabu un golpe d’estáu tomando’l parlamentu en Madrid y sacando los tanques a les cais de València. Nesti sen, lloñe de reivindicar esti estáu, antidemocráticu y continuista col réxime franquista, al empar que de siguir versiones oficiales que nun llegaron más alló d’una investigación superficial y que nun s’axusten a la realidá de nenguna manera, hemos d’afitar qu’esti llevantamientu fascista sí trunfó a pesar de lo que nos quieren facer creyer. El golpe d’estáu del 23 – F supunxo, en realidá, la coartada perfecta pa frenar cualquier tipu de procesu que pudiere finar col exerciciu del autodetermín plenu per parte de los pueblos y naciones del actual estáu español, y de la mesma manera, apaecía otra vuelta la escusa del miéu, la del “o tragamos esto o vamos tener más dictadura”. Asina, la mesma estratexa qu’emplegaren nel referéndum constitucional de 1978 volvió a ponese en marcha, como maquinaria qu’al traviés del amedranamientu de la población abocanaba les reivindicaciones de les cais. Amás d’esto, nun podemos dexar de llau l’emplegu d’esti golpe como llaváu de cara -tan descaráu como falsu- pal rei d’España y los sos exércitos, dexando pa prau yá d’aquella cualquier tipu de consulta no qu’al pueblu se refier d’aceptación de la monarquía. Consulta qu’entá esperamos y demandamos. Pero güei, a la mocedá d’anguaño, nun nos valen los sos vieyos argumentos del “dexar pa más alantre les grandes reformes, pa cuando nun peligren los sos rexímenes parademocráticos”. Dende Fai! consideramos que siguir, en plenu sieglu XXI, con un xefe d’estáu nomáu por criterios xenéticos ye un insultu a la intelixencia. Lo mesmo que la continuidá d’un estáu, como esti, qu’oprime social y nacionalmente a los pueblos qu’encarcela y aculturiza. Por eso, equí y agora glayamos bien alto: ¡YÁ VALIÓ! POLA DESAPAICIÓN DE TOLES MONARQUÍES POR UNA REPÚBLICA ASTURIANA, SOCIALISTA Y SOBERANA."

N'alcordanza: Conceyu Nacionalista Astur ( 1976-1981).

Echar la vista p'atrás...

Güei, nun mundiu en xeneral y nuna sociedá asturiana, en particular, onde la implicación política y militante de la población ye mínima. Onde les cais yá nun s'enllenen por parte'l pueblu, ye bono echar la vista p'atrás, a tiempos meyores y de mayor actividá vindicativa, como por exemplu'l tiempu dempués a que morriera el dictador asesín Francisco Franco ya instaurare una "democracia", o falando en claru, el neofacismu que sofrimos anguañu. N'aquella segunda metá de los 70 y emtamos de los 80 emtamó a xorrecer el nacionalismu/independentismu asturianu en forma d'organizaciones y partios políticos. El primer nome que mos puer venir a la tiesta ye Conceyu Bable, caleyando ente'l nacionalismu y el rexonalismu ensín tener nada nidio dientru la so llinia ideolóxica.

A pesar de tolo que fizo'l Conceyu Bable en sofitu del autonomismu y en sofitu a la oficialidá y l'espardimientu del respetu haza la llingua, ye pa recriminar dende una perspeutiva independentista d'isquierdes la so actitú ente la cuestión nacional y la cuestión social. D'estos fallos de CB, d'esa ambiguedá y de la división de la organización en dos seutores: ún claramente independentista/nacionaliego y otru más en clave rexonalista, más averau a l'autonomismu que l'independentismu surdió el primer partiu nacionaliego y revolucionariu asturianu, El Conceyu Nacionalista Astur nel añu 76. Esti foi el primer partíu braeramente nidio nel so mensaxe alloñandose del mensaxe de Conceyu Bable. Podemos dicir que ye bono echar la vista atrás en dómines como güei pa ver como la iniciativa d'aquellos dies llevo a daqué, que a pesar de durar pocu foi un pasu más alantre p'afitar n'Asturies un movimientu de lliberación nacional. Güei día puede que nun seya un pasu más posicionase ente rexonalistes y nacionalistes, puede que les coses ten más nidies pero ye necesariu echar un pasu alantre de nueu como aquellos años. Un pasu que llevenos a un movimientu políticu y social que braeramente cuaye nel pueblu asturianu yá que los años pasen y anque medrando día a día, tamién desaniciennos el país día a día. Por eso ye per necesariu echar la vista atrás pa da-y un pasu alantre definitivu, por que un pueblu que nun conoz el camín que ta faciendo tará más alloñau del trunfu que supón la llibertá.

Dexo equí un articulu alredor del Conceyu Nacionalista Astur y la so curtia hestoria estrayiu de uiquipedia.

Conceyu Nacionalista Astur

Conceyu Nacionalista Astur (CNA) foi'l primer partíu políticu nacionalista asturianu, con actividá ente 1976 y 1981.

Entamos

El CNA foi un partíu creáu por un grupu de mozos marxistes, independientes y llibertarios. Definiose como un "conceyu políticu de militancia única", nel que s'almitíen les tendencies marxistes, leninistes, trotskistes, llibertaries, etc. Según los sos estatutos; l'ámbetu d'actuación direuta y d'afitamientu que se propón CNA vien determináu pol área nacional y xeográfica d'Asturies. Esti partíu caltuvo rellaciones con otros grupos asemeyaos del estáu y estranxeros.

Ideoloxía

Ente los sos plantegamientos políticos allugábense los que vienen darréu:

• Autonomía plena a curtiu plazu.
• Autodetermín.
• Revolución socialista n'Asturies na perspeutiva d'un estáu socialista protagonizáu pola clas obrera y otres clases populares, p'algamar la construcción d'una sociedá ensin clases, previu desaniciu del aparatu de poder de la burguesía.

Too ello nel marcu d'una confederación de pueblos cola idega d'algamar un autogobiernu que ficiera posible la participación de les mases partidaries d'una sociedá socialista y autoxestionaria.

Según los promotores del CNA -que queríen frañir cola tradición política asturiana y da-y una alternativa nacional asturiana al procesu de reconstrucción estatal na transición, reclamando p'Asturies un tratamientu nacional asemeyáu al que se-y taba dando a Cataluña o al País Vascu- el pueblu asturianu pertien toles condiciones oxetives qu'encadarmen una nación, ello ye; una comundiá identificada con un territoriu definíu; una hestoria y una llingua llariegues; una situación económica definida pola empresa pública (daquella y anguaño, al serviciu del capital mnopolista); una idiosincrasia que define a los asturianos como talos; una cultura llariega con aportaciones úniques a la cultura universal, como l'arte asturianu.

Pal bon furrulamientu conxuntu d'estes realidaes, según la CNA, requeríase:

• La descentralización dientro d'Asturies a tolos niveles: alministración, medicina, cultura, servicios, etc.
• L'autoxestión de les empreses.
• La ordenación y racionalización de l'agricultura y ganadería.
• Afalamientu de toles posibilidaes económiques d'Asturies.
• Recuperación de la cultura asturiana.
• L'algame del mayor autogobiernu y la unificación política europea.

Simboloxía

La bandera y escudu del CNA ye la Cruz de la Victoria n'oru sobre fondu azul. El so himnu: "Asturies, patria querida". Adoutar esti popular cantar como himnu oficial del partíu supunxo un retrasu na llegalización del partíu nel Rexistru per parte de los funcionarios, que lo emplegaron como pretestu, yá que los estatutos foron presentaos en mayu de 1978 y el partíu nun foi llegalizáu fasta'l 19 de xineru de 1979.

"Aquí temíamos que se tratara de un cahondeo"

- manifestaba'l Subdireutor Xeneral d'Asociaciones Polítiques nunes declaraciones a "Asturias", el 18 de xineru de 1979.

Fundadores

Ente los fundadores taben Xosé Lluis Carmona y Dubardu Puente, Xesús Cañedo Valle, Pepe Fernández Alonso, Fernando Cueto y miembros del Conceyu Bable. El so secretariu xeneral foi Anxelu Zapico.

Publicaciones

El CNA llegó a editar una publicación propia, la revista Asturies Dixebrá.

Elleiciones

Demientres la so esistencia nun algamó nengún llogru eleutoral. Nes eleiciones xenerales de 1977 nun presentó candidatura propia, sofitando la candidatura de la Unidá Rexonalista, encabezada por Aida Fuentes Concheso, Antonio Massip Hidalgo y Manuel Hevia Carriles. Nes eleiciones xenerales de 1979 presentó candidatura propia a dambes cámares. Al congresu presentara a: Eduardo Puente Fernández, José Álvarez Fernández, Angel José Cadenas Menéndez, Francisco Javier Fernández Romero, José Ramón González Cuesta, José Francisco Villabrille, José Manuel Fernández Vega, Luis Antonio Álvarez Alias, José Manuel Friera Poo y Julio César López Fernández algamando 3.049 votos el 0'55% del votu total, asitiandolu nel 9u llugar de les 17 llistes ensin representación nel congresu y pal senáu presentara a: Manuel Ángel González Zapico y José Luis Carmona García, con 8.309 votos, el 1'52% del votu total, asitiandose nel 17u llugar ensin representación parllamentaria.

Eduardo Puente -candidatu con namás que 29 años-, ficiera unes declaraciones a "El Comercio" de Xixón el 10 de febreru de 1979, nes que dixo;

"CNA más qu'un partíu convencional ye un frente ampliu onde tienen cabida toles tendencies d'esquierda. Nun somos dogmáticos, nin tenemos tampoco una ideoloxía rixa, sinón que, énte too, como bonos asturianos, somos pragmáticos" [...] "Les persones que formamos parte del CNA víamos fasta va poco con simpatía dellos partíos que se declaraben rexonalistes. Por embargu, les pallabres llevoles el vientu y na práutica, a la hora la verdá, les sos teoríes quedaron en meres promeses que nun tienen res que ver cola auténtica defensa de los porgüeyos asturianos. D'ehí qu'énte l'escaezu amosáu por toles fuercies polítiques de les sos declaraciones rexonalistes, tienmos llevao a xuntanos tolos que teníemos esti enfotu pa fundar una organización política asturiana y asturianista" [...].

Ún de los cartelos de propaganda elleutoral del CNA dicía:

"VOTAR CNA YE SOFITAR: la nacionalidá asturiana. El socialismu autoxestionariu. La llucha escontra'l colonialismu, qu'afuega Asturies. La nuestra llingua y cultura, artes, vezos. Un estatutu d'autonomía que dexe abiertu'l camín a l'autodeterminación. Una alternativa revolucionaria a la clas obrera asturiana. La defensa del nuestru frayau y escaecíu patrimoniu artísticu. La llucha ecolóxica. Ñatura escontra contaminación. Non al ICONA (Institutu pa la conservación de la naturaleza). Non a les centrales ñucleares. La llucha polos drechos la muyer. Libre usu del cuerpu, divorciu, albuertu, planificación familiar; mesmu salariu y drechos llaborales que'l (sic) home. La llucha pola lliberación y drechos de los homosexuales, escontra les lleis represives y en defensa d'ista (sic) natural expresión afeutiva. La llucha polos drechos de los pensionistes. Xubilaciones suficientes. Asistencia xeriátrica continua y gratuita. La llucha polos drechos de los minusválidos. Estructures y servicios ciodadanos (sic) afayaízos. Melecina y terapia recuperativa a niveles físicos y síquicos. Drechu a la integración y al trabayu" [..]

Disolución

Cabe destacar nesti procesu que dellos militantes del partíu fueron deteníos baxo acusación de colaborar con ETA politico-militar nel asaltu al Bancu Herrero d'Uviéu y dellos cumplieron años de prisión por ello.

Disolvióse en 1981. De les sos cenices surdieron otros partíos nacionalistes, como l'Ensame Nacionalista Astur (ENA), que tres la so fusión cola Xunta Nacionalista Asturiana (XNA) dio llugar a la Unidá Nacionalista Asturiana (UNA), que se presentó a les eleiciones europees de 1989 baxo la mano de José Suárez Arias-Cachero "Felechosa". Exercieron la secretaría Xeneral de la UNA Faustino Fernández Pereira, primero, y Xosé Lluis Carmona, dempués.

La CSI ocupa la Direición Xeneral de Trabayu

Delegaos sindicales de la Corrriente Sindical d’Izquierdes ocuparon la Direición Xeneral de Trabayu como aniciu de les protestes que se van entamar contra la xestión pública que se ta faciendo de la crisis económica.

Con salida de la Plaza España los manifestantes se dirixeron a la cai Santa Susana onde s’alcuentra la Direición Xeneral de Trabayu. Dalgunos de los delegaos sindicales subieron a la planta segunda pa entrevistase con Antonio González, director xeneral de trabayu demientres dellos manifestantes se concentraron delantre la Direición onde pegaron carteles informativos onde se lleíen mensaxes contra los despidos y les ayudes millonaries a los bancos, y s’acusaba a banqueros y "especuladores" de la crisis capitalista amás d’escolingar una pancarta nel edificiu, y glayaron conseñes a favor de la movilización social, y a la escontra de la firma d’espedientes de regulación d’emplegu per parte del Gobiernu asturianu de la "izquierda" plural.

Según esplicó’l secretariu xeneral de la CSI, Cándido Carnero, tamién participante nel actu, se trató de la primera d’una campaña d’aiciones que la CSI pretende entamar pa tentar llograr una movilización social contra la crisis y la xestión política de la mesma. La próxima cita va ser el 7 de marzu, sábadu, n’Avilés. Pa esta xornada, de magar les 12.30 hores ta convocada una manifestación. El sindicatu va convidar a otres organizaciones sociales a tomar parte nes protestes, si bien nun prevé que se sumen los dos sindicatos mayoritarios, UXT y Comisiones Obreres.

L'Asturianu "en pelligu" según l'Atles de Llingües de la UNESCO

La UNESCO vien d'asoleyar la tercer edición del Atles de Llingües en Pelligru del Mundu fechu pola organización de la ONU pa la Educación, la Ciencia y la Cultura (UNESCO). La edición nueva presentóse ayeri y ta disponible en unesco.org. L'Asturianu sigue ente les llingües en situación "pelligrosa" xunta l'aragonés, a diferencia del vascu que ta en situación "vulnerable".

El filologu finés Tapam Salminen remarcó la bona posición del catalán, que calificó como la llingua minoritaria más fuerte de Europa-- y del gallegu, protexíu además pola prosimidá al portugués. Estes dos llingües nun tan en riesgu y nun salen nel Atlas de llingües en pelligru de la UNESCO.

L'Atles interactivu que la Unesco pon a disposición de tol mundu desde güei na so páxina ueb ta fechu por más de 30 llingüistes de tol mundu y permitirá actualizalu de forma constante gracies a aportaciones de los usuarios.

• La ficha del Asturianu-lleonés nel Atles ye la que sigue:

Name of the language	Asturian-Leonese (en); астурийско-леонский (ru)
Alternate names	Bable; Mirandese (local name in Portugal); Extremaduran (dialect); Cantabrian (dialect)
Vitality	definitely endangered
Number of speakers	150,000 (rough estimate based on various sources; a few thousand speakers in Portugal)
Location(s)	Asturias and northwestern Castile and León, Spain, and the municipalities of Miranda do Douro and Vimioso in north-eastern Portugal
Country or area	Spain - Portugal
Coordinates	lat = 42.7954; long = -5.6689
References	Corresponding ISO 639-3 code(s): ast; ext; mwl Record number: 00486

Estrayiu d'Infoasturies.

Oficialidá darréu!!!

Xuiciu a Fer, n'espera de sentencia

Güei quedó vistu pa sentencia'l xuiciu a Fernando G.R. n'Audiencia Nacional, suspendíu ayer durante'l informe de la defensa. Na reanudación la defensa siguió cola llinea argumental, desplicando que Fer foi deteniu con una garrafa de gasolina y petardos nel so coche, sin que quedara probao onde diba a colocalo ni cual yera la capaciá destructiva del artefautu incendiariu, por otro llau mui reducia, alpenes unos metros. Tamién se repasó la xurisprudencia en cuantu a la calificación del délitu, que debería ser de daños en grau de tentativa y no estragos terroristes, pues nun puso en pelligru vidas ni el normal furrular de les instituciones, nin l'artefactu tinía capacidá pa "arrasar", destruir daqué totalmente, basandose nes pruebes y estimaciones periciales de la propia policia.

Fernando G.R. espresó so renuncía a declarar al final del xuiciu, nel momentu que se concede la última pallabra'l acusau, al "no poder falar na mio llingua". Dende'l primer día del xuiciu a Fer le foi negau el drechu a declarar por espresase n'asturianu, cuando xueza Angela Murillo dixo: "callase, usted no puede hablar en la lengua que quiera y el asturiano no es una lengua". Así, se imposibilitó la defensa del xoven independentista, que nun pudo falar en tol xuiciu.

Una veintena de persones asistieron al xuiciu en sofitu col acusau. Sobre les 14:00 hores los asistentes y Fernando G.R. abandonaben el xuzgau. Durante la tarde de güei regreserán a Asturies los solidarixs que quedaron en Madrí y el propiu Fernando n'espera de que se conozca la sentencia.

Aplazau fasta mañana, 13 de febreru, el final del xuiciu a Fer n'Audiencia Nacional

De nueu la xueza Angela Murillo imposibilitó la defensa de Fernando G.R. Durante una de les intervenciones de les abogaes de Fernando la xueza, despistada durante el xuiciu y atendiendo otre llabores, impidió que desarrollasen los argumentos ya que le apetecía irse a xintar. La abogada de la defense entrugó si habia prisa y la xueza decidió de males maneres concluir la sesión y aplazar lo que quedó pendiente tá mañana a les 13:00 hores "pa demostrar que nun hai prisa". Dalgunos solidarios/as quedaronse en Madrí acompañandu al xoven acusau de tentitativa d'estragos.

La mocedá independentista Darréu asoleya una nueva campaña.

Con esta campaña, a base de pegadielles y otres aiciones la organización de mocedá trata d'estimular a los más xóvenes a garrar un compromisu de llucha y militancia. El testu qu'asoleyen dende Darréu ye'l siguiente:

" Darréu saca a la cai una campaña llamando a la mocedá a la militancia y la llucha

Darréu- mocedá independentista asturiano- asoleya más de 2.000 pegadielles llamando a la mocedá del país a xunise a la nuesa organización de mocedá y al movimientu de lliberación del pueblu asturianu, y asina dinamizar la llucha ente les moces y mozos por algamar la independencia y el socialismu. Nesta campaña, Darréu emplega un vieyu llema d’Ernesto “Che” Guevara, como referente de solidariedá y llucha escontra l’imperialismu y colonianismu español que sufre Asturies. Estes pegadielles ya puen vese nes cais de los pueblos y ciudaes del nuesu país.

Dende Darréu enfotámonos en que seya un bon estímulo p’animar a los xóvenes a movilizase y lluchar, más agora que la represión del Estáu español medra n’Asturies xabazmente como podemos ver colos casos de los 14 antifacistes de Cangues d’Onis a los que-yos piden más de 35 años de cárcele o’l casu del independentista Fernando G.R., al cual l’Audiencia nacional pidei 8 años, ensín escaecer les sanciones, multes y persecuciones que sufrimos los mozos y les moces que refugamos lo que traten d’imponenos dende’l gobiernín y dende Madrid. Asina dende Darréu creyemos que’l momentu pa defendenos como pueblu trabayador ye agora más que nunca, siguiendo cola nuesa actividá pese a les torgues y les agresiones diaries del Estáu facista español. Y tornamos a citar al “Che” si fai falta: “ Si el presente ye de llucha, el futuru ye de nueso”.

¡Puxa Darréu!

¡Puxa Asturies llibre y socialista!

www.darreu.org"

Mañana 12 febreru, termina'l xuiciu a Fer n'Audiencia Nacional

El xueves 12 de Febreru tien llugar la última sesión del xuiciu a Fernando G.R., acusau en 2005 pola policia, Delegación de Gobiernu y prensa de "macroterrorismu" (22 atentaos), pertenencia a banda armada... Fernando G.R. tá siendu xulgau por estragos terroristes en grau de tentativa trás demostrase la
falsedá de la campaña política y mediática que la policia nacional y Antonio Trevín, delegau del gobiernu, mantuvierun nel momento los sucesos. Fernando G.R. foi deteniu nel so coche cuando portaba 2 petardos, botes d'aerosol y una garrafa pequeña de gasolina. Lo demás pertenez a les "mentires, sumarios y cintes de vidiu" que'l acusau aclaró recientemente nel entamu d'un llibru "Amarraza. 102 días baxu la llei antiterrorista" y n'una charra.

El 12 de Xineru solidarixs con Fernando G.R. viaxarán de nueu a Madrid en sofitu al acusau. A través del mail de Sofitu (sofitu@nodo50.org) podeis apuntaos al viaxe y comprobar como furrula l'Audiencia Nacional a la hora de perseguir la rebeldía política. L'autobus sal a les 3:00h de la madrugada del xueves 12 de febreru de la FEVE en Xixón y a les 3:30h de la Plaza de la Gesta n'Uviéu.

Noticies alredor del xuiciu a Fer.

Nos caberos dies munches organizaciones y presones solidarizaronse col militante independentista Fernando G.R.. Equí dexamos la postura de d'Andecha Astur, de COSAL y de Ricardo Gayol en RNE, sorprendente'l posicionamientu d'esti últimu.



Andecha énte'l xuciu al ciudadanu asturianu Fernando G.R


• Denunciamos la campaña de criminalización hacia la nuestra organización al través de les informaciones que se vienen espublizando en prensa escrito, medios dixitales, radios y hasta na televisión pública del “Principado”, onde se calificó a Fernando como miembru d’Andecha Astur y llegando a vincular a miembros d’Andecha Astur con supuestes agresiones a periodistes demientres la primer parte del xuiciu.

• Consideramos que la campaña de criminalización haza Andecha busca criminalizar a la izquierda nacionalista asturiana y al nacionalismu asturianu en xeneral (dalgo a lo que por desgracia tamos mui avezaos los nacionalismos non españoles) y con ello a tolos ciudadanos y ciudadanes d’Asturies con una ideoloxía determinao.

• A la vegada que se criminaliza a tou un movimientu políticu y a miles de ciudadanos y ciudadanes, con esti casu, alcontrámonos con un xuiciu na Audiencia Nacional española a un ciudadanu asturianu, al que-y piden 8 años de cárcele por un delito d’estragos en grau de tentativa, y al que, dende la so detención en 2005, se-y vien faciendo un xuiciu públicu paralelu en prensa cola participación de la Delegación del Gobiernu español n’Asturies, con Antonio Trevín al frente (al que-y tenemos qu’agradecer portaes de periódicu de 2005 como “La policia investiga el entorno de Andecha Astur”) vulnerando’l so drechu a la presunción d’inocencia.

• A Fernando G.R tán xulgándolu en base a la Llei antiterrorista española énte la que caltenemos un posicionamientu públicu contrariu, claru y conocíu, por ser una restricción intolerable a los derechos humanos, igual qu’otres munches organizaciones polítiques, sociales y mesmamente organizaciones como “Human Rights Wacht” o “Amnistia Internacional”.

• A Fernando G.R xúlgalu l’AN, tribunal pal que tamién pedimos la so derogación. Considerámosla como otres muches organizaciones asturianes y del estáu un tribunal d’esceición herederu de los Tribunales d’Orde Públicu franquistas. Una Audiencia calificada por Gregorio Peces-Barba, nada sospechosu de ser un “pelligrosu independentista”, como un "atentado a un derecho fundamental".

• Con too ello, alcontrámonos con una primer parte del xuiciu onde se vulneró’l derechu a la defensa d’un ciudadanu asturianu prohibiéndo-y la xuez Angela Murillo utilizar la so llingua materna pa declarar, pesie a tener concedíu un intérprete pola propia sala, como denunció l’Aconceyamientu de Xuristes pol Asturianu (AXA) recordándo que’l propiu Plenu de la propia AN sentenció n’abril de 2008 que "ye una garantía del drechu a la defensa permitir al acusáu que s'esprese na so llingua materna".

• Si recapitulamos, tamos énte un casu nel qu’un ciudadanu asturianu foi deteníu aplicando-y una llei contraria a los derechos humanos, xulgáu por un tribunal herederu del franquismu y nun xuiciu nel que nun tien garantizáu’l derechu a la defensa. Camentamos qu’esta situación ye denunciable por cualaquier demócrata que se precie.

-------------------------------------------------------------------------------------------------

Solidaridad con FER desde COSAL
Xixón, el 10 febreru 2009

Desde COSAL, queremos expresar nuestra solidaridad con la causa de Fernando González Rodríguez.
Fernando cumplió sentencia de prisión durante catorce meses en el año 1996 por negarse a realizar el servicio militar. El estado español no le indemnizó todavía por haberse adelantado a la casi inmediatamente posterior anulación de la discriminatoria obligatoriedad de dicho servicio, anulación que obedeció a la persistente petición popular. La valentía de las personas que, como Fernando, se la juegan por los más, sigue sin merecer, por desgracia, derecho a reparación alguna en este sistema, sino todo lo contrario.
En el año 2005, fue nuevamente encarcelado e incomunicado en aplicación de la ley antiterrorista, la misma que ha cerrado periódicos hasta entonces legales; la misma que ha eliminado partidos políticos del sistema electoral; la misma con la que se está criminalizando la lucha por defender el trabajo en Asturias. La misma que desde amplios sectores de la población se pide abolir, por su carácter injusto, discriminatorio, represivo como en épocas que soñábamos olvidar.
Fernando fue liberado en diciembre de ese mismo año 2005, pero con el sumario abierto hasta juicio. Éste tuvo lugar el pasado día 23 de enero de 2009 en la Audiencia Nacional. ¡Y Fernando no pudo defenderse! Hoy, como en 1996, de nuevo le toca pagar cara su visión política, su dignidad personal que nos beneficiará a los más: A Fernando se le negó el derecho básico de defensa porque no se le permitió hablar en su lengua, que es la de nosotros también, pues en Asturias vivimos. A pesar de que sí se había autorizado, previamente, la presencia de un intérprete --perteneciente a l' Academia de la Llingua-- en la sala con este fin.
El próximo día 12 de febrero concluye el juicio, con la aportación, parece ser, de pruebas periciales pendientes. Pero entre éstas no podrá estar la declaración en su defensa de Fernando, porque no se le permitió hablar. Ocho años de prisión se ciernen sobre él. Los políticos asturianos en el poder reinante pueden sentirse orgullosos de su "buen trabajo" contra nuestra lengua materna, expresado en esta ocasión en el encarnizamiento contra la víctima propiciatoria Fernando González: Preso político por defender esta Asturias incendiada, arrasada por despropósitos políticos que tienen en el PSOE y sus ínclitos representantes a sus mayores adalides, hoy, como en 1996, no soportan que exprese la verdad. Y su verdad, es la nuestra también y por eso queremos decirlo desde estas líneas:

¡¡FER SOMOS TODOS!!! ¡¡Y DE TODOS, SOBRE TODO, TODAS!!!¡¡NO AL JUICIO A FER!!


---------------------------------------------------------------------------------------------
El Xuiciu a Fer na Cadena SER

http://www.goear.com/listen.php?v=4efa5ca



Solidaridá con Fer!

Asturies y Uviéu solidarizaronse con Fer.

Unes 85 persones caleyaron güei dende la Plaza de la Gesta p'hacia Delegación de Gobiernu glayando "Non al xuiciu a Fer", "Defender asturies nun ye delitu" o "Non a la llei antiterrorista". Nel recorriu tamién pararon delantre la sede del periódicu Nueva España onde tiraron unos peazos de "carne cruda" al glayíu de "Carroñeros", pol tratamientu mediáticu que tan dando al casu de Fer. Tamién el pasucais visitó la sede del PSOE n'Uviéu, onde fizose otra parada pa señalar la implicación d'este grupu na criminalización de la izquierda asturiana y no concerniente al xuiciu na Audiencia Nacional escontra Fer. La marcha adornose con petardos, disfraces y bengales.







Apurrir tamién qu'al finar el pasucais varios mozos y moces sofrieron la persecución de la policía española finando esto n'identificaciones de varios d'estos, a esto tamos yá avezaos por desgracia.


Vidiu pasucais: http://www.youtube.com/watch?v=Fx_n_xLbsR0

Non al xuiciu farsa a Fer! Defender el pueblu nun ye delitu!

Manifestamientu en sofitu a Palestina mañana n'Uvieu. ( 12:00 hores).

Esti DOMINGU 8 de febreru a les 12hrs. Dende la estación de RENFE (Uvieu) MANIFESTACIÓN EN SOLIDARIDÁ COL PUEBLU DE PALESTINA Conderga al xenocidiu perpetrau por Israel escontra Gaza .Pola ruptura de les relaciones con Israel ¡Acude!¡Pásalo!

PASUCAIS N´UVIEU EN SOFITU A FER ESTI SABADU 7 A LES 17:30

12 de Febreru de nueu a Madrid a sofitar a Fer!